2 Chronicles 30:10

ဒီးကလူးတဖၣ်န့ၣ်လဲၤတၢ်တဝ့ၢ်ဘၣ်တဝ့ၢ်လၢအ့ဖရဲၣ်,ဒီးမနၤရှ့ၤအကီၢ်ဒီဘ့ၣ်ညါပၢၢ်လၢစဘူလိၣ်,ဒီးပှၤနံၤဘၣ်အီၤ,ဒီးကတိၤဒိးအီၤလီၤ.

S'gaw Karen Mason Bible 1853

In The King James Version

So the posts passed from city to city through the country of Ephraim and Manasseh even unto Zebulun: but they laughed them to scorn, and mocked them.

In Context

9အဂ့ၢ်ဒ်အံၤ,သုမ့ၢ်ဃၣ်က့ၤသုသးဆူယွၤအအိၣ်ဒီး,သုဒီပုၢ်ဝဲၢ်,ဒီးသုဖိတဖၣ်ကဘၣ်တၢ်သးကညီၤလၢပှၤလၢအမိၤမၢကဲကုၢ်အီၤအမဲာ်ညါ,ဒီးကဟဲက့ၤကဒါက့ၤဆူကီၢ်အံၤအပူၤလီၤ.အဂ့ၢ်ဒ်အံၤ,ယွၤသူၣ်ကညီၤတၢ်,သးကညီၤတၢ်,ဒီးအသးအိၣ်တၢ်လီၤ.ဒီးသုမ့ၢ်ဃၣ်က့ၤသုသးဆူအအိၣ်ဒီး,တဃၣ်ကွံာ်အမဲာ်လၢသုအိၣ်ဘၣ်.

11ဘၣ်ဆၣ်ဒီးပှၤကညီတနီၤနီၤလၢအၤရှ့ၢ်,ဒီးမနၤရှ့ၤ,ဒီးစဘူလိၣ်အကျါတဖၣ်ဆီၣ်လီၤအသး,ဒီးဟဲဝဲဆူယရူၤၡလ့ၣ်အပူၤလီၤ.

Read all of 2 Chronicles 30

Cross References

2 Chronicles 30:6ဒီးကလူးတဖၣ်လဲၤဝဲဒီးစီၤပၤ,ဒီးအပဒိၣ်ဖးဒိၣ်တဖၣ်အလံာ်,လၢအံၣ်စရ့လးဒီးယူဒၤခဲလၢာ်အပူၤ,ဒ်စီၤပၤအတၢ်မၤလိာ်အသိးန့ၣ်,ဒီးစံးဝဲဒၣ်,အံၣ်စရ့လးဖိသ့ၣ်ဧၢ,ဃၣ်ကဒါက့ၤသုသးဆူယွၤ,စီၤအၤဘြၤဟၣ်,ဒီးစီၤအံၤစဲး,ဒီးစီၤအံၣ်စရ့လးအကစၢ်အအိၣ်တက့ၢ်,ဒီးအဝဲဒၣ်ကဟဲက့ၤကဒါက့ၤဆူသုလၢအအိၣ်လီၤတဲာ်ဒီးပူၤဖျဲးလၢအၤရှူၢ်အစီၤပၤတဖၣ်အစုပူၤအအိၣ်န့ၣ်လီၤ.

Nehemiah 2:19ဒီးတုၤပှၤဃိရၣ်ဖိစီၤစၤနဘၤလး,ဒီးပှၤဧၣ်မိၣ်ဖိ,တၢ်အခ့အပှၤစီၤတိၤဘံယၤ,ဒီးပှၤဧ့ရ့းဖိစီၤက့ၤရှ့ၣ်နၢ်ဟူဝဲဒီး,နံၤဘၣ်ဖၣ်လဲပှၤ,ဒီးမၤတရီတပါပှၤ,ဒီးစံးဝဲဒၣ်,တၢ်လၢသုကမၤန့ၣ်မ့ၢ်မနုၤတမံၤလဲၣ်.သုကပူထီၣ်စီၤပၤစ့ၢ်ကီးဧါ.

Esther 3:15စီၤပၤအတၢ်မၤလိာ်ဒုးမၤတၢ်ချ့ချ့,ဒီးပှၤဃ့ၢ်တၢ်ဖိတဖၣ်ဟးထီၣ်ဝဲလီၤ.ဒီးတၢ်ဟ့ၣ်လီၤတၢ်မၤလိာ်န့ၣ်လၢနူၢ်ရှူၡၣ်အပူၤလီၤ.ဒီးစီၤပၤ,ဒီးစီၤဟၤမၣ်ဆ့ၣ်နီၤဝဲ,ဒ်သိးအကအီၣ်တၢ်လီၤ.မ့မ့ၢ်ဝ့ၢ်ရှူၡၣ်ဖိအသူၣ်ကိၢ်အသးဂီၤလီၤ.

Esther 8:14ဒီးပှၤဃ့ၢ်တၢ်ဖိလၢအဒိးကသ့ၣ်ချ့,ဒီးကသ့ၣ်လၤတဖၣ်န့ၣ်ဟးထီၣ်ဝဲ,ဒီးစီၤပၤအကလုၢ်မၢအလဲၤတၢ်ချ့ချ့လီၤ.ဒီးတၢ်ဟ့ၣ်တၢ်မၤလိာ်န့ၣ်လၢနူၢ်ရှူၡၣ်အပူၤလီၤ.

Job 12:4ယမ့ၢ်ပှၤလၢအတံၤအသကိးနံၤဘၣ်အီၤ,ပှၤလၢအကိးထီၣ်ယွၤ,ဒီးအဝဲဒၣ်စံးဆၢအီၤလီၤ.ပှၤအတီအလိၤပှၤအလၢအပှဲၤန့ၣ်ဘၣ်တၢ်နံၤဘၣ်အီၤလီၤ.

Luke 16:14ဒီးပှၤဖၤရံၤၡဲလၢအအဲၣ်စ့တဖၣ်န့ၣ်,နၢ်ဟူစ့ၢ်ကီးတၢ်န့ၣ်တဖၣ်ခဲလၢာ်ဒီး,ဒုၣ်ဒွဲၣ်အီၤလီၤ.

This Verse In Other Editions

Study 2 Chronicles 30:10