Ezekiel 38:12
ဒ်သိးယကဂုာ်ဆူၣ်ပျီဆူၣ်တၢ်,ဒီးဂုာ်န့ၢ်တၢ်,ဒ်သိးနကပာ်နစုလၢတၢ်အိၣ်သယုၢ်အလီၢ်အဖီခိၣ်,လၢပှၤအိၣ်ဝဲဆိးဝဲလၢအပူၤ,ဒီးလၢပှၤဂီၢ်မုၢ်အလိၤလၢတၢ်ထၢဖှိၣ်အီၤလၢပှၤကလုာ်အကျါလၢအအိၣ်ဝဲဒီးဆၣ်ဖိကီၢ်ဖိအဒၢ,ဒီးတၢ်ဖိတၢ်လံၤလၢအအိၣ်အဆိးလၢဟီၣ်ခိၣ်အသးကံၢ်ပူၤလီၤ.
S'gaw Karen Mason Bible 1853
In The King James Version
In Context
Cross References
Judges 9:37ဒီးစီၤကၤလးန့ၣ်ကတိၤကဒီးတၢ်,ဒီးစံးဝဲဒၣ်,ကွၢ်ကွၢ်,ပှၤဂီၢ်မုၢ်ဟဲလီၤလၢတၢ်ဒ့ပူၤ,ဒီးပှၤတဖုဒၣ်ဟဲဝဲလၢမဧိနနံအသ့ထိးဖၣ်အခီၣ်ထံးလီၤ.
Isaiah 10:6ယကမၢလီၤအီၤဆူပှၤလီတၢ်တကလုာ်,ဒီးယကမၤလိာ်အီၤလၢယတၢ်သးထီၣ်အပှၤတကလုာ်အဂ့ၢ်အကျိၤန့ၣ်,ဒ်သိးအကဂုာ်န့ၢ်တၢ်ဂုာ်ဆူၣ်,ဒီးဂုာ်န့ၢ်အတၢ်,ဒီးဒ်သိးအကယီၢ်တံၢ်အီၤဒ်ကပံာ်လၢကျဲပူၤအသိးန့ၣ်လီၤ.
Jeremiah 32:43ဒီးပှၤကပှ့ၤဟီၣ်ခိၣ်အကဝီၤတဖၣ်လၢကီၢ်တဘ့ၣ်အံၤအပူၤလၢသုစံးလၢအဂ့ၢ်,ပှၤကညီမ့ၢ်ဂ့ၤ,ဆၣ်ဖိကီၢ်ဖိမ့ၢ်ဂ့ၤ,တအိၣ်ဘၣ်လၢအပူၤ,ဒီးအိၣ်သယုၢ်ဝဲန့ၣ်,တၢ်ဟ့ၣ်လီၤကွံာ်အီၤဆူပှၤက့ၤစ့းဖိအစုပူၤန့ၣ်လီၤ.
Ezekiel 29:19မၤသးဒ်န့ၣ်ဒီးကစၢ်ယွၤစံးဒ်အံၤ,ကွၢ်ကွၢ်,ယကဟ့ၣ်လီၤကီၢ်အဲၤကူပတူးလၢဘၤဘူၤလိၣ်အစီၤပၤနဘူၤကးန့စၢ်အစုပူၤ,ဒီးကမၤန့ၢ်အပှၤဂီၢ်မုၢ်,ဒီးကဂုာ်ဆူၣ်ပျီဆူၣ်အတၢ်,ဒီးကဂုာ်န့ၢ်အတၢ်,ဒီးကကဲထီၣ်အဘူးအလဲလၢအသုးမုၢ်အဂီၢ်လီၤ.
Ezekiel 38:8အါနံၤအါသီပူၤကွံာ်ဒီး,တၢ်ကအိၣ်သကိးနၤလီၤ.လၢနံၣ်လၢခံတဖၣ်န့ၣ်နကဟဲဆူကီၢ်လၢတၢ်မၤန့ၢ်က့ၤလၢနးအစုပူၤ,လၢတၢ်ထၢဖှိၣ်လၢပှၤအါကလုာ်အကျါ,ဆူအံၣ်စရ့လးအကစၢၢ်ကလိလၢအအိၣ်တ့ၢ်သယုၢ်တထံၣ်ဃီလီၤ.ဘၣ်ဆၣ်ဒီး,တၢ်ဒုးဟဲထီၣ်အီၤလၢပှၤကလုာ်တဖၣ်အကျါ,ဒီးကအိၣ်ဝဲဆိးဝဲခၢၣ်သနၢၢ်ခဲလၢာ်လီၤ.
Zechariah 1:12တုၤနုၤတဘျီယွၤအကလူးစံးဆၢတၢ်ဒီးစံးဝဲဒၣ်,တၢ်သုးမုၢ်ဂီၢ်မုၢ်အယွၤဧၢ,နတသးကညီၤဘၣ်ယရူၤၡလ့ၣ်ဒီးယူဒၤအဝ့ၢ်တဖၣ်လၢနသးထီၣ်တ့ၢ်အီၤအနံၣ်နွံဆံန့ၣ်ဆံးယံာ်လဲၣ်.