Jeremiah 49:37
အဂ့ၢ်ဒ်အံၤ,ယကဒုးပျံၤပှၤဧ့ၤလၣ်ဖိလၢအဒုၣ်အဒါအမဲာ်ညါ,ဒီးလၢပှၤလၢအဃုအသးသမူအမဲာ်ညါ,ဒီးယကဒုးဘၣ်အီၤလၢတၢ်အၢ,ယသးကဲၤထီၣ်န့ၣ်ယွၤစံးဝဲဒၣ်,ဒီးယကမၢလီၤနးဧိၤဘီဧိၤလူၤအီၤတုၤယမၤလၢာ်အီၤလီၤ.
S'gaw Karen Mason Bible 1853
In The King James Version
In Context
38ဒီးယကပာ်လီၤယလီၢ်ပစိာ်လၢဧ့ၤလၣ်အပူၤ,ဒီးယကမၤဟးဂီၤစီၤပၤတဖၣ်,ဒီးပဒိၣ်ဖးဒိၣ်တဖၣ်န့ၣ်,ယွၤစံးဝဲဒၣ်.
Cross References
Psalms 48:4အဂ့ၢ်ဒ်အံၤ,ကွၢ်ကွၢ်,စီၤပၤတဖၣ်အိၣ်ဖှိၣ်ရိဖှိၣ်,လဲၤပူၤကွံာ်ဝဲတပူၤဃီလီၤ.
Jeremiah 9:16ယကမၤလီၤပြံလီၤပြါအီၤလၢပှၤကလုာ်တဖၣ်အကျါလၢအဝဲသ့ၣ်မ့ၢ်ဂ့ၤ,ဒီးအပၢ်တဖၣ်မ့ၢ်ဂ့ၤတသ့ၣ်ညါဘၣ်အီၤဘၣ်.ဒီးယကမၢနးတဘ့ၣ်လဲၤပိာ်အခံတုၤယမၤလၢာ်ကွံာ်အီၤလီၤ.
Jeremiah 34:20ယကဟ့ၣ်လီၤအီၤလၢအဒုၣ်အဒါအစုပူၤ,ဒီးလၢပှၤလၢအဃုအသးသမူတဖၣ်အစုပူၤ,ဒီးအစိၣ်န့ၣ်ကကဲထီၣ်တၢ်အီၣ်လၢမူကပိာ်လိၤအထိၣ်အလံၣ်အဂီၢ်,ဒီးလၢဟီၣ်ခိၣ်အဆၣ်ဖိကီၢ်ဖိအဂီၢ်လီၤ.
Jeremiah 48:39ဟီၣ်ပသူတက့ၢ်.လီၤပှီၢ်ဝဲဒ်လဲၣ်.မိၤအးဃၣ်ဒူၣ်ချၢအသးလၢအမဲာ်ဆှးအဃိဒ်လဲၣ်.ဒ်န့ၣ်အသိးမိၤအးကကဲထီၣ်ဝဲလၢတၢ်နံၤဘၣ်ဖၣ်လဲအလီၢ်,ဒီးဒုးပျံၤတၢ်အလီၢ်လၢကယဲၢ်ပှၤလၢအအိၣ်ဝးတရံးအီၤအဂီၢ်လီၤ.
Jeremiah 49:22ကွၢ်ကွၢ်,ဒ်လံာ်ကြီကြာ်အသိးန့ၣ်ကဟဲထီၣ်,ဒီးယူၤဝဲ,ဒီးသလၣ်ထီၣ်အဒံးဆ့လၢဘိးစရၤအဖီခိၣ်,ဒီးတၢ်လၢမုၢ်တနံၤန့ၣ်အဒိၣ်အပှၤအဆူၣ်တဖၣ်အသးန့ၣ်ကမၤအသးဒ်ပိာ်မုၣ်လၢအဟုးဆါအသးအသိးန့ၣ်လီၤ.
Jeremiah 49:29ယွၤစံးဒ်အံၤ,ဂဲၤဆၢထၢၣ်လဲၤထီၣ်ဆူက့ဒၢ်,ဒီးမၤဟးဂီၤပှၤမုၢ်ထီၣ်ဖိတက့ၢ်.ပှၤကဟံးန့ၢ်အဒဲဒီးအသိအမဲာ်တဲးလဲး,ဒီးယၣ်သဒၢတၢ်,ဒီးအတၢ်ဖိတၢ်လံၤခဲလၢာ်,ဒီးကစိာ်ထီၣ်ကွံာ်အကီၤလၤအူးလၢအဂီၢ်ဒၣ်ဝဲလီၤ.ဒီးကကိးထီၣ်ဝဲလၢအဃိ,တၢ်ပျံၤတၢ်ဖုးအိၣ်ဝးတရံးဝဲလီၤ.