2 Chronicles 10:16
ဒီးအံၣ်စရ့လးခဲလၢာ်ထံၣ်ဝဲလၢစီၤပၤတဒိကနၣ်ဘၣ်အကလုၢ်ဘၣ်,ဒီးပှၤဂီၢ်မုၢ်စံးဆၢစီၤပၤ,ဒီးစံးဝဲဒၣ်,တၢ်လၢပဂီၢ်အိၣ်လၢစီၤဒၤဝံးအပူၤန့ၣ်မ့ၢ်မနုၤတမံၤလဲၣ်.ဒီးပန့ၢ်သါတၢ်တအိၣ်ဘၣ်လၢစီၤယံးၡဲအဖိခွါအပူၤဘၣ်လီၤ.ဆူသုဒဲတဖၣ်အပူၤတက့ၢ်,အံၣ်စရ့လးဧၢ,ခဲကနံၣ်အံၤ,ကွၢ်နဟံၣ်ဒၣ်နဲ,စီၤဒၤဝံးဧၢ,ဒီးအံၣ်စရ့လးဟးဝဲဆူအဒဲပူၤလီၤ.
S'gaw Karen Mason Bible 1853
In The King James Version
In Context
17ဒီးပှၤအံၣ်စရ့လးဖိလၢအအိၣ်ဝဲဆိးဝဲလၢယူဒၤအဝ့ၢ်တဖၣ်အပူၤန့ၣ်စီၤရဃၤဘၣ်ကဲစီၤပၤလၢအဖီခိၣ်လီၤ.
Cross References
1 Samuel 20:27ဒီးတၢ်မၤအသးလၢမုၢ်ဆ့ၣ်ထီၣ်တနံၤန့ၣ်,လါထီၣ်ခံနံၤတနံၤန့ၣ်စီၤဒၤဝံးအလီၢ်အိၣ်ကလီ,ဒီးစီၤစီလူးစံးလၢအဖိခွါစီၤယိနၤသၣ်,မဟါတနံၤမ့ၢ်ဂ့ၤ,အအံၤတနံၤမ့ၢ်ဂ့ၤ,စီၤယံးၡဲအဖိခွါတဟဲအီၣ်တၢ်မ့ၢ်အဘၣ်မနုၤလဲၣ်.
1 Samuel 22:7ဒီးစီၤစီလူးစံးဘၣ်အခ့အပှၤလၢအဆၢထၢၣ်လၢအဃၢၤ,ကနၣ်လၢ်တက့ၢ်,ပှၤဘံၣ်ယၤမံၣ်ဖိသ့ၣ်ဧၢ,စီၤယံးၡဲအဖိခွါကဟ့ၣ်သုကိးဂၤဒဲးလၢစံာ်ဧိၤပှဲၤဧိၤဒီးတၤသၣ်အလီၢ်တဖၣ်,ဒီးပာ်သုလၢပှၤတကထိအခိၣ်,ဒီးပှၤတကယၤအခိၣ်,
1 Samuel 22:13ဒီးစီၤစီလူးစံးဘၣ်အီၤသုအၢၣ်လီၤအီလီၤတၢ်ထီဒါယၤ,နဲဒၣ်ဒီးစီၤယံးၡဲအဖိခွါ,လၢနဟ့ၣ်အီၤလၢကိၣ်,ဒီးနးတဘ့ၣ်,ဒီးသံကွၢ်ယွၤလၢအဂီၢ်ဒ်သိးအကဂဲၤဆၢထၢၣ်ထီဒါယၤ,ဒ်သိးအကခိးတၢ်ခူသူၣ်ဒ်လၢမုၢ်မဆါတနံၤအံၤအသိးန့ၣ်မ့ၢ်အဘၣ်မနုၤလဲၣ်.
2 Samuel 15:13ဒီးကလူးတဂၤဟဲဆူစီၤဒၤဝံးအအိၣ်,ဒီးစံးဝဲဒၣ်,အံၣ်စရ့လးအပှၤကညီတဖၣ်အသးအိၣ်ထွဲစီၤအးဘၡါလိၣ်အခံလီၤ.
2 Samuel 20:1ဒီးပှၤဘလးယဧၤလးဖိအိၣ်ဝဲဖဲန့ၣ်တဂၤ,ဒီးအမံၤမ့ၢ်စီၤၡဘၤ,ဒီးပှၤဘံၣ်ယၤမံၣ်ဖိစီၤဘံးကြံၤအဖိခွါလီၤ.ဒီးအဝဲဒၣ်န့ၣ်အူကွဲၤ,ဒီးစံးဝဲဒၣ်,ပဂီၢ်တအိၣ်ဘၣ်လၢစီၤဒၤဝံးအပူၤ,ဒီးပန့ၢ်သါတၢ်တအိၣ်ဘၣ်လၢစီၤယံးၡဲအဖိခွါအပူၤဘၣ်.တဂၤဆူအဒဲဒၣ်ဝဲတဂၤဆူအဒဲဒၣ်ဝဲတက့ၢ်,အံၣ်စရ့လးဧၢ.
1 Kings 11:34ဒီးယတဟံးန့ၢ်ဘၣ်ဘီမုၢ်ဒီဘ့ၣ်ညါလၢအစုပူၤဘၣ်,ဒီးယကပာ်အီၤလၢအခိၣ်တစိၤဒၣ်အီၤလၢယခ့ယပှၤစီၤဒၤဝံးအဃိလၢယဃုထၢအီၤလၢအတိၢ်န့ၢ်ယတၢ်မၤလိာ်ဒီးယတၢ်သိၣ်တၢ်သီတဂၤအဃိန့ၣ်လီၤ.