ויקרא 12

1וידבר יהוה אל משה לאמר

2דבר אל בני ישראל לאמר אשה כי תזריע וילדה זכר—וטמאה שבעת ימים כימי נדת דותה תטמא

3וביום השמיני ימול בשר ערלתו

4ושלשים יום ושלשת ימים תשב בדמי טהרה בכל קדש לא תגע ואל המקדש לא תבא עד מלאת ימי טהרה

5ואם נקבה תלד וטמאה שבעים כנדתה וששים יום וששת ימים תשב על דמי טהרה

6ובמלאת ימי טהרה לבן או לבת תביא כבש בן שנתו לעלה ובן יונה או תר לחטאת—אל פתח אהל מועד אל הכהן

7והקריבו לפני יהוה וכפר עליה וטהרה ממקר דמיה זאת תורת הילדת לזכר או לנקבה

8ואם לא תמצא ידה די שה—ולקחה שתי תרים או שני בני יונה אחד לעלה ואחד לחטאת וכפר עליה הכהן וטהרה {פ}

Study ויקרא 12

All Chapters