2 Kings 12:18

ဒီးယူဒၤအစီၤပၤယိၤအၣ်ဟံးန့ၢ်ကယဲၢ်တၢ်လၢအပၢ်တဖၣ်,စီၤယဟိၡၤဖး,ဒီးစီၤယဟိရၣ်,ဒီးစီၤအဃၤစယၤ,ယူဒၤအစီၤပၤတဖၣ်မၤဘူၣ်ဝဲ,ဒီးအတၢ်ဒၣ်ဝဲလၢအပာ်စီဆှံ,ဒီးကယဲၢ်ထူဧိၤလွဲဧိၤလၢအထံၣ်န့ၢ်ဝဲလၢတၢ်ပာ်ဖှိၣ်အလီၢ်တဖၣ်လၢယွၤအဟံၣ်ပူၤ,ဒီးလၢစီၤပၤအဟံၣ်ပူၤခဲလၢာ်,ဒီးဟ့ၣ်ယုၢ်ဝဲလၢစူၤရံအစီၤပၤစီၤဃစ့လးလီၤ.ဒီးအဝဲဒၣ်ဟးထီၣ်ဝဲလၢယရူၤၡလ့ၣ်လီၤ.

S'gaw Karen Mason Bible 1853

In The King James Version

And Jehoash king of Judah took all the hallowed things that Jehoshaphat, and Jehoram, and Ahaziah, his fathers, kings of Judah, had dedicated, and his own hallowed things, and all the gold that was found in the treasures of the house of the LORD, and in the king’s house, and sent it to Hazael king of Syria: and he went away from Jerusalem.

In Context

17တုၤနုၤတစုစူၤရံအစီၤပၤဃစ့လးလဲၤထီၣ်,ဒီးဒုးတၢ်ဒီးကၤသး,ဒီးမၤန့ၢ်အီၤလီၤ.ဒီးစီၤဃစ့လးပာ်အမဲာ်လၢအကလဲၤထီၣ်ဆူယရူၤၡလ့ၣ်လီၤ.

19ဒီးတၢ်အိၣ်လီၤတဲာ်ဘၣ်ဃးဒီးစီၤယိၤအၣ်,ဒီးကယဲၢ်တၢ်လၢအမၤဝဲခဲလၢာ်န့ၣ်ကွဲးအသးလၢယူဒၤအစီၤပၤအလံာ်ကွဲးနီၣ်တၢ်အပူၤတမ့ၢ်ဘၣ်ဧါ.

Read all of 2 Kings 12

Cross References

1 Kings 14:26ဒီးဟံးထီၣ်ကွံာ်ယွၤအဟံၣ်အတၢ်လုၢ်ဒိၣ်ပှ့ၤဒိၣ်,ဒီးစီၤပၤအဟံၣ်အတၢ်လုၢ်ဒိၣ်ပှ့ၤဒိၣ်,ဒီးစိာ်ထီၣ်ကွံာ်ဝဲခဲလၢာ်,ဒီးစိာ်ထီၣ်ကွံာ်ကယဲၢ်ကတီၤထူလၢစီၤၡလိၤမိၤမၤဝဲခဲလၢာ်လီၤ.

2 Kings 8:12ဒီးစီၤဃစ့လးစံးဝဲဒၣ်,ယကစၢ်အမဲာ်ထံလီၤန့ၣ်မ့ၢ်အဘၣ်မနုၤလဲၣ်.ဒီးစံးဝဲဒၣ်,အဂ့ၢ်ဒ်အံၤ,ယသ့ၣ်ညါတၢ်အၢလၢနကမၤပှၤအံၣ်စရ့လးဖိလီၤ.အတိာ်တဖၣ်န့ၣ်နကဆူးထီၣ်ကွံာ်လၢမ့ၣ်အူ,ဒီးအဖိၣ်သၣ်ခွါတဖၣ်န့ၣ်နကမၤသံလၢနး,ဒီးနကတ့ၢ်လီၤကွံာ်အဖိဆံး,ဒီးနကဖှဲးထီၣ်ကွံာ်ပိာ်မုၣ်လၢအဒၢတၢ်လီၤ.

2 Kings 16:8ဒီးစီၤအၤဃးဟံးန့ၢ်ကျိၣ်ဧိၤစ့ဧိၤ,ဒီးထူဧိၤလွဲဧိၤလၢအထံၣ်န့ၢ်လၢယွၤအဟံၣ်ပူၤ,ဒီးလၢစီၤပၤအဟံၣ်အတၢ်လုၢ်ဒိၣ်ပှ့ၤဒိၣ်အပူၤ,ဒီးဟ့ၣ်ယုၢ်ဝဲလၢခိၣ်ဖးဆူအၤရှူၢ်အစီၤပၤန့ၣ်လီၤ.

2 Chronicles 16:2ဒီးစီၤအၤစါဟံးန့ၢ်ကျိၣ်ဧိၤစ့ဧိၤ,ဒီးထူဧိၤလွဲဧိၤလၢယွၤအဟံၣ်အပာ်ဖှိၣ်အပူၤ,ဒီးလၢစီၤပၤအဟံၣ်အပာ်ဖှိၣ်အလီၢ်ပူၤ,ဒီးဟ့ၣ်ယုၢ်ဝဲဆူစူၤရံအစီၤပၤဘ့ၣ်ဟဒးလၢအအိၣ်ဝဲဆိးဝဲလၢဒၤမ့ၤစ့းအပူၤ,ဒီးစံးဝဲဒၣ်,

This Verse In Other Editions

Study 2 Kings 12:18