Malachi 4:6
ဒီးဒ်သိးယသုတဟဲတီၢ်ထံဧိၤကီၢ်ဧိၤလၢတၢ်ဆိၣ်အၢတဂ့ၤဒီး,ကဘိးဃၣ်ပၢ်အသးဆူအဖိအအိၣ်,ဒီးဖိအသးဆူပၢ်အအိၣ်လီၤ. လံာ်စီဆှံလီၢ်လံၤဝံၤလံ.
S'gaw Karen Mason Bible 1853
In The King James Version
In Context
5ကွၢ်ကွၢ်,ယွၤအမုၢ်တနံၤလၢအဒိၣ်ဒီးလၢအမၤပျံၤတၢ်န့ၣ်တချုးဘၣ်ဒံးဘၣ်ဒီး,ယကမၢလီၤဝံအ့ၤလံယၤဆူသုအိၣ်,
Cross References
Isaiah 11:4ဒီးကစံၣ်ညီၣ်ပှၤဖှီၣ်ဖိယာ်ဖိလၢတၢ်တီ,ဒီးကစံၣ်ညီၣ်တဲာ်ပှၤဟီၣ်ခိၣ်ဖိလၢအဘၣ်နးဘၣ်ဖှီၣ်လၢတၢ်လိၤလီၤ.ဒီးကတီၢ်ဟီၣ်ခိၣ်လၢအထးခိၣ်အနီၣ်တီၢ်,ဒီးလၢအပျုၤအသါန့ၣ်ကမၤသံပှၤအၢဖိလီၤ.
Isaiah 43:28မၤသးဒ်န့ၣ်ဒီး,ယကမၤဘၣ်အၢတၢ်အလီၢ်စီဆှံအပဒိၣ်ဖးဒိၣ်တဖၣ်,ဒီးဟ့ၣ်လီၤကွံာ်စီၤယၤကိာ်ဆူတၢ်ဆိၣ်အၢ,ဒီးအံၣ်စရ့လးန့ၣ်ဆူတၢ်ဒုၣ်ဒွဲၣ်လီၤ.
Isaiah 65:15ဒီးသုကပာ်လီၤတဲာ်သုမံၤလၢတၢ်ဆိၣ်အၢအလီၢ်လၢယပှၤဃုထၢဖိအဂီၢ်လီၤ.ဒီးကစၢ်ယွၤကမၤသံသု,ဒီးကယုၢ်အခ့အပှၤအမံၤတမံၤဒၣ်လီၤ.
Daniel 9:26ဒီးလၢတၢ်နွံအဘျီဃုဆံဒီးခံဘျီအလီၢ်ခံန့ၣ်ပှၤဒိးဖှူအသးတဂၤကဘၣ်တၢ်ဒီၣ်တဲာ်ကွံာ်အီၤ,တမ့ၢ်ဘၣ်လၢအဂီၢ်ဒၣ်ဝဲဘၣ်,ဒီးတၢ်အခိၣ်အပှၤဂီၢ်မုၢ်လၢအကဟဲတဖၣ်န့ၣ်ကမၤဟးဂီၤဝ့ၢ်န့ၣ်,ဒီးတၢ်အလီၢ်စီဆှံလီၤ.ဘၣ်ဆၣ်ဒီးအကတၢၢ်န့ၣ်ကအိၣ်ဝဲဒီးတၢ်လုၣ်ဘၢတၢ်,ဒီးဒုးတၢ်ကအိၣ်တုၤအကတၢၢ်,တၢ်အိၣ်သယုၢ်လၢတၢ်တိာ်ပာ်အီၤန့ၣ်ကအိၣ်လီၤ.
Zechariah 11:6အဂ့ၢ်ဒ်အံၤ,ယတသးကညီၤလၢၤဘၣ်ပှၤကီၢ်ဖိဘၣ်,ယွၤစံးဝဲဒၣ်.ဒီးကွၢ်ကွၢ်ယကဟ့ၣ်လီၤကွံာ်ပှၤကညီတဂၤလၢပှၤလၢအဃၢၤအစုပူၤ,တဂၤလၢအစီၤပၤအစုပူၤစုာ်စုာ်လီၤ.ဒီးကမၤဟးဂီၤကွံာ်ထံဧိၤကီၢ်ဧိၤ,ဒီးယတမၤပူၤမၤဖျဲးဘၣ်လၢအစုပူၤဘၣ်.
Zechariah 14:2အဂ့ၢ်ဒ်အံၤ,ယကဒုးအိၣ်ဖှိၣ်ပှၤကလုာ်ခဲလၢာ်ထီဒါယရူၤၡလ့ၣ်ဒ်သိးအကဒုးသုး,ဒီးကမၤန့ၢ်ဝ့ၢ်,ဒီးကဂုာ်ဆူၣ်ပျီဆူၣ်ဟံၣ်တဖၣ်အတၢ်ဖိတၢ်လံၤ,ဒီးကဖိးဆူၣ်ပိာ်မုၣ်,ဒီးပှၤဝ့ၢ်ဖိတဝာ်ကဘၣ်လဲၤကဲကုၢ်,ဒီးပှၤဂီၢ်မုၢ်လၢအအိၣ်လီၤတဲာ်န့ၣ်တဘၣ်ဘၣ်တၢ်ဒီၣ်တဲာ်ကွံာ်လၢဝ့ၢ်ပူၤဘၣ်လီၤ.