1 Samuel 12:22
အဂ့ၢ်ဒ်အံၤ,ယွၤတလဲၤသဒၣ်ဘၣ်အပှၤဂီၢ်မုၢ်လၢအမံၤဖးဒိၣ်အဃိဘၣ်လီၤ.အဂ့ၢ်ဒ်အံၤ,ဘၣ်ယွၤအသးလၢအကပာ်သုလၢအပှၤဂီၢ်မုၢ်န့ၣ်လီၤ.
S'gaw Karen Mason Bible 1853
In The King James Version
In Context
Cross References
Exodus 32:12ပှၤအဲၤကူပတူးဖိကကတိၤတၢ်ဒီးစံး,မ့ၢ်အဒုးဟးထီၣ်ကွံာ်အီၤလၢတၢ်အၢအဂီၢ်,ဒ်သိးအကမၤသံအီၤလၢကစၢၢ်အလိၤ,ဒီးမၤဟးဂီၤကွံာ်အီၤလၢဟီၣ်ခိၣ်ချၢန့ၣ်,မ့ၢ်အဘၣ်မနုၤလဲၣ်.ဃၣ်ကွံာ်နသးလၢနသးထီၣ်ကဲၤထီၣ်,ဒီးပီၢ်ယၢ်လီၤက့ၤနသးလၢတၢ်အၢအံၤထီဒါနပှၤဂီၢ်မုၢ်တက့ၢ်.
Deuteronomy 7:6အဂ့ၢ်ဒ်အံၤ,နမ့ၢ်ပှၤစီဆှံတကလုာ်လၢယွၤနကစၢ်အဂီၢ်လီၤ.ယွၤနကစၢ်ဃုထၢနၤ,ဒ်သိးနကကဲထီၣ်ပှၤတကလုာ်လၢအလုၢ်ဒိၣ်ပှ့ၤဒိၣ်လၢအဂီၢ်,လၢပှၤကိးကလုာ်ဒဲးလၢဟီၣ်ခိၣ်ချၢအဖီခိၣ်လီၤ.
Deuteronomy 9:5လၢနတၢ်တီတၢ်လိၤအဃိ,လၢနသူၣ်လိၤသးလိၤအဃိဒီး,နလဲၤမၤန့ၢ်ကီၢ်တမ့ၢ်ဘၣ်,မ့ၢ်လၢပှၤကလုာ်တဖၣ်အတၢ်ဒဲးဘးအဃိ,ယွၤနကစၢ်ဟီထီၣ်ကွံာ်အီၤလၢနမဲာ်ညါ,ဒီးဒ်သိးအကမၤတီအကလုၢ်လၢအဆိၣ်ဒီးနပၢ်တဖၣ်,စီၤအၤဘြၤဟၣ်,စီၤအံၤစဲး,ဒီးစီၤယၤကိာ်န့ၣ်လီၤ.
Deuteronomy 31:6ပာ်ဆူၣ်နသး,ဒီးတံးတဟီၣ်တက့ၢ်.ဘၣ်ယိၣ်တၢ်တဂ့ၤ,ဒီးပျံၤအီၤတဂ့ၤ.အဂ့ၢ်ဒ်အံၤ,ယွၤနကစၢ်မ့ၢ်ပှၤလၢအလဲၤတၢ်ဒီးနၤလီၤ.တညိကွံာ်ဘၣ်နၤဘၣ်,ဒီးတလဲၤသဒၣ်ဘၣ်နၤဘၣ်.
Deuteronomy 31:17ဒီးလၢမုၢ်တနံၤန့ၣ်ယသးထီၣ်ကကဲၤထီၣ်ဘၣ်အီၤဒီးယကလဲၤသဒၣ်အီၤ,ဒီးယကပာ်သဒၢယမဲာ်လၢအီၤ,ဒီးတၢ်ကအီၣ်ကွံာ်အီၤ,ဒီးတၢ်အၢတၢ်သီ,ဒီးတၢ်ကိၢ်တၢ်ဂီၤအါမံၤကဘၣ်အီၤလီၤ.ဒီးလၢမုၢ်တနံၤန့ၣ်ကစံးဝဲ,တၢ်အၢတၢ်သီအံၤဘၣ်ပှၤလၢပကစၢ်တအိၣ်ဘၣ်လၢပကျါအဃိန့ၣ်,တမ့ၢ်ဘၣ်ဧါ.
Joshua 7:9အဂ့ၢ်ဒ်အံၤ,ပှၤကနၤဧၣ်ဖိ,ဒီးပှၤကီၢ်ဖိခဲလၢာ်ကနၢ်ဟူ,ဒီးကကဝီၤဃာ်ပှၤ,ဒီးကဒီၣ်တဲာ်ပမံၤလၢဟီၣ်ခိၣ်ချၢ,ဒီးနကမၤတၢ်ဒိၣ်နမံၤန့ၣ်ဒ်လဲၣ်.