2 Samuel 1:20

ဒုးနဲၣ်တၢ်လၢကၤသးအပူၤတဂ့ၤ, စံၣ်တဲၤတဲလီၤတၢ်လၢအၤၡကလိၣ်အကျဲပူၤတဂ့ၤ. ပှၤဖလ့ၡသးဖိအဖိမုၣ်တဖၣ်အသးကခုဘၣ်ဖုး, ပှၤတဒိးဘၣ်တၢ်ကူးတရံးအဖိမုၣ်ကသူၣ်ဖှံသးညီ.

S'gaw Karen Mason Bible 1853

In The King James Version

Tell it not in Gath, publish it not in the streets of Askelon; lest the daughters of the Philistines rejoice, lest the daughters of the uncircumcised triumph.

In Context

19အံၣ်စရ့လးဧၢ,နလၤနကပီၤသံလၢနလီၢ်ထီၣ်ထီတဖၣ်န့ၣ်, ပှၤအဆူၣ်လီၤဃံၤဝဲဒ်လဲၣ်.

21ကံးလဘိအကစၢၢ်သ့ၣ်ဧၢ, ပစီၤထံမ့ၢ်ဂ့ၤတၢ်စူၤမ့ၢ်ဂ့ၤ,ဟီၣ်ခိၣ်အကဝီၤအိၣ်ဒီးတၢ်မၤဘူၣ်မ့ၢ်ဂ့ၤ, မ်အသုတအိၣ်လၢသုလိၤတဂ့ၤ, မ့ၢ်တၢ်ကွံာ်တ့ၢ်ဖဲန့ၣ်ပှၤအဆူၣ်အကတီၤတဘ့ၣ်အဂ့ၢ်, စီၤစီလူးအကတီၤ,ပှၤဒိးဖှူအသးလၢသိအသဃိးလီၤ.

Read all of 2 Samuel 1

Cross References

Exodus 15:20ဒီးဝံပိာ်မုၣ်,စီၤအၤဟရိၣ်အဒီပုၢ်ဝဲၢ်မုၣ်,နီၢ်မံးရယၣ်ဟံးန့ၢ်ဒၢတဖျၢၣ်လၢအစုပူၤ,ဒီးပိာ်မုၣ်ခဲလၢာ်လဲၤပိာ်ထီၣ်အခံအိၣ်ဒီးဒၢဒီးတၢ်ဂဲၤကလံၣ်တဖၣ်လီၤ.

Judges 11:34ဒီးစီၤယံးဖသၤက့ၤက့ၤတုၤလၢမံးစပၤဆူအဟံၣ်,ဒီးကွၢ်ကွၢ်အဖိမုၣ်တဂၤဟဲထီၣ်သဂၢၢ်အီၤဒီးဒၢဒီးတၢ်ဂဲၤကလံၣ်လီၤ.ဒီးအဝဲဒၣ်မ့ၢ်အဖိတဂၤဃီလီၤ.လၢအဝဲဒၣ်အမဲာ်ညါန့ၣ်ဖိမုၣ်မ့ၢ်ဂ့ၤ,ဖိခွါမ့ၢ်ဂ့ၤ,တအိၣ်ဘၣ်ဝဲဘၣ်.

Judges 16:23ဒီးပှၤဖလ့ၡသးဖိအပဒိၣ်ဖးဒိၣ်တဖၣ်အိၣ်ဖှိၣ်ရိဖှိၣ်ဒ်သိးအကလုၢ်တၢ်လုၢ်ဖးဒိၣ်လၢအကစၢ်ဒၤကိၣ်,ဒီးသူၣ်ခုသးခုလီၤ.အဂ့ၢ်ဒ်အံၤ,စံးဝဲဒၣ်,ပကစၢ်ဟ့ၣ်လီၤလံပဒုၣ်ပဒါစီၤၡံၣ်ၡိၣ်လၢပစုပူၤလံ.

1 Samuel 17:26ဒီးစီၤဒၤဝံးကတိၤတၢ်ဒီးပှၤလၢအဆၢထၢၣ်လၢအဃၢၤတဖၣ်,ဒီးစံးဝဲဒၣ်,ပှၤလၢအမၤသံပှၤဖလ့ၡသးဖိတဂၤန့ၣ်,ဒီးစိာ်ထီၣ်ကွံာ်တၢ်ဒုၣ်ဒွဲၣ်လၢအံၣ်စရ့လးအလိၤန့ၣ်တၢ်ကမၤအီၤဒ်လဲၣ်.အဂ့ၢ်ဒ်အံၤ,ပှၤဖလ့ၡသးဖိလၢအတဒိးဘၣ်တၢ်ကူးတရံးတဂၤ,ဒ်သိးအကမၤတရီတပါယွၤလၢအမူဝဲတဂၤအသုးမုၢ်န့ၣ်မ့ၢ်မတၤတဂၤလဲၣ်.

1 Samuel 18:6ဒီးတုၤအဟဲ,ဖဲစီၤဒၤဝံးဟဲက့ၤလၢအမၤသံတ့ၢ်ပှၤဖလ့ၡသးဖိန့ၣ်ဒီး,တၢ်မၤအသးလၢပိာ်မုၣ်တဖၣ်ဟဲထီၣ်ဂဲၤကလံၣ်,ဒီးအုၣ်တၢ်,လၢအံၣ်စရ့လးအဝ့ၢ်ပူၤခဲလၢာ်ဒ်သိး,အကသဂၢၢ်စီၤစီလူးအိၣ်ဝဲဒီးဒၢ,ဒီးတၢ်သူၣ်ခုသးခု,ဒီးဆ့လ့လီၤ.

1 Samuel 31:8ဒီးမုၢ်ဆ့ၣ်ထီၣ်တနံၤန့ၣ်တုၤပှၤဖလ့ၡသးဖိဟဲဘ့ၣ်ကွံာ်ပှၤသံအကူအသိးဒီး,တၢ်မၤအသးလၢအထံၣ်န့ၢ်စီၤစီလူးဒီးအဖိခွါသၢဂၤလီၤဃံၤဝဲလၢကစၢၢ်ကံးလဘိအလိၤလီၤ.

This Verse In Other Editions

Study 2 Samuel 1:20