Psalms 50:7
ဒိကနၣ်,ယပှၤဂီၢ်မုၢ်သ့ၣ်ဧၢ,ဒီးယကကတိၤတၢ်,အံၣ်စရ့လးဧၢ,ဒီးယကအုၣ်ယသးလၢနဂ့ၢ်နကျိၤလီၤ.ယဲဒၣ်အံၤယမ့ၢ်ကစၢ်,နကစၢ်လီၤ.
S'gaw Karen Mason Bible 1853
In The King James Version
In Context
6ဒီးမူခိၣ်ကဒုးနဲၣ်အတၢ်တီတၢ်လိၤလီၤ.အဂ့ၢ်ဒ်အံၤ,ယွၤအကစၢ်ဒၣ်ဝဲန့ၣ်မ့ၢ်ပှၤစံၣ်ညီၣ်ကွီၢ်တဂၤလီၤ. စ့လၤ.
8ယတသိၣ်ဃီၣ်ဘၣ်နၤလၢနတၢ်လုၢ်အဂ့ၢ်အကျိၤဘၣ်.ဒီးနတၢ်လုၢ်မ့ၣ်အူအိၣ်ဝဲလၢယမဲာ်ညါတထံၣ်ဃီလီၤ.
Cross References
Exodus 19:5ဒီးခဲကနံၣ်အံၤသုမ့ၢ်ဒိကနၣ်ယကလုၢ်သပှၢ်တၢၢ်,ဒီးတိၢ်န့ၢ်ယတၢ်အၢၣ်လီၤအီလီၤဒီး,သုကကဲထီၣ်တၢ်လုၢ်ဒိၣ်ပှ့ၤဒိၣ်လၢယဂီၢ်ဒိၣ်န့ၢ်ပှၤကလုာ်ခဲလၢာ်တက့ၢ်လီၤ.အဂ့ၢ်ဒ်အံၤ,ဟီၣ်ခိၣ်ဒီဘ့ၣ်ညါမ့ၢ်ယတၢ်လီၤ.
Deuteronomy 26:17လၢမုၢ်မဆါတနံၤအံၤနအၢၣ်လီၤအီလီၤလံလၢယွၤမ့ၢ်နကစၢ်,ဒီးလၢနကပိာ်အကျဲတဖၣ်,ဒီးလၢနကတိၢ်န့ၢ်အတၢ်မၤလိာ်,ဒီးအတၢ်စံၣ်ညီၣ်,ဒီးလၢနကဒိကနၣ်အကလုၢ်လီၤ.
1 Samuel 12:22အဂ့ၢ်ဒ်အံၤ,ယွၤတလဲၤသဒၣ်ဘၣ်အပှၤဂီၢ်မုၢ်လၢအမံၤဖးဒိၣ်အဃိဘၣ်လီၤ.အဂ့ၢ်ဒ်အံၤ,ဘၣ်ယွၤအသးလၢအကပာ်သုလၢအပှၤဂီၢ်မုၢ်န့ၣ်လီၤ.
2 Kings 17:13ဒီးယွၤအုၣ်အသးထီဒါအံၣ်စရ့လး,ဒီးထီဒါယူဒၤလၢဝံခဲလၢာ်,လၢပှၤထံၣ်တၢ်ခဲလၢာ်,ဒီးစံးဝဲဒၣ်,ဃၣ်ကွံာ်သုသးလၢကျဲအအၢ,ဒီးတိၢ်န့ၢ်ယတၢ်သိၣ်တၢ်သီ,ဒီးယတၢ်မၤလိာ်ဒ်ကယဲၢ်တၢ်သိၣ်လၢယမၤလိာ်သုပၢ်တဖၣ်,ဒီးဟ့ၣ်ယုၢ်သုလၢယခ့ယပှၤဝံတဖၣ်အစုပူၤအသိးန့ၣ်တက့ၢ်.
Nehemiah 9:29ဒီးနအုၣ်နသးထီဒါအီၤဒ်သိးနကဒုးဟဲက့ၤအီၤဆူနတၢ်သိၣ်တၢ်သီအအိၣ်လီၤ.ဘၣ်ဆၣ်ဒီးပာ်ကဖိအသး,ဒီးတကနၣ်ဘၣ်နတၢ်မၤလိာ်ဘၣ်.ဒီးမၤကမၣ်ဘၣ်နတၢ်စံၣ်ညီၣ်(လၢပှၤမ့ၢ်တိၢ်န့ၢ်အီၤဒီး,ကမူဝဲလၢအပူၤလီၤ.)ဒီးသုးကွံာ်အဖံဘၣ်ခိၣ်,ဒီးပာ်ဆူၣ်အကိာ်,ဒီးတကနၣ်ဘၣ်တၢ်ဘၣ်လီၤ.
Psalms 81:8ကနၣ်,ယပှၤဂီၢ်မုၢ်သ့ၣ်ဧၢ,ဒီးနမ့ၢ်ကနၣ်ယကလုၢ်ဒီး,ယကအုၣ်ယသးလၢနၤ,အံၣ်စရ့လးဧၢ