1 Chronicles 12:17
ဒီးစီၤဒၤဝံးလဲၤသဂၢၢ်ထီၣ်အီၤဒီးကတိၤတၢ်ဒီးစံးဘၣ်အီၤ,သုမ့ၢ်ဟဲဒီးတၢ်ဃူတၢ်ဖိးဆူယအိၣ်ဒ်သိးသုကမၤစၢၤယၤဒီး,ယသးကအိၣ်ဒီးသုသးတဖျၢၣ်ဃီလီၤ.မ့မ့ၢ်သုမ့ၢ်ဟဲဒ်သိးသုကဟ့ၣ်လီၤကွံာ်ယၤလၢယဒုၣ်ယဒါအစုပူၤဒီး,မ့ၢ်တၢ်မၤကမၣ်တၢ်တအိၣ်ဘၣ်လၢယစုပူၤဒီး,မ်ပပၢ်အကစၢ်တဂၤကွၢ်လီၤဒီးသိၣ်ဃီၣ်တၢ်တက့ၢ်.
S'gaw Karen Mason Bible 1853
In The King James Version
In Context
16ဒီးပှၤလၢဘံၣ်ယၤမံၣ်ဖိအကျါ,ဒီးပှၤလၢယူဒၤဖိအကျါတဖၣ်ဟဲဝဲဆူစီၤဒၤဝံးအအိၣ်လၢတိာ်ပူၤလီၤ.
Cross References
Genesis 31:42ယပၢ်အကစၢ်,စီၤအၤဘြၤဟၣ်အကစၢ်,ဒီးစီၤအံၤစဲးအတၢ်ပျံၤန့ၣ်မ့ၢ်တအိၣ်ဘၣ်ဒီးယၤဘၣ်ဒီး,မ့ၢ်မးခဲကနံၣ်အံၤနကဒုးက့ၤကလီယၤလီၤ.ယွၤကွၢ်ယတၢ်နးတၢ်ဖှီၣ်,ဒီးယမၤတၢ်လၢယစု,ဒီးသိၣ်ဃီၣ်နၤလၢမကိာ်တနၤအံၤလီၤ.
1 Samuel 16:4ဒီးစီၤၡမူၤအ့လးမၤတၢ်လၢယွၤကတိၤတၢ်,ဒီးဟဲဆူဘ့ၤသလ့ဃ့ၣ်,ဒီးဝ့ၢ်အပှၤသူၣ်က့သးပှၢ်ကနိးကစုာ်လၢအဟဲတၢ်အဃိ,ဒီးစံးဝဲဒၣ်,နဟဲဒီးတၢ်ဃူတၢ်ဖိးန့ၣ်ဧါ.
1 Samuel 18:3ဒီးမ့ၢ်အအဲၣ်အီၤဒ်အသးဒၣ်ဝဲအသိးသတးဒီး,စီၤယိနၤသၣ်အၢၣ်လီၤအီလီၤတၢ်ဒီးစီၤဒၤဝံးလီၤ.
1 Samuel 26:23ဒီးမ်ယွၤဟ့ၣ်ကၣ်ပှၤအတၢ်တီတၢ်လိၤ,ဒီးအကလုၢ်တီန့ၣ်ကိးဂၤဒဲးတက့ၢ်.အဂ့ၢ်ဒ်အံၤ,ယွၤဟ့ၣ်လီၤကွံာ်နၤလၢယစုပူၤလၢမုၢ်မဆါတနံၤအံၤဘၣ်ဆၣ်ဒီး,ယတယူာ်ထီၣ်ဘၣ်ယစုဆူယွၤအပှၤဒိးဖှူအသးတဂၤအလိၤလီၤ.
1 Kings 2:13ဒီးနီၢ်ဃးကံၤအဖိခွါစီၤအဒိနံၤယၤဟဲဆူစီၤၡလိၤမိၤအမိၢ်နီၢ်ဘၤသရှ့ၤဘၤအအိၣ်,ဒီးအဝဲဒၣ်စံးဘၣ်အီၤ,နဟဲမုာ်မုာ်စ့ၢ်ကီးဧါ.ဒီးစံးဆၢဝဲဒၣ်,မုာ်မုာ်လီၤ.
2 Kings 10:15ဒီးဟးထီၣ်ဖဲန့ၣ်,ဒီးဘၣ်သဃိာ်ဒီးစီၤရ့ကာ်အဖိခွါစီၤယိၤနဒာ်တဂၤဟဲသဂၢၢ်အီၤ,ဒီးဆိၣ်ဂ့ၤအီၤ,ဒီးစံးဘၣ်အီၤ,နသးလိၤဒ်ယသးဒီးနသးအသိးန့ၣ်စ့ၢ်ကီးဧါ.ဒီးစီၤယိၤနဒာ်စံးဝဲဒၣ်,မ့ၢ်လံ.မ့မ့ၢ်ဒ်န့ၣ်ဒီးဟ့ၣ်ယၤလၢနစုတက့ၢ်.ဒီးဟ့ၣ်အီၤလၢအစု,ဒီးဟံးထီၣ်ဝဲဆူလ့ၣ်ကဟၣ်အပူၤလီၤ.