Hebrews 8:11
ဒီးတသိၣ်လိလၢၤဘၣ်တဂၤအပှၤလၢအဃၢၤ,တဂၤအပှၤလၢအဃၢၤ, ဒီးတဂၤအဒီပုၢ်ဝဲၢ်,တဂၤအဒီပုၢ်ဝဲၢ်, ဒီးစံး,သ့ၣ်ညါယွၤတက့ၢ်န့ၣ်ဘၣ်. အဂ့ၢ်ဒ်အံၤ,ပှၤခဲလၢာ်ကသ့ၣ်ညါယၤလၢအဆံးပၢၢ်လၢအဒိၣ်လီၤ.
S'gaw Karen Mason Bible 1853
In The King James Version
In Context
12အဂ့ၢ်ဒ်အံၤ,ယကသးကညီၤအတၢ်တတီတလိၤဘၣ်.ဒီးအတၢ်ဒဲးဘး,ဒီးအတၢ်ကမၣ်တဖၣ်န့ၣ်,ယတသ့ၣ်နီၣ်ထီၣ်လၢၤဘၣ်.
Cross References
1 Chronicles 28:9ဒီးနဲဒၣ်ယဖိခွါစီၤၡလိၤမိၤဧၢ,သ့ၣ်ညါနပၢ်အကစၢ်,ဒီးမၤအတၢ်လၢနသးဒီဖျၢၣ်,ဒီးလၢနသးလၢအမၤဒၣ်တၢ်တက့ၢ်.အဂ့ၢ်ဒ်အံၤ,ယွၤဃုတၢ်လၢကယဲၢ်ပှၤအသးကံၢ်ပူၤ,ဒီးနၢ်ပၢၢ်ကယဲၢ်တၢ်ဆိကမိၣ်အတၢ်ကူၣ်လီၤ.နမ့ၢ်ဃုအီၤဒီး,နကထံၣ်န့ၢ်အီၤလီၤ.ဒီးနမ့ၢ်လဲၤသဒၣ်အီၤဒီး,ကညိကွံာ်နၤလီၤထူလီၤယိာ်လီၤ.
Ezra 7:25ဒီးနဲဒၣ်,စီၤဧ့စြၤဧၢ,ဒ်နကစၢ်အတၢ်ကူၣ်သ့လၢအအိၣ်ဝဲလၢနစုပူၤအသိးန့ၣ်ပာ်လီၤပှၤစံၣ်ညီၣ်တၢ်တဖၣ်,ဒီးပှၤစံၣ်ညီၣ်ကွီၢ်တဖၣ်လၢအကစံၣ်ညီၣ်ကယဲၢ်ပှၤလၢအအိၣ်ဝဲလၢထံမိၢ်ပှၢ်ဝၢ်ဘးခီ,ကယဲၢ်ပှၤလၢအသ့ၣ်ညါနကစၢ်အတၢ်သိၣ်တၢ်သီခဲလၢာ်တက့ၢ်.ဒီးပှၤလၢအတသ့ၣ်ညါဘၣ်တဖၣ်န့ၣ်သိၣ်လိအီၤသုဝဲတက့ၢ်.
Isaiah 54:13ဒီးနဖိနလံၤကကဲထီၣ်ယွၤအပျဲၢ်အဘီၣ်ခဲလၢာ်,ဒီးနဖိအတၢ်ဃူအတၢ်ဖိးန့ၣ်ကဒိၣ်ဝဲအါဝဲလီၤ.
Jeremiah 24:7ယကဟ့ၣ်လီၤအီၤလၢအသးသ့ၣ်ညါယၤလၢယမ့ၢ်ယွၤလီၤ.ဒီးအဝဲသ့ၣ်ကကဲထီၣ်ယပှၤဂီၢ်မုၢ်,ဒီးယဲဒၣ်အံၤယကကဲထီၣ်အကစၢ်လီၤ.အဂ့ၢ်ဒ်အံၤ,ကဟဲက့ၤကဒါက့ၤဆူယအိၣ်ဒီးအသးဒီဖျၢၣ်ညါလီၤ.
Jeremiah 42:1ဒီးပှၤသုးမုၢ်အခိၣ်ခဲလၢာ်,ဒီးစီၤကါရ့ၤအဖိခွါစီၤယိဃၤနၣ်,ဒီးစီၤဟိၤၡၤယၤအဖိခွါစီၤယစါနယၤ,ဒီးပှၤဂီၢ်မုၢ်လၢအဆံးပၢၢ်လၢအဒိၣ်ခဲလၢာ်သုးဘူးအသး,
Jeremiah 44:12ဒီးယကဟံးန့ၢ်ပှၤအိၣ်လီၤတဲာ်လၢယူဒၤလၢအပာ်အမဲာ်လၢအကလဲၤအိၣ်ဝဲဆိးဝဲလၢကီၢ်အဲၤကူပတူးအပူၤ,ဒီးကလၢာ်ကွံာ်ဝဲလၢကီၢ်အဲၤကူပတူးအပူၤ,ကလီၤဃံၤဝဲလၢနးဧိၤဘီဧိၤ,ဒီးလၢတၢ်သၣ်ဝံၤလီၤဒိလီၤ.ကလၢာ်ကွံာ်ဝဲလၢအဆံးပၢၢ်လၢအဒိၣ်လီၤ.ကသံဝဲလၢနးဧိၤဘီဧိၤ,ဒီးလၢတၢ်သၣ်ဝံၤလီၤဒိ,ဒီးကကဲထီၣ်တၢ်ဆိၣ်အၢအလီၢ်,ဒီးတၢ်ကမၢကမၣ်အလီၢ်,ဒီးတၢ်ဆိၣ်ဃီၣ်အလီၢ်,ဒီးတၢ်ဒုၣ်ဒွဲၣ်အလီၢ်လီၤ.