Numbers 23:21
တကွၢ်ဘၣ်တၢ်အၢလၢယၤကိာ်အပူၤဘၣ်, ဒီးတထံၣ်ဘၣ်တၢ်မၤအၢလၢအံၣ်စရ့လးအပူၤဘၣ်. ယွၤအကစၢ်အိၣ်ဒီးအီၤ, ဒီးတၢ်ကိးပသူထီၣ်ဘၣ်ဃးဒီးစီၤပၤအိၣ်လၢအကျါ.
S'gaw Karen Mason Bible 1853
In The King James Version
In Context
20ကွၢ်ကွၢ်,ယဒိးန့ၢ်လၢယကဆိၣ်ဂ့ၤတၢ်, ဒီးအဝဲဒၣ်ဆိၣ်ဂ့ၤဝဲ, ဒီးယဘိးကဒါတသ့ဘၣ်.
22ယွၤဒုးဟးထီၣ်ကွံာ်အီၤလၢအဲၤကူပတူးအပူၤ, အိၣ်ဒီးအဂံၢ်အဘါဒ်တၤဖးအသိးလီၤ.
Cross References
Exodus 13:21ဒီးလၢမုၢ်ဆါခီန့ၣ်ယွၤလဲၤလၢအမဲာ်ညါလၢတၢ်အၢၣ်အထူၣ်ဒ်သိးအကဆှၢအီၤလၢကျဲပူၤ,ဒီးလၢမုၢ်နၤန့ၣ်လၢမ့ၣ်အူအထူၣ်ဒ်သိးအကဒုးကပီၤထီၣ်အီၤန့ၣ်,လၢအကလဲၤတၢ်လၢမုၢ်ဆါဒီးလၢမုၢ်နၤအဂီၢ်လီၤ.
Exodus 33:14ဒီးစံးဝဲဒၣ်,ယမဲာ်ကလဲၤတၢ်ဒီးနၤ,ဒီးယကဒုးအိၣ်ဘှံးနၤလီၤ.
Leviticus 9:24ဒီးမ့ၣ်အူဟဲထီၣ်လၢယွၤအမဲာ်ညါ,ဒီးအီၣ်ကွံာ်တၢ်လုၢ်မ့ၣ်အူ,ဒီးသိလၢတၢ်လုၢ်လီၢ်အဖီခိၣ်လီၤ.ဒီးပှၤဂီၢ်မုၢ်ထံၣ်ဘၣ်ဝဲ,ဒီးကိးပသူထီၣ်,ဒီးထိၣ်လီၤပှီၤအသးလီၤ.
Numbers 16:3ဒီးအိၣ်ဖှိၣ်ရိဖှိၣ်ထီဒါစီၤမိၤရှ့ဒီးစီၤအၤဟရိၣ်,ဒီးစံးဘၣ်အီၤ,အါလံလၢသုဂီၢ်လံ.အဂ့ၢ်ဒ်အံၤ,ပှၤအိၣ်ဖှိၣ်ခဲလၢာ်န့ၣ်မ့ၢ်အစီဆှံကိးဂၤဒဲး,ဒီးယွၤအိၣ်လၢအကျါလီၤ.ဒီးသုပာ်ထီၣ်ထီသုသးလၢယွၤအတၢ်အိၣ်ဖှိၣ်အဖီခိၣ်န့ၣ်မ့ၢ်အဘၣ်မနုၤလဲၣ်.
Judges 6:13ဒီးစီၤကံးဒဧိၣ်စံးဘၣ်အီၤ,ယကစၢ်ဧၢ,ယွၤမ့ၢ်အိၣ်ဒီးပှၤဒီး,တၢ်ခဲလၢာ်အံၤဘၣ်ပှၤမ့ၢ်အဘၣ်မနုၤလဲၣ်.ဒီးအတၢ်လီၤလးခဲလၢာ်လၢပပၢ်စံၣ်တဲၤတဲလီၤပှၤ,ဒီးစံးဝဲ,ယွၤဒုးဟဲထီၣ်ပှၤလၢအဲၤကူပတူးအပူၤ,တမ့ၢ်ဘၣ်ဧါန့ၣ်,မ့ၢ်အအိၣ်ဖဲလဲၣ်.မ့မ့ၢ်ခဲကနံၣ်အံၤယွၤလဲၤသဒၣ်လံပှၤလံ,ဒီးဟ့ၣ်လီၤကွံာ်လံပှၤလၢပှၤမံးဒယၣ်ဖိအစုပူၤလံ.
2 Chronicles 13:12ဒီးကွၢ်ကွၢ်,ယွၤအကစၢ်ဒၣ်ဝဲအိၣ်ဝဲဒီးပှၤလၢပခိၣ်တဂၤ,ဒီးအပှၤလုၢ်တၢ်အဒိၣ်အိၣ်ဝဲဒီးကွဲၤသီၣ်တၢ်လၢအကိးထီၣ်ထီဒါသုလီၤ.အံၣ်စရ့လးအဖိသ့ၣ်ဧၢ,ဒုးတၢ်ဒီးယွၤသုပၢ်တဖၣ်အကစၢ်တဂ့ၤ.အဂ့ၢ်ဒ်အံၤ,သုတဘီၣ်ထီၣ်ညီထီၣ်ဘၣ်.