Ruth 4:11

ဒီးပှၤဂီၢ်မုၢ်,ဒီးပှၤသူၣ်က့သးပှၢ်လၢအအိၣ်ဝဲလၢပဲတရီန့ၣ်စံးဝဲဒၣ်,ပမ့ၢ်ပှၤအုၣ်အသးလီၤ.မ်ယွၤပာ်ပိာ်မုၣ်လၢအဟဲနုာ်လၢနဟံၣ်ပူၤတဂၤဒ်နီၢ်ရၤဃ့လးဒီးနီၢ်လ့ၤအၤခံဂၤလၢအမၤထီၣ်အံၣ်စရ့လးအဟံၣ်န့ၣ်တက့ၢ်.ဒီးမ်နမၤတၢ်ဂ့ၤလၢအ့ဖရးသးအပူၤ,ဒီးနမံၤဟူထီသါလီၤလၢဘ့ၤသလ့ဃ့ၣ်အပူၤန့ၣ်တက့ၢ်.

S'gaw Karen Mason Bible 1853

In The King James Version

And all the people that were in the gate, and the elders, said, We are witnesses. The LORD make the woman that is come into thine house like Rachel and like Leah, which two did build the house of Israel: and do thou worthily in Ephratah, and be famous in Bethlehem:

In Context

10ဒီးယပှ့ၤစ့ၢ်ကီးပှၤမိၤအးဖိစီၤမၤဃလိၣ်အမါနီၢ်ရူၤသး,ဒ်သိးအကကဲထီၣ်ယမါလၢယကဒုးဂဲၤဆၢထၢၣ်ပှၤသံတဂၤအမံၤလၢအတၢ်န့ၢ်သါအဖီခိၣ်,ဒ်သိးပှၤသံတဂၤအမံၤအသုတဘၣ်တၢ်ဒီၣ်ကွံာ်အီၤလၢအဒီပုၢ်ဝဲၢ်,ဒီးအလီၢ်အပဲတရီန့ၣ်တဂ့ၤ.သုမ့ၢ်ပှၤအုၣ်အသးလၢမုၢ်မဆါတနံၤအံၤလီၤ.

12ဒီးမ်နဟံၣ်မၤသးဒ်စီၤဖ့ရ့းအဟံၣ်အသိး(လၢနီၢ်တၤမၢ်ဆံးစၢ်န့ၢ်လၢစီၤယူဒၤအဂီၢ်),လၢတၢ်အချံအသၣ်လၢယွၤကဟ့ၣ်လီၤနၤလၢပိာ်မုၣ်အံၤတက့ၢ်.

Read all of Ruth 4

Cross References

Genesis 29:16ဒီးစီၤလၤဘၣ်အိၣ်ဒီးအဖိမုၣ်ခံဂၤလီၤ.အဒိၣ်တဂၤအမံၤမ့ၢ်နီၢ်လ့ၤအၤ,ဒီးအဆံးတဂၤအမံၤမ့ၢ်နီၢ်ရၤဃ့လးလီၤ.

Genesis 35:16ဒီးဟးထီၣ်ဝဲလၢဘ့ၤသ့လး,ဒီးယံၤဒီးဝ့ၢ်အ့ဖရးသးဖးဖီတီၤလဲၤန့ၣ်,နီၢ်ရၤဃ့လးအဟုးဆါထီၣ်,ဒီးအဟုးဆါအဖၢမုၢ်န့ၣ်ဘၣ်တၢ်ကီတၢ်ခဲလီၤ.

Genesis 35:23ဒီးစီၤယၤကိာ်အဖိခွါအိၣ်တဆံခံဂၤလီၤ.နီၢ်လ့ၤအၤအဖိခွါတဖၣ်မ့ၢ်စီၤယၤကိာ်အဖိဝဲၢ်ကိ,စီၤရူၤဘ့ၣ်,ဒီးစီၤစူၤမ့းအိၣ်,ဒီးစီၤလ့ၤဝံ,ဒီးစီၤယူဒၤ,ဒီးစီၤယံးစၣ်ကၢ်,ဒီးစီၤစဘူလိၣ်လီၤ.

Genesis 46:8ဒီးအအံၤမ့ၢ်ပှၤအံၣ်စရ့လးဖိလၢအဟဲဆူအဲၤကူပတူးအပူၤ,စီၤယၤကိာ်ဒီးအဖိခွါတဖၣ်အမံၤ.

Deuteronomy 25:7ဒီးဟံးန့ၢ်အဒီပုၢ်ဝဲၢ်အမါန့ၣ်မ့ၢ်တဘၣ်ဘၣ်ပှၤတဂၤန့ၣ်အသးဒီး,အဒီပုၢ်ဝဲၢ်အမါကလဲၤဆူပဲတရီလၢပှၤသူၣ်က့သးပှၢ်အအိၣ်ဒီးစံး,ယဝၤအဒီပုၢ်ဝဲၢ်တဂၤတအၢၣ်လီၤအီလီၤဒုးအိၣ်ထီၣ်အဒီပုၢ်ဝဲၢ်အမံၤလၢအံၣ်စရ့လးအပူၤဘၣ်.မၤယဝၤအဒီပုၢ်ဝဲၢ်အတၢ်န့ၣ်အသးတအိၣ်ဘၣ်.

Ruth 1:2ဒီးပှၤတဂၤန့ၣ်အမံၤမ့ၢ်စီၤအလံၤမ့လ့း,ဒီးအမါအမံၤမ့ၢ်နီၢ်နၤဧမံ,ဒီးအဖိခွါခံဂၤအမံၤမ့ၢ်စီၤမၤဃလိၣ်,ဒီးစီၤကံးလယိၣ်လီၤ.အဝဲသ့ၣ်တဖၣ်န့ၣ်မ့ၢ်ပှၤအ့ဖရးသးဖိလၢဘ့ၤသလ့ဃ့ၣ်ယူဒၤလီၤ.ဒီးဟဲဝဲဆူမိၤအးအကီၢ်ပူၤ,ဒီးအိၣ်ဝဲဆိးဝဲဖဲန့ၣ်လီၤ.

This Verse In Other Editions

Study Ruth 4:11