Psalms 90:15
ဒုးသူၣ်ခုသးခုပှၤဒ်မုၢ်နံၤတဖၣ်လၢနမၤနးမၤဖှီၣ်ပှၤ,နံၣ်တဖၣ်လၢပထံၣ်ဘၣ်တၢ်အၢတၢ်သီအသိးန့ၣ်တက့ၢ်.
S'gaw Karen Mason Bible 1853
In The King James Version
In Context
14ဒုးမံသူၣ်မံသးပှၤလၢနဘျုးနဖှိၣ်လၢအဆိအချ့ဒ်သိးပကသူၣ်ဖှံသးညီ,သူၣ်ခုသးခုတစိၤဒၣ်ပှၤအံၤတက့ၢ်.
16နမၤတၢ်န့ၣ်မ်အအိၣ်ဖျါလၢနခ့နပှၤအမဲာ်ညါ,ဒီးနလၤကပီၤန့ၣ်လၢအဖိအလံၤအမဲာ်ညါန့ၣ်တက့ၢ်.
Cross References
Psalms 30:5အဂ့ၢ်ဒ်အံၤ,အတၢ်သးထီၣ်အံၤအိၣ်တစိၢ်ဖိ,မ့မ့ၢ်လၢတၢ်ဘၣ်အသးအပူၤန့ၣ်တၢ်မူအိၣ်ဝဲလီၤ.မဲာ်ထံမဲာ်နိကအိၣ်ကဆိးတနၤ,မ့မ့ၢ်လၢမုၢ်ဆ့ၣ်ထီၣ်န့ၣ်တၢ်သူၣ်ဖှံသးညီအိၣ်ထီၣ်ဝဲလီၤ.
Isaiah 12:1ဒီးတၢ်လၢမုၢ်တနံၤန့ၣ်နကစံး,ယွၤဧၢ,ယကစံးထီၣ်ပတြၢၤနၤလီၤ.အဂ့ၢ်ဒ်အံၤ,နသးထီၣ်ယၤဘၣ်ဆၣ်ဒီး,နသးထီၣ်န့ၣ်ဟးထီၣ်ကွံာ်,ဒီးနမၤမုာ်ထီၣ်က့ၤယၤလီၤ.
Isaiah 61:3ဒ်သိးယကပာ်လီၤတၢ်လၢပှၤအသူၣ်အုးအသးအုးလၢစံယိၣ်အပူၤအဂီၢ်,ဒ်သိးယကဟ့ၣ်လီၤအခိၣ်သလုးလၢဖၣ်ဆါအလီၢ်,တၢ်သးခုအသိလၢတၢ်သးအုးအလီၢ်,တၢ်စံးထီၣ်ပတြၢၤအဆ့လၢတၢ်သးဃၢအလီၢ်န့ၣ်လီၤ.ဒီးတၢ်ကကိးအီၤလၢတၢ်တီတၢ်လိၤအသ့ထိးဖၣ်တဖၣ်,တၢ်လၢယွၤသူၣ်ဝဲဒ်သိးအကဒိးတၢ်လၤကပီၤလီၤ.
Jeremiah 31:12ဒီးကဟဲဝဲ,ဒီးသးဝံၣ်တၢ်လၢစံယိၣ်အလီၢ်ထီၣ်ထီန့ၣ်,ဒီးကယွၤဝဲဆူယွၤအတၢ်ဂ့ၤအပူၤ,လၢဘုကၠူၣ်အဂီၢ်,ဒီးလၢစပံးထံအသီအဂီၢ်,ဒီးလၢသိဧိၤချါဧိၤအဂီၢ်,ဒီးလၢသိဒီးမဲာ်တဲးလဲးအဂီၢ်,ဒီးလၢဂီၤဘုၣ်ဂီၤဖံးအဂီၢ်လီၤ.ဒီးအသးကမၤသးဒ်တၤသၣ်အလီၢ်လၢပှၤဖှိၣ်ထံလၢအပူၤကစီဒီအသိးန့ၣ်,ဒီးတသးအုးလၢၤဘၣ်.
John 16:20ယစံးဘၣ်တဲဘၣ်သုတီတီလိၤလိၤ,လၢသုမဲာ်ထံကလီၤ,ဒီးသုကဟီၣ်ကယၢၤလီၤ.မ့မ့ၢ်ဟီၣ်ခိၣ်န့ၣ်ကသးခုလီၤ.ဒီးသုဝဲဒၣ်အံၤ,သုကသူၣ်အုးသးအုး,ဘၣ်ဆၣ်ဒီးသုတၢ်သးအုးန့ၣ်ကကဲကဒါက့ၤလၢတၢ်သးခုလီၤ.ပိာ်မုၣ်တုၤအဆံးစၢ်အဖိဒီး,သူၣ်အုးသးအုးလီၤ.