Revelation 7:3
ဒီးစံးဝဲဒၣ်,တချုးပစဲပနီၣ်ဃာ်ယွၤအခ့အပှၤလၢအမဲာ်တူၢ်ခိၣ်အလိၤဒံးဘၣ်ဒီး,ဟီၣ်ခိၣ်မ့ၢ်ဂ့ၤ,ပီၣ်လဲၣ်မ့ၢ်ဂ့ၤ,သ့ၣ်မ့ၢ်ဂ့ၤ,သုတမၤအၢအီၤတဂ့ၤ.
S'gaw Karen Mason Bible 1853
In The King James Version
In Context
Cross References
Exodus 9:4ဒီးယွၤကမၤ,ပှၤအံၣ်စရ့လးဖိအဆၣ်ဖိကီၢ်ဖိအဒၢလီၤဆီဒီးပှၤအဲၤကူပတူးဖိအဆၣ်ဖိကီၢ်ဖိအဒၢန့ၣ်လီၤ.ဒီးလၢပှၤအံၣ်စရ့လးဖိအတၢ်ခဲလၢာ်အကျါန့ၣ်တၢ်တသံဘၣ်နီတဒုဘၣ်.
Exodus 12:23ဒီးယွၤကလဲၤခီဂာ်တၢ်ဒ်သိးအကကျီကွံာ်ပှၤအဲၤကူပတူးဖိ,ဒီးတုၤအထံၣ်တၢ်သွံၣ်လၢကျဲစၢၤခိၣ်ပိာ်လိၤဒီးလၢကျဲစၢၤအထူၣ်ခံခီအလိၤဒီး,ကလဲၤကပာ်ကျဲစၢၤန့ၣ်,ဒီးတဟ့ၣ်တၢ်မၤဟးဂီၤလဲၤနုာ်လၢသုဟံၣ်ပူၤဒ်သိးအကကျီကွံာ်တၢ်ဘၣ်လီၤ.
Isaiah 26:20ဟဲ,ယပှၤဂီၢ်မုၢ်သ့ၣ်ဧၢ,လဲၤနုာ်လၢနဒၢးပူၤ,ဒီးကးတံာ်ဃာ်တြဲၤလၢနလီၢ်ခံတက့ၢ်.ပာ်ခူသူၣ်နသးတစိၢ်ဖိတုၤတၢ်သးကဲၤထီၣ်လဲၤပူၤကွံာ်န့ၣ်တက့ၢ်.
Isaiah 54:17တၢ်အစုကဝဲၤလၢအတ့လီၤအသးထီဒါနၤန့ၣ်တဘီၣ်ထီၣ်ညီထီၣ်နီတမံၤဘၣ်.ဒီးကယဲၢ်ပှၤအပျ့ၤလၢအဂဲၤဆၢထၢၣ်ထီဒါနၤလၢတၢ်စံၣ်ညီၣ်အပူၤန့ၣ်နကဒုးစံၣ်ညီၣ်ဃၣ်အီၤလီၤ.အဝဲန့ၣ်မ့ၢ်ယွၤအခ့အပှၤအတၢ်န့ၢ်သါ,ဒီးအတၢ်တီတၢ်လိၤန့ၣ်ဟဲလၢယၤလီၤ,ယွၤစံးဝဲဒၣ်.
Ezekiel 9:4ဒီးယွၤစံးဘၣ်အီၤ,လဲၤခီဂာ်ဝ့ၢ်အသးကံၢ်ပူၤ,လၢယရူၤၡလ့ၣ်အသးကံၣ်ပူၤ,ဒီးမၤပနီၣ်ပှၤလၢအကအုကစွါဒီးဟီၣ်ဝဲလၢတၢ်သးဘၣ်အၢလၢအမၤအသးလၢအသးကံၢ်ပူၤအဃိတဖၣ်အမဲာ်တူၢ်ခိၣ်န့ၣ်တက့ၢ်.
Daniel 3:26တုၤနုၤတစုနဘူၤကးန့စၢ်သုးဘူးအသးဒီးမ့ၣ်အူအဖၣ်ကပူၤအကျဲစၢၤလီၤ.ကတိၤတၢ်ဒီးစံးဝဲဒၣ်,ကစၢ်အထီကတၢၢ်အခ့အပှၤ,စီၤၡၤဒရး,စီၤမ့ၤၡး,ဒီးစီၤဧဘ့ၤဒနကိၤသ့ၣ်ဧၢ,ဟဲက့ၤထီၣ်ဒီးဟဲတက့ၢ်.တုၤနုၤတစုစီၤၡၤဒရး,စီၤမ့ၤၡး,ဒီးစီၤဧဘ့ၤဒနကိၤဟဲက့ၤထီၣ်လၢမ့ၣ်အူကျါလီၤ.