Psalmorum 113:12

Simulacra gentium argentum et aurum, opera manuum hominum. + 113.12 Simulacra gentium. ID. Tertio, inania simulacra probat, et religio Dei quam sit utilis ostendit. Et est hic perfecta demonstratio in vituperatione et laude. AUG. Ostensa potentia veri Dei ex operibus, transit ad deos gentium visibiles. Argentum. ID. Sed quia Deus hoc fecit, inquit, Opera manuum hominum, hoc venerantur quod inde fecerunt, materiam enim creavit Deus; sed stultitia hominum formam addidit. 1

Vulgata (Latina)

In Context

11Deus autem noster in cælo; omnia quæcumque voluit fecit. + 113.11 In cœlo. ID., id est, Christo homine, secundum illud: Deus erat in Christo mundum sibi reconcilians. Vel, in cœlo, CASS. id est, potens super omnes creaturas. Omnia quæcunque voluit fecit. Per quod omnipotens apparet. 1

13Os habent, et non loquentur; oculos habent, et non videbunt. + 113.13 Os habent. ID. Manu sunt formata, etc., usque ad et servierunt creaturæ potius quam creatori. 1

Read all of Psalmorum 113

This Verse In Other Editions

Study Psalmorum 113:12