1 Kings 14:10
မၤသးဒ်န့ၣ်ဒီး,ကွၢ်ကွၢ်,ယကဒုးဟဲဘၣ်တၢ်အၢလၢစီၤယၤရၤဘၣ်အပှၤဟံၣ်ဖိ,ဒီးလၢစီၤယၤရၤဘၣ်န့ၣ်ယကဒီၣ်တဲာ်ကွံာ်ကယဲၢ်ပိာ်ခွါ,ပှၤလၢအဘၣ်ကးတံာ်ဃာ်အခံ,ဒီးအိၣ်လီၤတဲာ်သဘျ့လၢအံၣ်စရ့လးအပူၤ,ဒီးယကဟံးထီၣ်ကွံာ်စီၤယၤရၤဘၣ်အတၢ်အိၣ်လီၤတဲာ်,ဒ်ပှၤဟံးထီၣ်ကွံာ်တၢ်အ့ၣ်တၢ်ဆံၣ်တုၤအလၢာ်အသိးန့ၣ်လီၤ.
S'gaw Karen Mason Bible 1853
In The King James Version
In Context
Cross References
1 Samuel 2:30မၤသးဒ်န့ၣ်ဒီးယွၤအံၣ်စရ့လးအကစၢ်စံးဝဲဒၣ်,မ့ၢ်မးယစံးတ့ၢ်လၢနပှၤဟံၣ်ဖိဒီးနပၢ်အပှၤဟံၣ်ဖိကလဲၤတၢ်လၢယမဲာ်ညါလီၤစိၤလီၤထီလီၤ.မ့မ့ၢ်ခဲကနံၣ်အံၤယွၤစံးဝဲဒၣ်,မ်တၢ်သုတမၤအသးဒ်န့ၣ်ဒီးယၤတဂ့ၤ.အဂ့ၢ်ဒ်အံၤ,ပှၤလၢအမၤလၤကပီၤယၤန့ၣ်ယကမၤလၤကပီၤအီၤ,ဒီးပှၤလၢအမၤယၤတရီတပါန့ၣ်တၢ်ကမၤအီၤတရီတပါလီၤ.
1 Samuel 25:34ဒီးယွၤအံၣ်စရ့လးအကစၢ်မူဝဲလၢအတြီယမၤအၢနၤန့ၣ်,နမ့ၢ်တမၤချ့ချ့ဒီးဟဲသဂၢၢ်ယၤဘၣ်ဒီး,မ့ၢ်မးတုၤမုၢ်ဂီၤကပီၤထီၣ်ဒီး,တၢ်ပိာ်ခွါဘၣ်ဃးဒီးစီၤနၤဘလးတအိၣ်လီၤတဲာ်ဘၣ်နီတဂၤဘၣ်.
1 Kings 15:29ဒီးတုၤအကဲစီၤပၤဒီး,တၢ်မၤအသးလၢအကျီကွံာ်စီၤယၤရၤဘၣ်အပှၤဟံၣ်ဖိခဲလၢာ်,မၤဟးဂီၤကွံာ်အီၤ,တပာ်လီၤတဲာ်ဘၣ်ပှၤအသါလၢစီၤယၤရၤဘၣ်အဂီၢ်နီတဂၤဘၣ်,ဒ်ယွၤအကလုၢ်လၢအကတိၤဝဲလၢအခ့အပှၤ,ပှၤၡံလိၤဖိစီၤအဃံယၤအစုပူၤအသိးန့ၣ်လီၤ.
1 Kings 21:21ကွၢ်ကွၢ်,ယကဒုးဟဲဘၣ်နၤလၢတၢ်အၢ,ဒီးယကဟံးထီၣ်နစၢၤနသွဲၣ်,ဒီးယကဒီၣ်တဲာ်စီၤအၤဃာ်လၢကယဲၢ်ပိာ်ခွါ,ဒီးပှၤလၢတၢ်ကးတံာ်ဃာ်အခံ,ဒီးပှၤလၢအအိၣ်လီၤတဲာ်သဘျ့လၢအံၣ်စရ့လးအပူၤလီၤ.
2 Kings 9:9ဒီးယကပာ်စီၤအၤဃာ်အဟံၣ်ဒ်စီၤနဘးအဖိခွါစီၤယၤရၤဘၣ်အဟံၣ်အသိး,ဒီးဒ်စီၤအဃံယၤအဖိခွါစီၤဘါၡၤအဟံၣ်အသိးန့ၣ်လီၤ.
2 Kings 14:26အဂ့ၢ်ဒ်အံၤ,ယွၤထံၣ်အံၣ်စရ့လးအတၢ်နးတၢ်ဖှီၣ်လၢအနးမးလီၤ.အဂ့ၢ်ဒ်အံၤ,တၢ်တဘၣ်ကးတံာ်ဃာ်ဘၣ်အသးဘၣ်.ဒီးတၢ်တအိၣ်လီၤတဲာ်သဘျ့ဘၣ်.ဒီးတၢ်မၤစၢၤအံၣ်စရ့လးတအိၣ်ဘၣ်.