Isaiah 24:13
အဂ့ၢ်ဒ်အံၤ,တၢ်ကမၤအသးလၢဟီၣ်ခိၣ်အသးကံၢ်ပူၤ,လၢပှၤကလုာ်တဖၣ်အကျါ,ဒ်တၢ်တီၢ်သ့ၣ်စၤယံးအသိးဒ်လၢတၢ်ထၢဖှိၣ်တၢ်ဝံၤဒီး,တၢ်ထၢဖှိၣ်တၢ်အိၣ်လီၤတဲာ်ဒံးအသိးန့ၣ်လီၤ.
S'gaw Karen Mason Bible 1853
In The King James Version
In Context
12တၢ်အိၣ်လီၤတဲာ်လၢဝ့ၢ်ပူၤန့ၣ်မ့ၢ်တၢ်အိၣ်သယုၢ်,ဒီးပဲတရီန့ၣ်တၢ်တီၢ်လီၤပှီၢ်အီၤလီၤ.
14အဝဲသ့ၣ်ကထုထီၣ်အကလုၢ်,ကအုၣ်ထီၣ်တၢ်လၢယွၤအကဟုကညီၢ်အဃိ,ကကိးပသူထီၣ်လၢပီၣ်လဲၣ်ပူၤလီၤ.
Cross References
Isaiah 6:13ဘၣ်ဆၣ်ဒီးဆံဆဲၣ်ပူတပူကအိၣ်လီၤတဲာ်လၢအပူၤလီၤ.ဒီးအဝဲန့ၣ်ကဟဲက့ၤဒီးတၢ်ကမၤလၢာ်အီၤလီၤ.ဘၣ်ဆၣ်ဒီးဒ်ဃီမုၢ်ပျဲၢ်,ဒီးဒ်သ့ထိးဖၣ်လၢအကၢ်လီၤဝဲ,ဒီးအခိၣ်ဆၢၣ်အိၣ်လီၤတဲာ်အသိးန့ၣ်တၢ်အချံစီဆှံကအိၣ်ဒံးဝဲဒ်န့ၣ်သိးလီၤ.
Isaiah 17:4ဒီးမုၢ်တနံၤန့ၣ်တၢ်ကမၤအသးလၢယၤကိာ်အလၤကပီၤကလီၤစၢ်,ဒီးအညၣ်အတၢ်ဘီၣ်န့ၣ်ကဃဲၤလီၤဝဲလီၤ.
Isaiah 17:6ဒီးတၢ်ကအိၣ်လီၤတဲာ်လၢအပူၤဒ်တၢ်တီၢ်သ့ၣ်စၤယံးအသိး,အသၣ်ခံဖျၢၣ်သၢဖျၢၣ်လၢဒ့အထီကတၢၢ်အခံ,လွံၢ်ဖျၢၣ်ယဲၢ်ဖျၢၣ်လၢသ့ၣ်လၢအသၣ်ထီၣ်အလိၤန့ၣ်လီၤ,ယွၤ,အံၣ်စရ့လးအကစၢ်,စံးဝဲဒၣ်.
Ezekiel 6:8ဘၣ်ဆၣ်ဒီးယကပာ်လီၤတဲာ်တၢ်အိၣ်လီၤတဲာ်,ဒ်သိးတုၤသုလီၤပြံလီၤပြါလၢကီၢ်တဖၣ်အကျါဒီး,သုကအိၣ်ဒီးပှၤလၢအပူၤဖျဲးဒီးနးလၢပှၤကလုာ်တဖၣ်အကျါတနီၤလီၤ.
Ezekiel 9:4ဒီးယွၤစံးဘၣ်အီၤ,လဲၤခီဂာ်ဝ့ၢ်အသးကံၢ်ပူၤ,လၢယရူၤၡလ့ၣ်အသးကံၣ်ပူၤ,ဒီးမၤပနီၣ်ပှၤလၢအကအုကစွါဒီးဟီၣ်ဝဲလၢတၢ်သးဘၣ်အၢလၢအမၤအသးလၢအသးကံၢ်ပူၤအဃိတဖၣ်အမဲာ်တူၢ်ခိၣ်န့ၣ်တက့ၢ်.
Ezekiel 14:22ဘၣ်ဆၣ်ဒီးကွၢ်ကွၢ်,တၢ်ကပာ်လီၤတဲာ်ပှၤလၢအကပူၤဖျဲးတနီၤလၢအပူၤ,ဒီးတၢ်ကဒုးဟးထီၣ်အီၤ,ဖိမုၣ်ဒီးဖိခွါလီၤ.ကွၢ်ကွၢ်,ကဟဲထီၣ်ဆူသုအိၣ်,ဒီးသုကထံၣ်ဘၣ်အကျဲ,ဒီးအမၤတၢ်,ဒီးတၢ်ကမၤမုာ်ထီၣ်က့ၤသုလၢတၢ်အၢလၢယဒုးဟဲဘၣ်ယရူၤၡလ့ၣ်,လၢကယဲၢ်တၢ်လၢယဒုးဟဲဘၣ်အီၤအဂ့ၢ်လီၤ.