Isaiah 56:6

ဒီးပှၤတခီဘီမုၢ်ဖိလၢအစဲဘူးအသးဒီးယွၤ,ဒ်သိးအကမၤအတၢ်,ဒီးဒ်သိးအကအဲၣ်ယွၤအမံၤ,ဒ်သိးအကကဲထီၣ်အခ့အပှၤ,ကယဲၢ်ပှၤလၢအတိၢ်န့ၢ်မုၢ်အိၣ်ဘှံးနံၤ,ဒီးတမၤဘၣ်အၢအီၤ,ဒီးဟံးဃာ်ယတၢ်အၢၣ်လီၤအီလီၤခဲလၢာ်န့ၣ်,

S'gaw Karen Mason Bible 1853

In The King James Version

Also the sons of the stranger, that join themselves to the LORD, to serve him, and to love the name of the LORD, to be his servants, every one that keepeth the sabbath from polluting it, and taketh hold of my covenant;

In Context

5ယကဟ့ၣ်လီၤအီၤလၢအလီၢ်ဒီးအမံၤဂ့ၤန့ၢ်ဖိခွါ,ဒီးဖိမုၣ်တက့ၢ်လၢယဟံၣ်ပူၤ,ဒီးလၢယခိၣ်ဒူအပူၤလီၤ.ယကဟ့ၣ်လီၤအီၤလၢအမံၤအထူအယိာ်လၢအတဘၣ်တၢ်ဒီၣ်တဲာ်ကွံာ်ဘၣ်လီၤ.

7ယကဒုးဟဲထီၣ်အဝဲသ့ၣ်ဒၣ်လဲာ်ဆူယကစၢၢ်စီဆှံ,ဒီးယကဒုးသးခုအီၤလၢယတၢ်ဘါထုကဖၣ်အဟံၣ်ပူၤလီၤ.အတၢ်လုၢ်မ့ၣ်အူဒီးအတၢ်လုၢ်တဖၣ်န့ၣ်ကဘၣ်တၢ်အသးလၢယတၢ်လုၢ်လီၢ်အဖီခိၣ်လီၤ.အဂ့ၢ်ဒ်အံၤ,ယဟံၣ်ကဘၣ်တၢ်ကိးအီၤလၢတၢ်ဘါထုကဖၣ်အဟံၣ်လၢပှၤကိးကလုာ်ဒဲးအဂီၢ်လီၤ.

Read all of Isaiah 56

Cross References

Isaiah 44:5ပှၤတဂၤကစံး,ယဲဒၣ်အံၤယမ့ၢ်ယွၤအတၢ်လီၤ.ဒီးပှၤတဂၤဒၣ်ကကိးလီၤအသးလၢစီၤယၤကိာ်အမံၤလီၤ.ဒီးပှၤတဂၤဒၣ်ကကွဲးလၢအစု,လၢယွၤအဂီၢ်,ဒီးကယုၢ်လီၤအမံၤသီလၢအံၣ်စရ့လးလီၤ.

Isaiah 58:13လၢအိၣ်ဘှံးအနံၤန့ၣ်နမ့ၢ်ဃၣ်ကွံာ်နခီၣ်လၢတၢ်မၤဘၣ်နသးဒၣ်နဲလၢယမုၢ်နံၤစီဆှံအပူၤ,ဒီးနမ့ၢ်ကိးအိၣ်ဘှံးနံၤလၢတၢ်သူၣ်ဖှံသးညီ,ယွၤအတၢ်စီဆှံလၢတၢ်ယူးယီၣ်အလီၢ်,ဒီးတပိာ်ဘၣ်နကျဲဒၣ်နဲ,ဒီးတထံၣ်န့ၢ်ဘၣ်နတၢ်မုာ်ဒၣ်နဲ,ဒီးတကတိၤဘၣ်နတၢ်ကတိၤဒၣ်နဲသတးဒီး,နမ့ၢ်မၤလၤကပီၤအီၤဒီး,

Isaiah 61:5ဒီးပှၤတခီဘီမုၢ်ဖိကဆၢထၢၣ်,ဒီးကွၢ်သုသိအဖုတဖၣ်,ဒီးပှၤတခီဘီမုၢ်ဖိအဖိခွါတဖၣ်ကကဲထီၣ်သုပှၤထဲၣ်တၢ်ဖိ,ဒီးပှၤကကတဲာ်ကတီၤသုစပံးမုၢ်လီၤ.

Ezekiel 47:22ဒီးဖးတၢ်သတးဒီး,သုကနီၤဖးကီၢ်အဆၢလၢတၢ်န့ၢ်သါလၢသုဂီၢ်ဒီးလၢပှၤတခီဘီမုၢ်ဖိလၢအအိၣ်အဆိးလၢသုကျါ,လၢအထီၣ်ဖိလၢသုကျါန့ၣ်အဂီၢ်လီၤ.အဝဲသ့ၣ်တဖၣ်န့ၣ်ကမၤအသးဒ်ပှၤအိၣ်ဖျဲၣ်လၢကီၢ်ပူၤလၢပှၤအံၣ်စရ့လးဖိအကျါအသိးလီၤ.ကန့ၢ်သါတၢ်ဒီးသုလၢအံၣ်စရ့လးအဒူၣ်တဖၣ်အကျါလီၤ.

Acts 2:41မၤသးဒ်န့ၣ်ဒီးပှၤလၢအတူၢ်လိာ်အကလုၢ်တဖၣ်န့ၣ်,ဒိးဘျၢအသး,ဒီးတၢ်လၢမုၢ်တနံၤန့ၣ်,တၢ်ပာ်ဖှိၣ်ပှၤသၢကထိဃၣ်ဃၣ်လီၤ.

Romans 8:28ဒီးပသ့ၣ်ညါလၢပှၤလၢအအဲၣ်ယွၤ,ပှၤလၢအဘၣ်တၢ်ကိးအီၤ,ဒ်တၢ်ကူၣ်ပာ်အသိးတဖၣ်န့ၣ်,တၢ်ခဲလၢာ်မၤဃုာ်အသး,လၢတၢ်ဂ့ၤအဂ့ၢ်လၢအဂီၢ်လီၤ.

This Verse In Other Editions

Study Isaiah 56:6