Hosea 3
1ဒီးယွၤစံးဘၣ်ယၤ,လဲၤကဒီး,အဲၣ်ပိာ်မုၣ်လၢအတံၤအသကိးအဲၣ်အီၤ,ဒီးပှၤအဲၣ်ဘၢဝၤဒ်ယွၤအဲၣ်ပှၤအံၣ်စရ့လးဖိအသိး,ပှၤလၢအဃၣ်အသးဆူကစၢ်အဂၤတဖၣ်အအိၣ်,ဒီးအဲၣ်ဒိးစပံးသၣ်အကိၣ်ဘ့ၣ်ဘၣ်န့ၣ်တက့ၢ်.
2ဒီးယပှ့ၤန့ၢ်အီၤလၢစ့တဆံယဲၢ်ဘ့ၣ်,ဒီးဘုမုယီၤတဃိမ့ၢ်ဒီးဖးဖီဃိမ့ၢ်လၢယဂီၢ်လီၤ.
3ဒီးယစံးဘၣ်အီၤ,နဘၣ်အိၣ်လၢယဂီၢ်အါနံၤအါသီလီၤ.နတဘၣ်မၤဃဲသဲမုၣ်နသးဘၣ်,ဒီးနတဘၣ်ကဲပိာ်ခွါအဂၤအတၢ်နီတဂၤဘၣ်,ဒီးယဲဒၣ်အံၤယကအိၣ်စ့ၢ်ကီးလၢနဂီၢ်လီၤ.
4အဂ့ၢ်ဒ်အံၤ,ပှၤအံၣ်စရ့လးဖိကအိၣ်အါနံၤအါသီတအိၣ်ဘၣ်ဒီးစီၤပၤ,ဒီးတအိၣ်ဘၣ်ဒီးပဒိၣ်ဖးဒိၣ်,ဒီးတအိၣ်ဘၣ်ဒီးတၢ်လုၢ်တၢ်,ဒီးတအိၣ်ဘၣ်ဒီးတၢ်ဂီၤ,ဒီးတအိၣ်ဘၣ်ဒီးအ့ဖိး,ဒီးတအိၣ်ဘၣ်ဒီးတၢ်ဂီၤတရၤဖးဘၣ်.
5လၢခံက့ၤဒီး,ပှၤအံၣ်စရ့လးဖိကက့ၤကဒါက့ၤ,ဒီးကဃုယွၤအကစၢ်,ဒီးစီၤဒၤဝံးအစီၤပၤ,ဒီးကပျံၤယွၤဒီးအတၢ်ဂ့ၤတၢ်ဝါလၢမုၢ်နံၤအလီၢ်ခံတဖၣ်န့ၣ်လီၤ.
Study Hosea 3
KJVMatthew HenryJamieson-Fausset-BrownAdam ClarkeJohn WesleyJohn CalvinKeil and DelitzschScofieldFamily Bible NotesGeneva Bible Notes (1599)Reina-Valera (Español)Bíblia Portuguesa MundialLuther Bibel (Deutsch)Bible Louis Segond (Français)