Deuteronomy 12:12
ဒီးသုကသးခုလၢယွၤသုကစၢ်အမဲာ်ညါ,သုဝဲ,ဒီးသုဖိခွါဒီးသုဖိမုၣ်,ဒီးသုကုၢ်ပိာ်ခွါ,ဒီးသုကုၢ်ပိာ်မုၣ်,ဒီးပှၤလ့ၤဝံဖိအိၣ်ဝဲလၢသုပဲတရီအပူၤလီၤ.အဂ့ၢ်ဒ်အံၤ,အဂီၢ်ဒီးအတၢ်န့ၢ်သါတအိၣ်ဘၣ်ဒီးသုဘၣ်လီၤ.
S'gaw Karen Mason Bible 1853
In The King James Version
In Context
13ပလီၢ်နသးဒ်သိးနသုတလုၢ်နတၢ်လုၢ်မ့ၣ်အူလၢကယဲၢ်တၢ်အလီၢ်လၢနထံၣ်ဘၣ်အီၤတဂ့ၤန့ၣ်တက့ၢ်.
Cross References
Numbers 18:20ဒီးယွၤစံးဘၣ်စီၤအၤဟရိၣ်,နတန့ၢ်ဘၣ်သါတၢ်လၢအကီၢ်ပူၤ,ဒီးနတန့ၢ်ဘၣ်နဂီၢ်လၢအကျါဘၣ်,တၢ်လၢယၤအံၤယမ့ၢ်နဂီၢ်,ဒီးနတၢ်န့ၢ်သါလၢပှၤအံၣ်စရ့လးဖိအကျါလီၤ.
Numbers 18:26ကတိၤတၢ်ဒီးပှၤလ့ၤဝံဖိ,ဒီးစံးဘၣ်အီၤ,တုၤသုဟံးန့ၢ်တၢ်ဆံဆဲၣ်ပူတပူလၢပှၤအံၣ်စရ့လးဖိအစုပူၤ,လၢယဟ့ၣ်လီၤသုလၢအီၤလၢသုတၢ်န့ၢ်သါအဂီၢ်ဒီး,သုဘၣ်ဝံၢ်တၢ်ဝံၢ်လၢအပူၤလၢယွၤအဂီၢ်တပူ,ဆံဆဲၣ်ပူတပူလၢတၢ်ဆံဆဲၣ်ပူတပူန့ၣ်အကျါလီၤ.
Deuteronomy 12:7ဒီးသုဘၣ်အီၣ်တၢ်ဖဲန့ၣ်လၢယွၤသုကစၢ်အမဲာ်ညါ,ဒီးသုကသးခုလၢကယဲၢ်တၢ်လၢသုပာ်သုစုလၢအလိၤအပူၤ,သုဝဲဒီးသုပှၤဟံၣ်ဖိလီၤ.အဂ့ၢ်ဒ်အံၤ,ယွၤသုကစၢ်ဆိၣ်ဂ့ၤလံနၤလီၤ.
Deuteronomy 14:26ဒီးနဘၣ်ဟ့ၣ်လီၤနစ့န့ၣ်လၢဖဲဒၣ်တၢ်လၢနဆၢန့ၢ်ဘၣ်အီၤတမံၤမံၤအဂီၢ်,ဂီၤဖံးမ့ၢ်ဂ့ၤ,သိမဲာ်တဲးလဲးမ့ၢ်ဂ့ၤ,စပံးထံမ့ၢ်ဂ့ၤ,သံးမ့ၢ်ဂ့ၤ,ဖဲဒၣ်နသးဆၢန့ၢ်ဘၣ်တၢ်တမံၤမံၤ,ဒီးနဘၣ်အီၣ်တၢ်ဖဲန့ၣ်လၢယွၤနကစၢ်အမဲာ်ညါ,ဒီးနသးကခု,နဲဒၣ်,ဒီးနပှၤဟံၣ်ဖိ,
Deuteronomy 14:29ဒီးပှၤလ့ၤဝံဖိ(အဂ့ၢ်ဒ်အံၤ,အဂီၢ်ဒီးအတၢ်န့ၢ်သါတအိၣ်ဘၣ်ဒီးနၤဘၣ်),ဒီးပှၤတခီဘီမုၢ်ဖိ,ဒီးပှၤဖိၣ်ဃဲ,ဒီးပှၤမုၣ်ကမဲလၢအအိၣ်လၢနပဲတရီအပူၤန့ၣ်ကဟဲ,ဒီးကအီၣ်တၢ်ဒီးဘျဲးအီၣ်,ဒ်သိးယွၤနကစၢ်ကဆိၣ်ဂ့ၤနၤ,လၢကယဲၢ်နတၢ်မၤလၢနစု,လၢနမၤအီၤလီၤ.
Deuteronomy 16:14နသးကခုလၢနဘူၣ်ပူၤ,နဲဒၣ်,ဒီးနဖိခွါ,ဒီးနဖိမုၣ်,ဒီးနကုၢ်ပိာ်ခွါ,ဒီးနကုၢ်ပိာ်မုၣ်,ဒီးပှၤလ့ၤဝံဖိ,ဒီးပှၤတခီဘီမုၢ်ဖိဒီးပှၤဖိၣ်ဃဲ,ဒီးပှၤမုၣ်ကမဲ,လၢအအိၣ်လၢနပဲတရီအပူၤလီၤ.