Zechariah 3:4

ဒီးစံးဆၢဝဲ,ဒီးကတိၤတၢ်ဒီးပှၤတဖၣ်လၢအဆၢထၢၣ်လၢအမဲာ်ညါ,ဒီးစံးဝဲဒၣ်,ဟံးထီၣ်ကွံာ်တၢ်အကူအသိးလၢအဘၣ်အၢလၢအလိၤတက့ၢ်.ဒီးစံးဘၣ်အီၤ,ကွၢ်ကွၢ်,ယဒုးလဲၤပူၤကွံာ်နတၢ်အၢလၢနၤ,ဒီးယကဒုးကလံၤနၤလၢတၢ်ကူတၢ်သိးလၢအလုၢ်ဒိၣ်ပှ့ၤဒိၣ်လီၤ.

S'gaw Karen Mason Bible 1853

In The King James Version

And he answered and spake unto those that stood before him, saying, Take away the filthy garments from him. And unto him he said, Behold, I have caused thine iniquity to pass from thee, and I will clothe thee with change of raiment.

In Context

3ဒီးစီၤယိၤရှူကူသိးတၢ်အကူအသိးဘၣ်အၢ,ဒီးဆၢထၢၣ်လၢကလူးတဂၤန့ၣ်အမဲာ်ညါလီၤ.

5ဒီးယစံး,မ်အပာ်ခိၣ်သလုးအကဆှီလၢအခိၣ်တက့ၢ်.ဒီးအဝဲသ့ၣ်ပာ်ခိၣ်သလုးအကဆှီလၢအခိၣ်,ဒီးဒုးကူထီၣ်သိးထီၣ်အီၤလၢတၢ်အကူအသိးလီၤ.ဒီးယွၤအကလူးဆၢထၢၣ်ဝဲလီၤ.

Read all of Zechariah 3

Cross References

1 Kings 22:19ဒီးစံးဝဲဒၣ်,မၤသးဒ်န့ၣ်ဒီးဒိကနၣ်ယွၤအကလုၢ်တက့ၢ်.ယထံၣ်ဘၣ်ယွၤဆ့ၣ်နီၤလၢအလီၢ်ပစိာ်,ဒီးမူခိၣ်အသုးမုၢ်ခဲလၢာ်ဆၢထၢၣ်လၢအဃၢၤ,လၢအစုထွဲ,ဒီးလၢအစုစ့ၣ်လီၤ.

Psalms 51:9ပာ်တဒၢနမဲာ်လၢယတၢ်ဒဲးဘး,ဒီးတြူာ်ကွံာ်ယတၢ်အၢတၢ်သီခဲလၢာ်န့ၣ်တက့ၢ်.

Isaiah 6:5ဒီးယစံး,ယဘၣ်အဖှီၣ်လီၤ.အဂ့ၢ်ဒ်အံၤ,ယဘၣ်တၢ်မၤဟးဂီၤယၤလီၤ.အဂ့ၢ်ဒ်အံၤယမ့ၢ်ပှၤလၢအပျုၤတကဆှီဘၣ်တဂၤ,ဒီးယအိၣ်ယဆိးလၢပှၤလၢအပျုၤတကဆှီဘၣ်တကလုာ်အကျါန့ၣ်လီၤ.အဂ့ၢ်ဒ်အံၤ,ယမဲာ်ထံၣ်ဘၣ်လံစီၤပၤတဂၤ,တၢ်သုးမုၢ်ဂီၢ်မုၢ်အယွၤလံ.

Isaiah 43:25ယဲဒၣ်အံၤယတြူာ်ကွံာ်နတၢ်သရူးတၢ်ကမၣ်လၢယဂီၢ်ဒၣ်ယဲလီၤ.ယတသ့ၣ်နီၣ်ထီၣ်က့ၤဘၣ်နတၢ်ဒဲးဘးဘၣ်.

Isaiah 52:1ဖုသံနီၣ်ထီၣ်,ဖုသံနီၣ်ထီၣ်,သိးထီၣ်နဂံၢ်နဘါ,စံယိၣ်ဧၢ,သိးထီၣ်နကူနသိးအဃံအလၤ,ယရူၤၡလ့ၣ်ဝ့ၢ်စီဆှံဧၢ.အဂ့ၢ်ဒ်အံၤ,ပှၤတဒိးဘၣ်တၢ်ကူးတရံး,ဒီးပှၤတကဆှီဘၣ်တလဲၤနုာ်လၢၤဘၣ်လၢနပူၤဘၣ်.

Isaiah 61:10ယကသူၣ်ဖှံသးညီဒိၣ်မးလၢယွၤအပူၤလီၤ.မ်ယသးပိၢ်လၢယကစၢ်အပူၤတက့ၢ်.အဂ့ၢ်ဒ်အံၤ,ဒုးသိးလံယၤလၢတၢ်အုၣ်က့ၤခီၣ်က့ၤအဆ့,ဒီးဒုးသိးလံယၤလၢတၢ်တီတၢ်လိၤအဆ့ဖးထီန့ၣ်ဒ်တလးမူးပိာ်ခွါကယၢအသးဒီးအခိၣ်သလုးဒ်ပှၤလုၢ်တၢ်အဒိၣ်အသိးန့ၣ်,ဒီးဒ်တလးမူးပိာ်မုၣ်ကယၢအသးလၢအကယၢကယဲအသိးန့ၣ်လီၤ.

This Verse In Other Editions

Study Zechariah 3:4