Zechariah 1:4
မၤသုသးဒ်သုပၢ်တဖၣ်အသိးန့ၣ်တဂ့ၤ.ဝံလၢအခီၣ်ထံးတဖၣ်န့ၣ်ကိးထီၣ်အီၤ,ဒီးစံးဝဲဒၣ်,တၢ်သုးမုၢ်ဂီၢ်မုၢ်အယွၤစံးဒ်အံၤ,ဃၣ်ကွံာ်သုသးလၢကျဲအအၢ,ဒီးလၢသုမၤတၢ်အၢန့ၣ်တက့ၢ်.ဘၣ်ဆၣ်ဒီးတကနၣ်ဘၣ်ဝဲဘၣ်,ဒီးတဒိကနၣ်ယကလုၢ်ဘၣ်,ယွၤစံးဝဲဒၣ်.
S'gaw Karen Mason Bible 1853
In The King James Version
In Context
5သုပၢ်တဖၣ်န့ၣ်မ့ၢ်အအိၣ်ဖဲလဲၣ်,ဒီးဝံတဖၣ်န့ၣ်မ့ၢ်အမူဝဲလီၤထူလီၤယိာ်စ့ၢ်ကီးဧါ.
Cross References
2 Chronicles 24:19ဒီးမၢလီၤဝံတဖၣ်ဆူအအိၣ်ဒ်သိးအကဒုးဟဲက့ၤအီၤဆူယွၤအအိၣ်,ဒီးအဝဲသ့ၣ်အုၣ်အသးထီဒါအီၤဘၣ်ဆၣ်ဒီး,တဒိကနၣ်ဘၣ်ဝဲဘၣ်.
2 Chronicles 30:6ဒီးကလူးတဖၣ်လဲၤဝဲဒီးစီၤပၤ,ဒီးအပဒိၣ်ဖးဒိၣ်တဖၣ်အလံာ်,လၢအံၣ်စရ့လးဒီးယူဒၤခဲလၢာ်အပူၤ,ဒ်စီၤပၤအတၢ်မၤလိာ်အသိးန့ၣ်,ဒီးစံးဝဲဒၣ်,အံၣ်စရ့လးဖိသ့ၣ်ဧၢ,ဃၣ်ကဒါက့ၤသုသးဆူယွၤ,စီၤအၤဘြၤဟၣ်,ဒီးစီၤအံၤစဲး,ဒီးစီၤအံၣ်စရ့လးအကစၢ်အအိၣ်တက့ၢ်,ဒီးအဝဲဒၣ်ကဟဲက့ၤကဒါက့ၤဆူသုလၢအအိၣ်လီၤတဲာ်ဒီးပူၤဖျဲးလၢအၤရှူၢ်အစီၤပၤတဖၣ်အစုပူၤအအိၣ်န့ၣ်လီၤ.
2 Chronicles 34:21လဲၤသံကွၢ်တၢ်လၢယွၤလၢယဂီၢ်,ဒီးလၢပှၤလၢအအိၣ်လီၤတဲာ်လၢအံၣ်စရ့လးဒီးယူဒၤတဖၣ်အဂီၢ်လၢလံာ်တကတြူၢ်လၢပထံၣ်န့ၢ်အီၤအကလုၢ်ကထါ,အဂ့ၢ်အကျိၤတက့ၢ်.အဂ့ၢ်ဒ်အံၤ,ယွၤအတၢ်သးထီၣ်လၢအလူလီၤအသးလၢပဖီခိၣ်မ့ၢ်အဒိၣ်မးလီၤ.အဂ့ၢ်ဒ်အံၤ,ပပၢ်တဖၣ်တတိၢ်န့ၢ်ဘၣ်လံာ်အံၤအကလုၢ်ကထါ,ဒ်သိးအကမၤဝဲဒ်ကယဲၢ်တၢ်ကွဲးအသးလၢလံာ်အံၤအပူၤဘၣ်.
Ezra 9:7လၢပပၢ်အမုၢ်နံၤတဖၣ်တုၤမုၢ်မဆါတနံၤအံၤပအိၣ်လံလၢတၢ်မၤကမၣ်ဖးဒိၣ်အပူၤလီၤ.ဒီးမ့ၢ်လၢပတၢ်အၢတၢ်သီအဃိဒီး,ပဝဲဒၣ်,ပစီၤပၤ,ပပှၤလုၢ်တၢ်အဒိၣ်သ့ၣ်တဖၣ်ဘၣ်တၢ်ဟ့ၣ်လီၤကွံာ်လၢကီၢ်တဖၣ်အစီၤပၤအစုပူၤလၢနးဧိၤဘီဧိၤ,လၢတၢ်မၢကဲကုၢ်အပူၤ,ဒီးလၢတၢ်ကဲတၢ်ဂုာ်န့ၢ်,ဒီးလၢတၢ်မဲာ်ဆှးဒ်လၢမုၢ်မဆါတနံၤအံၤအသိးန့ၣ်လီၤ.
Nehemiah 9:26ဘၣ်ဆၣ်ဒီးတဒိကနၣ်ဘၣ်တၢ်ဘၣ်,ဒီးပူထီၣ်နၤ,ဒီးကွံာ်တ့ၢ်ကွံာ်နတၢ်သိၣ်တၢ်သီလၢအချၢဃံ,ဒီးမၤသံနဝံတဖၣ်လၢအအုၣ်အသးထီဒါအီၤဒ်သိးအကဘိးဃၣ်အီၤဆူနအိၣ်,ဒီးမၤထီၣ်တၢ်ဒုၣ်ဒွဲၣ်အလီၢ်တဖၣ်ဒိၣ်ဒိၣ်ကလဲာ်လီၤ.
Psalms 78:8ဒီးဒ်သိးအသုတကဲဘၣ်ဒ်အပၢ်တဖၣ်အသိးန့ၣ်တဂ့ၤ,ပှၤတစိၤလၢအနၢ်က့ၣ်,ဒီးပူထီၣ်တၢ်,ပှၤတစိၤလၢအသူၣ်တဂၢၢ်အသးတကျၢၤဘၣ်,ဒီးအသးတမ့ၢ်တတီဘၣ်ဒီးယွၤန့ၣ်လီၤ.