Jeremia 34:16

ende ghy sijt wederom ghekeert ende hebt mijnen naem besmedt, ende ghi hebt wederom ghebracht een ieghelijck sijnen knecht, ende een ieghelijck zijn dienstwijf, die ghy ghelaten hadt om vrij te sijne, ende hensselfs machtich, ende ghy hebtse onder bedwanc ghebracht, dat si souden wesen v lieder knechten ende dienstwijuen.

Leuvense Bijbel 1548

In The King James Version

But ye turned and polluted my name, and caused every man his servant, and every man his handmaid, whom ye had set at liberty at their pleasure, to return, and brought them into subjection, to be unto you for servants and for handmaids.

In Context

15Ende ghy sijt heden omghekeert, ende hebt ghedaen dat recht was in mijn ooghen, dat ghi vrijcheyt soudt vercondighen een ieghelijck tot sijnen vrint, ende ghy hebt een verbont ghemaect in mijn aensicht, int huys waer in dat mijnen naem aengheroepen is ouer haer,

17Daerom dit seydt die Heere. Ghy en hebt my niet gehoort, dat ghy vrijcheyt preken soudt een ieghelijck sijnen broeder, ende een ieghelijck sijnen vrint, siet ick vercondighe v een vrijcheyt, seydt die Heere, ten sweerde, ter pestilencien, ende ten hongher ende ick sal v gheuen tot een beweeninghe alle den rijcken der aerden.

Read all of Jeremia 34

Cross References

Exodus 20:7Ghy en sult den naem van den Heere uwen Godt niet ydelijck aennemen, want die Heere en sal hem niet onsculdich houden, die den naem van sijnen Heere Godt te vergheefs aenneemt.

1 Samuel 15:11Het berout my dat ic Saul coninck ghestelt hebbe, want hy heeft my verlaten, ende mijn woorden en heeft hi metten wercken niet volbracht. Ende Samuel is bedroeft gheworden, ende hy heeft alle den nacht gheroepen totten Heere.

Ezekiel 3:20Maer oock ist dat die rechtuerdighe afghekeert sijnde van sijnder rechtuerdicheyt ende ongherechticheyt doet, soo sal ic een struycsel voor hem stellen, hy sal steruen, om dat ghijt hem niet ghewaerscout en hebt, hy sal in sijn sonde steruen, ende zijn rechtuerdicheden die hy ghedaen heeft en sullen in gheen ghedenckenisse wesen, maer sijn bloet sal ick van v hant vereysschen,

Ezekiel 18:24Maer ist dat die rechtuerdighe hem affkeert van sijn rechtuerdicheyt, ende boosheyt doet, nae alle die affgrijselijcheden die een ongoddelijcke pleech te doen, sal hy leuen? alle zijn rechtuerdicheden die hy ghedaen hadde en salmen niet ghedencken, in die ouertredinghe waer doer hy ouertreden heeft, ende in sijn sonde die hy ghedaen heeft, daer in sal hy steruen.

Ezekiel 33:12Daerom ghy sone des menschen segt totten kinderen ws volcs. Die rechtuerdicheyt vanden rechtuerdighen en sal hem niet verlossen, in wat dach dat hy sondicht, ende die ongoddelijcheyt vanden ongoddelijcken en sal hem niet letten in wat dach dat hy bekeert wort van zijn ongoddelijcheyt, ende die rechtuerdighe en sal niet moghen leuen in sijn rechtuerdicheyt in wat dach hy sondicht,

Malachi 1:7tot v o ghy priesters die mijnen naem versmaet, ende hebt gheseyt. Waer in hebben wij uwen naem versmaet? Ghy offert op mijnen outaer besmedt broot, ende ghy segt. Waer in hebben wij v besmedt? Daer in dat ghy segt. Des Heeren tafel is versmaet.

This Verse In Other Editions

Study Jeremia 34:16