Genesis 2:8
ဒီးကစၢ်ယွၤသူၣ်လီၤဖျးလီၤတၤသၣ်အလီၢ်ဆူမုၢ်ထီၣ်တခီလၢဧ့ၤဒ့ၣ်အပူၤ,ဒီးပှၤကညီလၢအတ့လီၤဝဲန့ၣ်ပာ်ဝဲဖဲန့ၣ်လီၤ.
S'gaw Karen Mason Bible 1853
In The King James Version
And the LORD God planted a garden eastward in Eden; and there he put the man whom he had formed.
In Context
7ဒီးကစၢ်ယွၤတ့လီၤပှၤကညီလၢဟီၣ်ခိၣ်အကမူၣ်,ဒီးအူသဖှိတၢ်မူအသါဆူအနါဒ့ပူၤ,ဒီးပှၤကညီကဲထီၣ်ပှၤအသးသမူတဂၤလီၤ.
Cross References
Genesis 3:24ဒီးဟီထီၣ်ကွံာ်ပှၤကညီ,ဒီးပာ်ခ့ရူာ်တဖၣ်လၢဧ့ၤဒ့ၣ်တၤသၣ်အလီၢ်မုၢ်ထီၣ်တခီ,ဒီးနးမ့ၣ်အူလၢအတရံးအသးကိးခီဒဲးဒ်သိးအကပၢၤသ့ၣ်တၢ်မူအကျဲလီၤ.
Genesis 13:10ဒီးစီၤလိာ်ကျ့ထီၣ်အမဲာ်,ဒီးထံၣ်ဘၣ်ယၢ်ဒ့ၣ်အပျီဒီဘ့ၣ်ညါလၢအဘၣ်စီၣ်သကုၤဆးဒးလၢယွၤတချုးမၤဟးဂီၤဒံးဘၣ်စဒိၣ်,ဒီးဂမိရၤ,ဒ်ယွၤအတၤသၣ်အလီၢ်အသိး,ဒ်ကီၢ်အဲၤကူပတူး,ဖဲနဟဲနုာ်လၢဝ့ၢ်စိၤဧၢ်အသိးန့ၣ်လီၤ.
Isaiah 51:3အဂ့ၢ်ဒ်အံၤ,ယွၤမၤမုာ်ထီၣ်က့ၤလံစံယိၣ်,ဒီးမၤမုာ်ထီၣ်က့ၤအလီၢ်အိၣ်သယုၢ်တဖၣ်,ဒီးပာ်အပှၢ်မုၢ်ကနၢဒ်ဧ့ၤဒ့ၣ်အသိး,ဒီးအမံၤခိၣ်သိၣ်လာ်ဒ်ယွၤအတၤသၣ်အလီၢ်အသိးန့ၣ်လံ.တၢ်သူၣ်ဖှံသးညီဒီးတၢ်သူၣ်ခုသးခုကအိၣ်လၢအပူၤ,တၢ်စံးထီၣ်ပတြၢၤ,ဒီးတၢ်လီၤမိၢ်လီၤမဲၤအသီၣ်လီၤ.
Ezekiel 28:13နအိၣ်တ့ၢ်လၢဧ့ၤဒ့ၣ်ကစၢ်အတၤသၣ်အလီၢ်လီၤ.တၢ်မျၢ်ကိးကလုာ်ဒဲးမ့ၢ်တၢ်ကျၢၢ်ဘၢနၤ,တၢ်မျၢ်ဆီသွံၣ်,တၢ်မျၢ်ဘီအူသပၤယၤ,ဒီးတၢ်မျၢ်မဟူယၤတိၤအသး,တၢ်မျၢ်ဘီဟ့,တၢ်မျၢ်မဟူယၤ,ဒီးတၢ်မျၢ်နကၤသွဲး,တၢ်မျၢ်နံၤလါ,တၢ်မျၢ်ဂီၤ,တၢ်မျၢ်ဟ့မၠး,ဒီးထူဧိၤလွဲဧိၤလီၤ.နဒၢဖိဒီးပံဧိၤတြၤဧိၤအတ့အသးအိၣ်လၢနပူၤ,မုၢ်တနံၤလၢနအိၣ်ဖျဲၣ်န့ၣ်ကတဲာ်ကတီၤအသးလီၤ.
Ezekiel 31:16တုၤယတ့ၢ်လီၤကွံာ်အီၤဆူပျုၤပူၤ,ဒီးဆူပှၤလၢအလဲၤလီၤဆူတၢ်ပူၤအအိၣ်ဒီး,ယဒုးကနိးပှၤကလုာ်တဖၣ်လၢအလီၤဃံၤအသီၣ်လီၤ.ဒီးဧ့ၤဒ့ၣ်အသ့ၣ်ခဲလၢာ်,ဒီးတၢ်ဘၣ်ဃုထၢအီၤ,ဒီးတၢ်အဂ့ၤလၢလဘၤနိၣ်အလိၤ,ကယဲၢ်တၢ်လၢအအီထံခဲလၢာ်န့ၣ်ကမုာ်ထီၣ်က့ၤလၢဟီၣ်ခိၣ်လာ်လီၤ.
Joel 2:3မ့ၣ်အူအီၣ်ကွံာ်တၢ်လၢအမဲာ်ညါ,ဒီးမ့ၣ်လၣ်ဆူးကွံာ်တၢ်လၢအလီၢ်ခံလီၤ.ထံဧိၤကီၢ်ဧိၤန့ၣ်မၤသးဒ်ဧ့ၤဒ့ၣ်အတၤသၣ်အလီၢ်လၢအမဲာ်ညါ,ဒီးလၢအလီၢ်ခံန့ၣ်ပှၢ်မုၢ်ကနၢအိၣ်သယုၢ်ဝဲလီၤ.ဒီးတၢ်တပူၤဖျဲးဘၣ်ဒီးအီၤနီတမံၤဘၣ်.