Isaiah 58:5
အဝဲန့ၣ်မ့ၢ်တၢ်ဒုၣ်တၢ်အီၣ်တၢ်အီလၢယဃုထၢအီၤ,မုၢ်တနံၤလၢပှၤကမၤနးမၤဖှီၣ်အသးစ့ၢ်ကီးဧါ.မ့ၢ်ဒ်သိးပှၤကဆုးလီၤအခိၣ်ဒ်ဆှဲအကမိာ်အသိး,ဒီးဒ်သိးအကဒါလီၤထၢၣ်အတၢ်ကံးညာ်ဒီးဖၣ်ဆါလၢအဖီလာ်န့ၣ်စ့ၢ်ကီးဧါ.နကကိးတၢ်န့ၣ်တမံၤလၢတၢ်ဒုၣ်တၢ်အီၣ်တၢ်အီ,ဒီးမုၢ်တနံၤလၢအဘၣ်ယွၤအသးစ့ၢ်ကီးဧါ.
S'gaw Karen Mason Bible 1853
In The King James Version
In Context
Cross References
1 Kings 21:27ဒီးတုၤစီၤအၤဃာ်နၢ်ဟူတၢ်ကတိၤန့ၣ်ဒီး,တၢ်မၤအသးလၢအဖှီဝဲအဆ့,ဒီးပာ်ထၢၣ်တၢ်ကံးညာ်လၢအညၣ်လိၤ,ဒီးလဲၤဝဲကဒုကဒုလီၤ.
2 Chronicles 20:3ဒီးစီၤယဟိၡၤဖးပျံၤတၢ်,ဒီးဃၣ်အသးဒ်သိးအကဃုယွၤလီၤ.ဒီးကိးထီၣ်တၢ်ဒုၣ်တၢ်အီၣ်လၢယူဒၤဖိခဲလၢာ်အကျါလီၤ.
Nehemiah 9:1ဒီးလၢလါထီၣ်ခံဆံလွံၢ်နံၤတနံၤန့ၣ်ပှၤအံၣ်စရ့လးဖိအိၣ်ဖှိၣ်ရိဖှိၣ်,ဒီးဒုၣ်တၢ်အီၣ်,အိၣ်ဝဲဒီးထၢၣ်အတၢ်ကံးညာ်,ဒီးဟီၣ်ခိၣ်အကမူၣ်အိၣ်ဝဲလၢအလိၤလီၤ.
Esther 4:16လဲၤဒုးအိၣ်ဖှိၣ်ရိဖှိၣ်ကယဲၢ်ပှၤယူဒၤဖိလၢပှၤထံၣ်န့ၢ်အီၤလၢရှူၡၣ်အပူၤခဲလၢာ်,ဒီးဒုၣ်တၢ်အီၣ်တၢ်အီလၢယဂီၢ်တက့ၢ်.မုၢ်သၢနံၤအတီၢ်ပူၤန့ၣ်လၢမုၢ်ဆါဂ့ၤဂ့ၤလၢမုၢ်နၤဂ့ၤဂ့ၤ,အီၣ်တၢ်တဂ့ၤ,ဒီးအီတၢ်တဂ့ၤယဲဒၣ်စ့ၢ်ကီးဒီးယဖိသၣ်ပိာ်မုၣ်တဖၣ်ပကဒုၣ်တၢ်အီၣ်ဒ်န့ၣ်လီၤ.ဒီးဒ်န့ၣ်အသိးယကလဲၤနုာ်ဆူစီၤပၤအအိၣ်လၢအတဒ်ဘၣ်တၢ်မၤလိာ်အသိးဘၣ်,ဒီးယမ့ၢ်ဟးဂီၤဒီး,ယကဟးဂီၤလီၤ.
Psalms 69:13မ့မ့ၢ်ယဲဒၣ်အံၤလၢအဆၢအကတီၢ်ဘၣ်န့ၣ်ယဘါထုကဖၣ်နၤလီၤ.ယွၤဧၢ,ကနၣ်ယကလုၢ်လၢနဘျုးအါနဖှိၣ်ဒိၣ်အဃိ,လၢနတၢ်အုၣ်က့ၤခီၣ်က့ၤတၢ်အတၢ်မ့ၢ်တၢ်တီအဃိန့ၣ်တက့ၢ်.
Isaiah 58:3ပဒုၣ်တၢ်အီၣ်တၢ်အီ,ဒီးနတထံၣ်ဘၣ်န့ၣ်,ပမၤနးမၤဖှီၣ်ပသး,ဒီးနတသ့ၣ်ညါဘၣ်န့ၣ်မ့ၢ်အဘၣ်မနုၤလဲၣ်.ကွၢ်ကွၢ်,လၢသုဒုၣ်တၢ်အီၣ်တၢ်အီအမုၢ်တနံၤန့ၣ်သုထံၣ်န့ၢ်တၢ်ဘၣ်သုသး,ဒီးမၢဆူၣ်ပှၤမၤသုတၢ်မၤခဲလၢာ်လီၤ.