Isaiah 54:7
ယလဲၤသဒၣ်နၤတစိၢ်ဖိဘၣ်ဆၣ်ဒီး,ယကထၢဖှိၣ်နၤဒီးတၢ်သးကညီၤဖးဒိၣ်တဖၣ်န့ၣ်လီၤ.
S'gaw Karen Mason Bible 1853
In The King James Version
For a small moment have I forsaken thee; but with great mercies will I gather thee.
In Context
Cross References
Psalms 30:5အဂ့ၢ်ဒ်အံၤ,အတၢ်သးထီၣ်အံၤအိၣ်တစိၢ်ဖိ,မ့မ့ၢ်လၢတၢ်ဘၣ်အသးအပူၤန့ၣ်တၢ်မူအိၣ်ဝဲလီၤ.မဲာ်ထံမဲာ်နိကအိၣ်ကဆိးတနၤ,မ့မ့ၢ်လၢမုၢ်ဆ့ၣ်ထီၣ်န့ၣ်တၢ်သူၣ်ဖှံသးညီအိၣ်ထီၣ်ဝဲလီၤ.
Psalms 106:47အုၣ်က့ၤခီၣ်က့ၤပှၤ,ယွၤပကစၢ်ဧၢ,ဒီးထၢဖှိၣ်ပှၤလၢပှၤကလုာ်တဖၣ်အကျါဒ်သိးပကစံးထီၣ်ပတြၢၤနမံၤစီဆှံ,ဒီးပာ်ကဖိပသးလၢနတၢ်စံးထီၣ်ပတြၢၤန့ၣ်အဃိတက့ၢ်.
Isaiah 11:11ဒီးလၢမုၢ်တနံၤန့ၣ်တၢ်ကမၤအသးလၢယွၤကယူာ်ထီၣ်အစုပှဲၤထီၣ်ခံဘျီတဘျီ,ဒ်သိးအကမၤန့ၢ်က့ၤအတၢ်အိၣ်လီၤတဲာ်လၢအအိၣ်လီၤတဲာ်လၢအၤရှူၢ်,ဒီးလၢအဲၤကူပတူး,ဒီးလၢပၤသြိၣ်,ဒီးလၢကူၤၡး,ဒီးလၢဧ့ၤလၣ်,ဒီးလၢၡံနၢ်,ဒီးလၢဃမါသး,ဒီးလၢပီၣ်လဲၣ်အကီးတဖၣ်န့ၣ်လီၤ.
Isaiah 27:12ဒီးလၢမုၢ်တနံၤန့ၣ်တၢ်ကမၤအသးလၢယွၤကတီၢ်လီၤကွံာ်တၢ်လၢထံမိၢ်ပှၢ်အထံကျိပၢၢ်လၢအဲၤကူပတူးအထံမိၢ်ပှၢ်,ဒီးသုကဘၣ်တၢ်ထၢဖှိၣ်သုတဂၤဒီးတဂၤလီၤ.ပှၤအံၣ်စရ့လးဖိသ့ၣ်ဧၢ.
Isaiah 43:5ပျံၤတၢ်တဂ့ၤ,အဂ့ၢ်ဒ်အံၤ,ယအိၣ်ဒီးနၤလီၤ.ယကဒုးဟဲနချံနသၣ်လၢမုၢ်ထီၣ်တခီ,ဒီးလၢမုၢ်နုာ်တခီန့ၣ်ယကထၢဖှိၣ်နၤလီၤ.
Isaiah 56:8ကစၢ်ယွၤလၢအဒုးအိၣ်ဖှိၣ်အံၣ်စရ့လးအပှၤဘၣ်တၢ်ဟီထီၣ်ကွံာ်အီၤတဖၣ်န့ၣ်စံးဒ်အံၤ,ပှၤလၢအအိၣ်ဖှိၣ်တ့ၢ်ဆူအအိၣ်အမဲာ်ညါန့ၣ်ယကဒုးအိၣ်ဖှိၣ်ပှၤဂၤဆူအအိၣ်လီၤ.