Revelation 3:9
ကွၢ်ကွၢ်,ပှၤဘၣ်ဃးဒီးမုၣ်ကီၤလံၢ်အတၢ်အိၣ်ဖှိၣ်လၢအစံးလီၤအသးလၢပှၤယူဒၤဖိဒီးတမ့ၢ်ဘၣ်,မ့ၢ်ပှၤလၢအကတိၤကဘျံးကဘျၣ်တဖၣ်န့ၣ်,ယဟ့ၣ်လီၤလၢနစုပူၤ,ကွၢ်ကွၢ်,ယကဒုးဟဲအီၤဆူနအိၣ်ဒ်သိးအကဘါတၢ်လၢနခီၣ်ထံး,ဒီးကသ့ၣ်ညါဝဲလၢယအဲၣ်နၤလီၤ.
S'gaw Karen Mason Bible 1853
In The King James Version
In Context
Cross References
Exodus 11:8ဒီးနခ့နပှၤခဲလၢာ်ကဟဲလီၤဆူယအိၣ်,ဒီးကတီၤလီၤကဒွံကျိာ်လၢယမဲာ်ညါဒီးစံး,ဟးထီၣ်,ဒီးပှၤဂီၢ်မုၢ်လၢအပိာ်နခံခဲလၢာ်တက့ၢ်.ဒီးတၢ်န့ၣ်အလီၢ်ခံယကဟးထီၣ်ကွံာ်လီၤ.ဒီးဟးထီၣ်ဝဲလၢအသးထီၣ်ကဲၤထီၣ်လၢဖၤရိၤအအိၣ်လီၤ.
1 Samuel 2:36ဒီးတၢ်ကမၤအသးလၢကယဲၢ်ပှၤကညီလၢအအိၣ်လီၤတဲာ်လၢနပှၤဟံၣ်ဖိအကျါတဂၤလၢ်လၢ်န့ၣ်ကဟဲတီၤလီၤလၢအမဲာ်ညါလၢစ့တဘ့ၣ်,ဒီးကိၣ်တလိၣ်အဂီၢ်,ဒီးကစံး,ပာ်လၢ်ယၤလၢပှၤလုၢ်တၢ်အဒိၣ်အလီၢ်ဒ်သိးယကအီၣ်ကိၣ်တလိၣ်တက့ၢ်.
Job 42:8မၤသးဒ်န့ၣ်ဒီးခဲကနံၣ်အံၤ,ဟံးန့ၢ်ဂီၤဖံးဖါလၢသုဂီၢ်နွံဒု,ဒီးသိဖါနွံဒု,ဒီးလဲၤဆူယခ့ယပှၤစီၤယိၤဘးအအိၣ်,ဒီးလုၢ်တၢ်လုၢ်မ့ၣ်အူလၢသုဂီၢ်,ဒီးယခ့ယပှၤ,စီၤယိၤဘးကဘါထုကဖၣ်န့ၢ်သုဂီၢ်လီၤ.အဂ့ၢ်ဒ်အံၤ,ယကကွၢ်မဲာ်အီၤလီၤ.ယကမၤဘၣ်ဖုးသုဒ်သုတၢ်ကတိၤကလီကလီအသိးန့ၣ်လီၤ.အဂ့ၢ်ဒ်အံၤ,သုတကတိၤဘၣ်တၢ်လၢယဂ့ၢ်ယကျိၤလၢအတီအလိၤဒ်ယခ့ယပှၤစီၤယိၤဘးအသိးန့ၣ်ဘၣ်.
Isaiah 45:14ယွၤစံးဝဲဒ်အံၤ,အဲၤကူပတူးအမၤတၢ်ဖံးတၢ်,ဒီးကူၤၡးဒီးပှၤစဘၤဖိလၢအနီၢ်ဒိၣ်တဖၣ်အန့ၢ်တၢ်န့ၣ်ကဟဲဆူနအိၣ်,ဒီးကဲထီၣ်နတၢ်လီၤ.ကပိာ်နခံ,ကဟဲဘၣ်စၢဃာ်လၢထးသွဲ,ကဘူၣ်ထီၣ်ဘါထီၣ်နၤ,ကဘါထုကဖၣ်နၤဒီးစံး,ကစၢ်အိၣ်ထဲလၢနပူၤ,ဒီးကစၢ်အဂၤတအိၣ်ဘၣ်.
Isaiah 60:14တုၤနုၤတစုပှၤလၢအမၤအၢနၤအဖိခွါတဖၣ်ကဟဲသကူးအသးဆူနအိၣ်,ဒီးကယဲၢ်ပှၤလၢအမၤတရီတပါနၤန့ၣ်ကတီၤလီၤကဒွံကျိာ်လၢနခီၣ်ထံး,ဒီးကကိးနၤလၢယွၤအဝ့ၢ်,အံၣ်စရ့လးအတၢ်စီဆှံတဂၤအစံယိၣ်လီၤ.
Acts 16:37ဘၣ်ဆၣ်ဒီးစီၤပီလူးစံးဘၣ်အီၤ,ပှၤရိမ့ၤဖိပဝဲဒၣ်အံၤတဘၣ်ဘၣ်တၢ်စံၣ်ညီၣ်ဃၣ်ဘၣ်ဒီး,အဝဲသ့ၣ်တီၢ်ပှၤအိၣ်ဖျါ,ဒီးဒၢနုာ်ပှၤလၢဃိာ်ပူၤလီၤ.ဒီးခဲကနံၣ်အံၤ,ကဟီထီၣ်ကွံာ်ပှၤကစုဒုဧါ.ဒ်န့ၣ်တမ့ၢ်ဘၣ်.မ်အဟဲလၢအကစၢ်ဒၣ်ဝဲ,ဒီးဆှၢထီၣ်ပှၤတက့ၢ်.