Job · Chapter 25

[ edit] Anſwerende forſoþe Baldac Suytes ſeide, Power and fere anent hym is, þat makeþ acord in þer heȝe put þingus. Wheþer is þer noumbre of þe knyȝtis of hym? and vp on whom ſhyneþ not þe liȝt of hym? Wheþer mai a man be iuſtified compariſoun to God, or ſeme clene born of a womman? Lo! alſo þe mone ſhineþ not, and þe ſterris ben not clene in þe ſiȝte of hym; myche more a man ſtink, and þe ſone of a man a werm.