Ezekiel 33:27
စံးဘၣ်အီၤဒ်အံၤ,ကစၢ်ယွၤစံးဒ်အံၤ,ယမူယဲ,မ့ၢ်မးပှၤအိၣ်ဝဲလၢတၢ်အိၣ်သယုၢ်အပူၤတဖၣ်န့ၣ်ကလီၤဃံၤလၢနးဧိၤဘီဧိၤ,ဒီးပှၤလၢအအိၣ်ဝဲလၢပှၢ်လၢ်ကျါန့ၣ်ယကဟ့ၣ်လီၤကွံၤအီၤလၢဆၣ်ဖိကီၢ်ဖိဒ်သိးအကအီၣ်ကွံာ်အီၤ,ဒီးပှၤအိၣ်ဝဲလၢတိာ်ဧိၤတာ်ဧိၤအပူၤ,ဒီးလၢတၢ်အိပူၤန့ၣ်ကသံဝဲလၢတၢ်သံသတြိာ်လီၤ.
S'gaw Karen Mason Bible 1853
In The King James Version
In Context
Cross References
1 Samuel 13:6ဒီးအံၣ်စရ့လးအပှၤကညီထံၣ်ဝဲလၢအဘၣ်တၢ်ကိၢ်တၢ်ဂီၤလီၤ.(အဂ့ၢ်ဒ်အံၤ,ပှၤဂီၢ်မုၢ်န့ၣ်အသူၣ်အုးအသးအုးလီၤ.)ဒီးပာ်ခူသူၣ်အသးလၢတၢ်အိပူၤတဖၣ်,ဒီးလၢသ့ၣ်သဃာ်အကျါ,ဒီးလၢလ့အအိပူၤ,ဒီးလၢတိာ်ပူၤ,ဒီးလၢတၢ်ပူၤတဖၣ်န့ၣ်လီၤ.
1 Samuel 23:14ဒီးစီၤဒၤဝံးအိၣ်ဝဲဆိးဝဲလၢပှၢ်လၢ်ကျါလၢလၢၢ်ဧိၤလ့ဧိၤအပူၤ,ဒီးအိၣ်ဝဲလၢကစၢၢ်တဖျၢၣ်အလိၤလၢပှၢ်လၢ်ကျါစံဖးအပူၤ,ဒီးစီၤစီလူးဃုအီၤကိးမုၢ်နံၤမုၢ်နၤဒဲး,ဒီးယွၤတဟ့ၣ်လီၤဘၣ်အီၤလၢအစုပူၤဘၣ်.
Isaiah 2:19ဒီးပှၤကလဲၤဆူလၢၢ်အိပူၤ,ဒီးဟီၣ်ခိၣ်အအိပူၤ,လၢယွၤအတၢ်ပျံၤအလီၢ်အမဲာ်ညါ,ဒီးလၢအကဟုကညီၢ်အလၤအကပီၤအအိၣ်ဖဲအဂဲၤဆၢထၢၣ်မၤဆှဲးဆှိးဟီၣ်ခိၣ်အကတီၢ်န့ၣ်လီၤ.
Jeremiah 41:9ဒီးတၢ်ပူၤလၢစီၤယံးၡမၤအ့လးကွံာ်လီၤကွံာ်ပှၤကညီအစိၣ်လၢအမၤသံအီၤလၢအအိၣ်ဝဲလၢစီၤကဒါလယၤအဃၢၤန့ၣ်မ့ၢ်တၢ်ပူၤလၢစီၤပၤအၤစါခူၣ်လီၤဝဲလၢပှၤအံၣ်စရ့လးအစီၤပၤဘါၡၤအဃိလီၤ.စီၤနသၤနံယၤအဖိခွါစီၤယံးၡမၤအ့လးန့ၣ်မၤပှဲၤဝဲလၢပှၤဘၣ်တၢ်မၤသံအီၤလီၤ.
Jeremiah 44:12ဒီးယကဟံးန့ၢ်ပှၤအိၣ်လီၤတဲာ်လၢယူဒၤလၢအပာ်အမဲာ်လၢအကလဲၤအိၣ်ဝဲဆိးဝဲလၢကီၢ်အဲၤကူပတူးအပူၤ,ဒီးကလၢာ်ကွံာ်ဝဲလၢကီၢ်အဲၤကူပတူးအပူၤ,ကလီၤဃံၤဝဲလၢနးဧိၤဘီဧိၤ,ဒီးလၢတၢ်သၣ်ဝံၤလီၤဒိလီၤ.ကလၢာ်ကွံာ်ဝဲလၢအဆံးပၢၢ်လၢအဒိၣ်လီၤ.ကသံဝဲလၢနးဧိၤဘီဧိၤ,ဒီးလၢတၢ်သၣ်ဝံၤလီၤဒိ,ဒီးကကဲထီၣ်တၢ်ဆိၣ်အၢအလီၢ်,ဒီးတၢ်ကမၢကမၣ်အလီၢ်,ဒီးတၢ်ဆိၣ်ဃီၣ်အလီၢ်,ဒီးတၢ်ဒုၣ်ဒွဲၣ်အလီၢ်လီၤ.
Ezekiel 5:17ဒီးယကမၢလီၤတၢ်သၣ်ဝံၤလီၤဒိ,ဒီးဆၣ်ဖိကီၢ်ဖိအဒူလၢအကမၤလၢာ်ကွံာ်နဖိနလံၤ,ဒီးတၢ်သံသတြိာ်,ဒီးတၢ်သွံၣ်န့ၣ်ကခီဂာ်နၤ,ဒီယကဒုးဘၣ်နၤလၢနးဧိၤဘီဧိၤလီၤ.တၢ်လၢယၤယွၤအံၤ,ယကတိၤလံတၢ်လံ.