Ezra 4:3
ဒီးစီၤစရူဘၤဘ့လး,ဒီးစီၤယ့ၤရှူ,ဒီးအံၣ်စရ့လးအပၢ်တဖၣ်အခိၣ်အဂၤတဖၣ်န့ၣ်စံးဘၣ်အီၤ,တၢ်ဘၣ်ဃးဒီးသုဒီးပှၤလၢတၢ်သူၣ်ထီၣ်ဟံၣ်လၢပကစၢ်အဂီၢ်န့ၣ်တအိၣ်ဘၣ်,မ့မ့ၢ်ပကစၢ်ဒၣ်ပဝဲတပူၤဃီပကသူၣ်ထီၣ်ဟံၣ်လၢယွၤအံၣ်စရ့လးအကစၢ်အဂီၢ်,ဒ်ပၤရၣ်အစီၤပၤကိရ့ၣ်မၤလိာ်ပှၤအသိးန့ၣ်လီၤ.
S'gaw Karen Mason Bible 1853
In The King James Version
In Context
4ဒီးကီၢ်အပှၤဂီၢ်မုၢ်မၤစၢ်လီၤယူဒၤအပှၤဂီၢ်မုၢ်အစုအဂံၢ်အဘါ,ဒီးမၤတံာ်တာ်အီၤလၢအသူၣ်ထီၣ်တၢ်န့ၣ်လီၤ.
Cross References
2 Chronicles 36:22ဒီးလၢပၤရၣ်အစီၤပၤကိရ့ၣ်အခီၣ်ထံးတနံၣ်န့ၣ်,(ဒ်သိးယွၤအကလုၢ်လၢစီၤယံးရမံယၤအထးခိၣ်ကလၢထီၣ်ပှဲၤထီၣ်ဒီး,)ယွၤထိၣ်ဂဲၤပၤရၣ်အစီၤပၤကိရ့ၣ်အသး,ဒီးအဝဲဒၣ်ဒုးသြီထီၣ်တၢ်လၢအဘီမုၢ်ဒီဘ့ၣ်ညါအပူၤ,ဒီးဒုးကွဲးစ့ၢ်ကီးတၢ်,ဒီးစံးဝဲဒၣ်,
Ezra 1:3လၢသုကျါန့ၣ်မ့ၢ်မတၤအိၣ်ဝဲလၢအပှၤဂီၢ်မုၢ်ခဲလၢာ်အကျါတဂၤလဲၣ်.မ်ယွၤ,အကစၢ်အိၣ်ဒီးအီၤတက့ၢ်.ကလဲၤထီၣ်ဒၣ်ဝဲဆူယရူၤၡလ့ၣ်လၢအအိၣ်ဝဲလၢယူဒၤအပူၤ,ဒီးသူၣ်အံၣ်စရ့လးအကစၢ်(အဝဲဒၣ်မ့ၢ်ကစၢ်)အဟံၣ်လၢယရူၤၡလ့ၣ်အပူၤန့ၣ်တက့ၢ်.
Nehemiah 2:20ဒီးယစံးဆၢတၢ်လၢအီၤ,ဒီးယစံးဘၣ်အီၤ,မူခိၣ်အကစၢ်ကဒုးဘီၣ်ထီၣ်ညီထီၣ်ပှၤ,ဒီးပဝဲဒၣ်,အခ့အပှၤ,ပကဂဲၤဆၢထၢၣ်,ဒီးမၤတၢ်လီၤ.မ့မ့ၢ်သုဝဲဒၣ်န့ၣ်သုဂီၢ်မ့ၢ်ဂ့ၤ,သုတီသုလိၤအဂ့ၢ်မ့ၢ်ဂ့ၤ,တၢ်ဒုးသ့ၣ်နီၣ်ထီၣ်က့ၤသုမ့ၢ်ဂ့ၤ,တအိၣ်ဘၣ်လၢယရူၤၡလ့ၣ်အပူၤဘၣ်.
Isaiah 45:4လၢယခ့ယပှၤယၤကိာ်အဂီၢ်,ဒီးလၢပှၤလၢယဃုထၢအီၤအံၣ်စရ့လးအဂီၢ်,ယကိးနၤလၢနမံၤ,ယကိးက့ၤနၤလၢနမံၤသီ,ဒီးနတသ့ၣ်ညါဘၣ်ယၤဘၣ်လီၤ.
John 4:22သုဝဲသ့ၣ်အံၤ,သုဘူၣ်ထီၣ်ဘါထီၣ်တၢ်လၢသုတသ့ၣ်ညါဘၣ်.ပဝဲဒၣ်အံၤ,ပဘူၣ်ထီၣ်ဘါထီၣ်တၢ်လၢပသ့ၣ်ညါလီၤ.အဂ့ၢ်ဒ်အံၤ,တၢ်အုၣ်က့ၤခီၣ်က့ၤန့ၣ်ဟဲထီၣ်လၢပှၤယူဒၤဖိအပူၤလီၤ.
Romans 9:4အဝဲသ့ၣ်တဖၣ်န့ၣ်မ့ၢ်ပှၤအံၣ်စရ့လးဖိ,ဒီးတၢ်ဘၣ်ဃးဒီးအီၤ,မ့ၢ်တၢ်ပာ်အီၤလၢဖိအလီၢ်,ဒီးတၢ်လၤကပီၤ,ဒီးတၢ်အၢၣ်လီၤအီလီၤတဖၣ်,ဒီးတၢ်ဟ့ၣ်လီၤတၢ်သိၣ်တၢ်သီ,ဒီးတၢ်မၤယွၤအတၢ်မၤ,ဒီးတၢ်စံးပာ်တဖၣ်န့ၣ်လီၤ.