Levr Mic'ha 1:16
En em voala, hag en em douz, diwar-benn da vugalé a ioa da zudi: léd da voalder ével ann er; râk skrapet in̄t bét d’id ha kaset é sklavérez. ———— II. PENNAD Direizded ha kastiz bugalé Israel. l. Gwâ c’houi a venn traou gwân, hag a râ drougiez enn hô kwéléou: da c’houlou-deiz é réon̄t kémen̄t-sé, râg a-énep Doué é savon̄t hô dourn. 2 Ar parkou hô deûz c’hoan̄téet; hô skrapet hô deûz gan̄d diboell; hag ann tiez hô deûz ivé skarzet: mac’het hô deûz ann dén hag hé dî, ann dén hag hé zigwéz. 3 Râk-sé ével-henn é lavar ann Aotrou: Chétu mé a gasô war ann tiad-zé eunn drouk, a béhini na dennot két hô kouzoug: na valéot mui gan̄t balc’hder, râg eur gwall amzer e vézô. 4 Enn deiz-zé é vézô gréat rambréou diwar hô penn, kanaouennou bourduz a vézô kanet diwar hô koust, ô lavarout: Gwastet ha didudet omp: digwéz va fobl a zô névézet: Pénaoz é pellai-hén diouz-in? p’az ai-kuît, é rannô hon douarou. 5 Râk-sé na vézô hini ac’hanoc’h a gémen̄t en dévézô hé lôd hag hé zigwéz é strollad ann Aotrou. 6 Na livirit két héb éhan: kémen̄t-sé na gouézô két war-n-ézhô, na vézin̄t két gôlôet a véz. 7 Tî Jakob a lavar: Ha berréet eo spéred ann Aotrou, hag ar ré-zé eo hé vénosiou? Ha né két mâd va geriou é-kén̄ver néb a gerz er reizded? 8 Hôgen va fobl a zô savet em énep: ar zaé hag ar man̄tel hoc’h eûz skrapet: ével énébourien oc’h en em daolet war ar ré a iéa ébiou é péoc’h. 9 Gragez va fobl hoc’h eûz taolet er-méaz eûz hô ziez dudiuz: va meûleûdi hoc’h eûz tennet da-vikenn eûz a c’hénou hô bugaligou. 10 Savit hag ît-kuît, râk n’eûz két a éhan aman̄ évid-hoc’h: râg ann hudurez gan̄t péhini hoc’h eûz hé saotret, é deûz hé leûniet a fléar. 11 A-ioul é venn eunn dén hép spéred, hag é teûjenn ken̄toc’h da lavarout gevier: kouéza a rinn war-n-od ével eur gwin a zeû da vézvi; ha war ar bobl-man̄ eo é kouézinn. 12 Da strolla a rinn holl, ô Jakob: grounna a rinn dilerc’hiou Israel: hô lakaad a rinn kévret ével eunn tropel er c’hraou, ével dén̄ved é-kreiz hô c’hlôz: reûstl a vézô gan̄d al lôd brâz a dûd. 13 Râg ann hini a dlé digeri ann hen̄t d’ézhô a biñô enn hô raok: hî en em rannô, hag a dréménô dré ar porz, hag a iélô ébarz: hag hô roué a iélô ébiou dira-z-hô, hag ann Aotrou enn hô fenn. ———— III. PENNAD Gourdrouzou Doué a-éneb ar brin̄sed, ar varnerien, hag ar véleien.
Bibl Santel pe Levr ar Skritur Sakr
In The King James Version
In Context
15Eunn her a gasinn c’hoaz d’id, té péhini a choum é Marésa: gloar Israel a iélô béteg Odollam.
Cross References
Isaiah 3:16Hag ann Aotrou en deuz lavaret: O veza ma eo savet merc’hed Sion, ma hô deûz baléet ho gouzoug astennet, oc’h ôber arouésiou gan̄d hô daoulagad, ha gan̄d hô daouarn, ô valéa gan̄d évez, hag ô kerzout gan̄t rôgoni:
Isaiah 22:12Hag hén̄ en deûz lavaret: Gwerc’hez péhini a dlé béza gwallet, merc’h Sidon, na fougéi mui; saô ha kéa dré vôr bété Kétim; ha na gavi két zôkén a éhan énô.
Jeremiah 4:8Dré-zé likiit gourizou-reûn war hô trô, gwélit ha iouc’hit; râk buanégez froudennuz ann Aotrou né két distrôet diwar-n-omp.