2 Chronicles 30:27
ဒီးပှၤလုၢ်တၢ်အဒိၣ်,ဒီးပှၤလ့ၤဝံဖိဂဲၤဆၢထၢၣ်,ဒီးဆိၣ်ဂ့ၤပှၤဂီၢ်မုၢ်လီၤ.ဒီးယွၤဒိကနၣ်အကလုၢ်,ဒီးအတၢ်ဘါထုကဖၣ်ထီၣ်ဘးအအိၣ်အဆိးအလီၢ်စီဆှံ,လၢမူခိၣ်န့ၣ်လီၤ.
S'gaw Karen Mason Bible 1853
In The King James Version
In Context
Cross References
Numbers 6:23ကတိၤတၢ်ဒီးစီၤအၤဟရိၣ်ဒီးအဖိခွါတဖၣ်ဒီးစံး,သုဘၣ်ဆိၣ်ဂ့ၤပှၤအံၣ်စရ့လးဖိဒ်အံၤ,စံးဘၣ်အီၤ,
Deuteronomy 26:15ကွၢ်လီၤလၢနအိၣ်နဆိးအလီၢ်စီဆှံလၢမူခိၣ်,ဒီးဆိၣ်ဂ့ၤဆိၣ်ဝါနပှၤဂီၢ်မုၢ်အံၣ်စရ့လး,ဒီးထံဧိၤကီၢ်ဧိၤလၢနဟ့ၣ်လီၤပှၤ,ဒ်နဆိၣ်တၢ်ဒီးပပၢ်တဖၣ်အသိး,ကီၢ်တဘ့ၣ်လၢအယွၤဒီးတၢ်နုၢ်ထံဒီးကနဲစီန့ၣ်တက့ၢ်.
1 Kings 8:39ဒိကနၣ်နဲလၢမူခိၣ်နအိၣ်နဆိးအလီၢ်,ဒီးပျၢ်တၢ်,ဒီးမၤတၢ်,ဒီးဟ့ၣ်လီၤပှၤကညီလၢနသ့ၣ်ညါအသးတဂၤလၢ်လၢ်ဒ်အကျဲအသိးန့ၣ်တက့ၢ်.အဂ့ၢ်ဒ်အံၤ,နသ့ၣ်ညါပှၤကညီဖိအသးခဲလၢာ်နဲဒၣ်တဂၤဃီဧိၤလီၤ.
2 Chronicles 23:18ဒီးစီၤယဟိယဒါပာ်လီၤယွၤအဟံၣ်အတၢ်မၤတဖၣ်,လၢပှၤလုၢ်တၢ်အဒိၣ်ပှၤလ့ၤဝံဖိအစုပူၤ,လၢစီၤဒၤဝံးနီၤဖးဝဲအဆၢလၢယွၤအဟံၣ်ပူၤဒ်သိးအကလုၢ်ယွၤလၢတၢ်လုၢ်မ့ၣ်အူ,ဒ်တၢ်ကွဲးအသးလၢစီၤမိၤရှ့အတၢ်သိၣ်တၢ်သီအသိးန့ၣ်အိၣ်ဒီးတၢ်သူၣ်ခုသးခု,ဒီးသးဝံၣ်တၢ်ဒ်စီၤဒၤဝံးမၤလိာ်ဝဲအသိးန့ၣ်လီၤ.
Isaiah 57:15အဂ့ၢ်ဒ်အံၤ,ပှၤလၢအထီၣ်ထီ,ဒီးအိၣ်ဝဲထီၣ်ထီ,လၢအအိၣ်ဝဲဆိးဝဲလၢတၢ်အထူအယိာ်ပူၤ,ဒီးအမံၤမ့ၢ်တၢ်စီဆှံတဂၤစံးဝဲဒ်အံၤ,ယအိၣ်ယဆိးလၢတၢ်ထီၣ်ထီ,လၢတၢ်စီဆှံအလီၢ်,ဒီးယအိၣ်စ့ၢ်ကီးလၢပှၤအသူၣ်ကၢ်အသးလီၤဒီးပှၤဆီၣ်လီၤအသးအသိး,ဒ်သိးယကမၤမူထီၣ်ပှၤဆီၣ်လီၤအသးတဖၣ်အသးဒီးဒ်သိးယကမၤမူထီၣ်ပှၤလၢအသူၣ်ကၢ်အသးလီၤတဖၣ်အသးလီၤ.
Isaiah 66:1ယွၤစံးဒ်အံၤ,မူခိၣ်မ့ၢ်ယလီၢ်ပစိာ်,ဒီးဟီၣ်ခိၣ်မ့ၢ်ယခီၣ်ယီၢ်အလီၢ်လီၤ.ဟံၣ်လၢသုကသူၣ်လၢယဂီၢ်န့ၣ်မ့ၢ်အအိၣ်ဖဲလဲၣ်,ဒီးယအိၣ်ဘှံးအလီၢ်န့ၣ်မ့ၢ်အအိၣ်ဖဲလဲၣ်.