Joshua 14:12

ဒီးခဲကနံၣ်အံၤဟ့ၣ်လီၤယၤလၢကစၢၢ်တဖျၢၣ်န့ၣ်လၢယွၤကတိၤတၢ်လၢအဂ့ၢ်အကျိၤလၢမုၢ်တနံၤန့ၣ်တက့ၢ်.အဂ့ၢ်ဒ်အံၤ,နနၢ်ဟူလၢမုၢ်တနံၤန့ၣ်လၢပှၤဧနးဖိအိၣ်ဖဲန့ၣ်,ဒီးဝ့ၢ်တဖၣ်န့ၣ်ဒိၣ်ဝဲ,ဒီးအိၣ်ဒီးအခိၣ်ဒူန့ၣ်လီၤ.ယွၤမ့ၢ်အိၣ်ဒီးယၤဒီး,ယကဟီထီၣ်ကွံာ်အီၤဒ်ယွၤစံးဝဲအသိးန့ၣ်လီၤ.

S'gaw Karen Mason Bible 1853

In The King James Version

Now therefore give me this mountain, whereof the LORD spake in that day; for thou heardest in that day how the Anakims were there, and that the cities were great and fenced: if so be the LORD will be with me, then I shall be able to drive them out, as the LORD said.

In Context

11ဘၣ်ဆၣ်ဒီးယဂံၢ်ဆူၣ်ယဘါဆူၣ်လၢမုၢ်မဆါတနံၤအံၤ,ဒ်မုၢ်တနံၤလၢစီၤမိၤရှ့မၢလီၤယၤအသိးန့ၣ်,ဒ်ယဂံၢ်ယဘါအိၣ်အကတီၢ်ဖဲန့ၣ်ယဂံၢ်ယဘါအိၣ်ဝဲခဲကနံၣ်အံၤဒ်န့ၣ်သိးလၢတၢ်ဒုးသုးအဂီၢ်,ဒီးလၢဟးထီၣ်အဂီၢ်,ဒီးလၢဟဲနုာ်အဂီၢ်န့ၣ်လီၤ.

13ဒီးစီၤယိၤရှူဆိၣ်ဂ့ၤအီၤ,ဒီးဟ့ၣ်လီၤပှၤကနးဖိ,စီၤယဖူန့ၤအဖိခွါစီၤကၤလ့းလၢဃ့ဘြိၣ်လၢအတၢ်န့ၢ်သါန့ၣ်လီၤ.

Read all of Joshua 14

Cross References

Numbers 13:33ဒီးပထံၣ်ဘၣ်ပှၤနီၢ်ဒိၣ်ဖိဖဲန့ၣ်,စီၤဧနးအဖိအလံၤဟဲလၢပှၤနီၢ်ဒိၣ်လီၤဒီးလၢပမဲာ်ညါဒၣ်ပဝဲန့ၣ်ပမၤသးဒ်ဒွဲၣ်ဧိၤတြၤဧိၤအသိးန့ၣ်,ဒီးဒ်န့ၣ်အသိးလၢအဝဲသ့ၣ်တဖၣ်အမဲာ်ညါလီၤ.

Numbers 14:9ထဲပူထီၣ်လၢယွၤတဂ့ၤ,ဒီးပျံၤပှၤဂီၢ်မုၢ်အိၣ်ဝဲလၢကီၢ်ပူၤန့ၣ်တဂ့ၤ,အဂ့ၢ်ဒ်အံၤ,မ့ၢ်ဝဲလၢတၢ်အီၣ်လၢပဂီၢ်လီၤ.အတၢ်တဒီတဒါန့ၣ်ဟါမၢ်ကွံာ်လံဒီးယွၤအိၣ်ဒီးပှၤလီၤ.ပျံၤအီၤတဂ့ၤ.

Deuteronomy 9:1အံၣ်စရ့လးဧၢ,ကနၣ်တက့ၢ်.လၢမုၢ်မဆါတနံၤအံၤ,နကခီဂာ်ထံကျိယၢ်ဒ့ၣ်,ဒ်သိးနကလဲၤနုာ်မၤန့ၢ်ပှၤကလုာ်တဖၣ်ဒိၣ်န့ၢ်ဒီးဆူၣ်န့ၢ်နၤတက့ၢ်,ဝ့ၢ်ဖးဒိၣ်တဖၣ်,အိၣ်ဒီးအခိၣ်ဒူပၢၢ်လၢမူခိၣ်လီၤ.

Joshua 11:21ဒီးတၢ်လၢအကတီၢ်န့ၣ်စီၤယိၤရှူဟဲဒီၣ်တဲာ်ကွံာ်ပှၤဧနးဖိလၢကစၢၢ်ကလိ,လၢဃ့ဘြိၣ်,လၢဒဘံၢ်,လၢဧနာ်,ဒီးလၢကစၢၢ်ယူဒၤခဲလၢာ်,ဒီးလၢကစၢၢ်အံၣ်စရ့လးခဲလၢာ်လီၤ.စီၤယိၤရှူမၤဟးဂီၤကွံာ်အီၤဒီးအဝ့ၢ်တဖၣ်န့ၣ်လီၤ.

Judges 1:20ဒီးဟ့ၣ်လီၤဃ့ဘြိၣ်လၢစီၤကၤလ့း,ဒ်စီၤမိၤရှ့စံးဝဲအသိးန့ၣ်လီၤ.ဒီးဟီထီၣ်ကွံာ်စီၤဧနးအဖိခွါသၢဂၤလီၤ.

2 Chronicles 14:11ဒီးစီၤအၤစါကိးထီၣ်ယွၤအကစၢ်ဒီးစံးဝဲဒၣ်,ယွၤဧၢ,လၢအအါမ့ၢ်ဂ့ၤ,လၢအစှၤမ့ၢ်ဂ့ၤ,နမၤစၢၤတၢ်ဒ်သိးသိးလီၤ.မၤစၢၤပှၤတက့ၢ်,ယွၤပကစၢ်ဧၢ,အဂ့ၢ်ဒ်အံၤ,ပသန့ၤပသးလၢနၤ,ဒီးပလဲၤထီဒါပှၤဂီၢ်မုၢ်ဖးဒိၣ်အံၤလၢနမံၤလီၤ.ယွၤဧၢ,နမ့ၢ်ပကစၢ်လီၤ.မ်ပှၤကညီအသုတမၤနၢၤနၤတဂ့ၤ.

This Verse In Other Editions

Study Joshua 14:12