Isaiah 65:18
မ့မ့ၢ်သုဝဲသ့ၣ်အံၤသူၣ်ခုသးခုဒီးသူၣ်ဖှံသးညီလၢတၢ်လၢယတ့လီၤအီၤအပူၤန့ၣ်လီၤစိၤလီၤထီတက့ၢ်.အဂ့ၢ်ဒ်အံၤ,ကွၢ်ကွၢ်,ယတ့လီၤယရူၤၡလ့ၣ်လၢတၢ်သူၣ်ဖှံသးညီအလီၢ်,ဒီးအပှၤဂီၢ်မုၢ်လၢတၢ်သူၣ်ပိၢ်သးဝးအလီၢ်န့ၣ်လီၤ.
S'gaw Karen Mason Bible 1853
In The King James Version
In Context
Cross References
2 Chronicles 6:41ဒီးခဲကနံၣ်အံၤကစၢ်ယွၤဧၢ,ဂဲၤဆၢထၢၣ်ဆူနအိၣ်ဘှံးအလီၢ်,နဲဒၣ်ဒီးနစိနကမီၤအတလါန့ၣ်တက့ၢ်.မ်နပှၤလုၢ်တၢ်အဒိၣ်တဖၣ်သိးဒီးတၢ်အုၣ်က့ၤခီၣ်က့ၤ,ဒီးနပှၤစီဆှံသူၣ်ခုသးခုလၢတၢ်ဂ့ၤတၢ်ဝါအပူၤန့ၣ်တက့ၢ်.
Psalms 96:10စံးလၢပှၤကလုာ်တဖၣ်အကျါ,ယွၤကဲစီၤပၤ,မ့ၢ်မးဟီၣ်ခိၣ်အိၣ်ဂၢၢ်ဆိးကျၢၤ,တဟူးဝးဘၣ်လီၤ.ကစံၣ်ညီၣ်တီပှၤဂီၢ်မုၢ်လီၤ.
Isaiah 12:4ဒီးလၢမုၢ်တနံၤန့ၣ်သုကစံး,စံးထီၣ်ပတြၢၤယွၤ,ကိးထီၣ်အမံၤ,ဒုးသ့ၣ်ညါအမၤတၢ်လၢပှၤကလုာ်တဖၣ်အကျါ,ဒုးသ့ၣ်နီၣ်ထီၣ်က့ၤအီၤလၢအမံၤအိၣ်လၢတၢ်ထီၣ်ထီတက့ၢ်.
Isaiah 35:10ဒီးပှၤလၢယွၤပှ့ၤက့ၤအီၤန့ၣ်ကဟဲက့ၤဆူစံယိၣ်အိၣ်ဒီးတၢ်သးဝံၣ်,ဒီးတၢ်သူၣ်ခုသးခုအထူအယိာ်လၢအခိၣ်အဖီခိၣ်လီၤ.တၢ်သူၣ်ဖှံသးညီဒီးတၢ်သူၣ်ခုသးခုကချုးန့ၢ်အီၤ,ဒီးတၢ်သူၣ်အုးသးအုးဒီးတၢ်ကအုကစွါကဃ့ၢ်ထီၣ်ကွံာ်ဝဲလီၤ.
Isaiah 44:23သးဝံၣ်တၢ်,မူခိၣ်ဧၢ.အဂ့ၢ်ဒ်အံၤ,ယွၤမၤတၢ်လံ.ကိးပသူထီၣ်,ဟီၣ်ခိၣ်လၢလာ်ခီဧၢ,ဒီးအုၣ်ထီၣ်တၢ်,ကစၢၢ်သ့ၣ်ဧၢ,ပှၢ်လၢ်ကျါဒီးကယဲၢ်သ့ၣ်လၢအပူၤကိးထူၣ်ဒဲးဧၢ.အဂ့ၢ်ဒ်အံၤ,ယွၤပှ့ၤက့ၤလံယၤကိာ်,ဒီးကမၤလၤကပီၤလီၤအသးလၢအံၣ်စရ့လးအပူၤလီၤ.
Isaiah 51:11ဒီးပှၤလၢယွၤပှ့ၤက့ၤအီၤတဖၣ်န့ၣ်ကဟဲက့ၤကဒါက့ၤ,ဒီးကဟဲက့ၤသးဝံၣ်တၢ်ဆူစံယိၣ်အအိၣ်ဒီးတၢ်သူၣ်ခုသးခုအထူအယိာ်အိၣ်လၢအခိၣ်,ဒီးကန့ၢ်ဘၣ်တၢ်သူၣ်ဖှံသးညီ,ဒီးတၢ်သူၣ်ခုသးခုကချုးန့ၢ်အီၤ,ဒီးတၢ်သူၣ်အုးသးအုး,ဒီးတၢ်ကအုကစွါကဃ့ၢ်ထီၣ်ကွံာ်လီၤ.