Psalmorum 101:11

a facie iræ et indignationis tuæ: quia elevans allisisti me. + 101.11 A facie iræ. CASS. Ira, ultio; indignatio, motio animi, qua indignamur etiam filiis. Ira dicitur impetus in puniendos, quæ in Deum non cadunt. Sed est antropopathos. Iræ. Unde et Dominus ait: Ira Dei manet super eos qui non credunt Joan. 3.. Non ait, veniet; sed manet, quia non tollitur, in qua natus est. 1

Vulgata (Latina)

In Context

10quia cinerem tamquam panem manducabam, et potum meum cum fletu miscebam, + 101.10 Cinerem. AUG. Per cinerem et fletum pœnitentes significantur. Cinis enim et cilicium sunt arma pœnitentium. Potum. CASS. Temporalem jucunditatem. Vel desiderium patriæ pro dilatione lacrymis miscui; vel potum Scripturarum, quæ antiqua recolunt. 1

12Dies mei sicut umbra declinaverunt, et ego sicut fœnum arui. + 101.12 Dies mei sicut umbra declinaverunt. Quia ego a vero die declinavi, similes mihi sunt declinantes dies mei. 1

Read all of Psalmorum 101

This Verse In Other Editions

Study Psalmorum 101:11