Matthew 6:5

ဒီးတုၤသုဘါထုကဖၣ်တၢ်ဒီး,သုတအိၣ်ဒ်ပှၤလီတၢ်အသိးန့ၣ်တဂ့ၤ.အဂ့ၢ်ဒ်အံၤ,အဝဲသ့ၣ်တဖၣ်န့ၣ်အဲၣ်ဒိးဆၢထၢၣ်ဘါထုကဖၣ်တၢ်လၢဘူၣ်ဘျီၣ်ပူၤ,ဒီးလၢကျဲမုၢ်ဖးဒ့အခီၣ်ထံး,ဒ်သိးအကအိၣ်ဖျါလၢပှၤကညီအမဲာ်ညါလီၤ.ယစံးဘၣ်တဲဘၣ်သုတီတီအံၤ,အဝဲသ့ၣ်တဖၣ်န့ၣ်န့ၢ်ဘၣ်အဘျုးလီၤ.

S'gaw Karen Mason Bible 1853

In The King James Version

And when thou prayest, thou shalt not be as the hypocrites are: for they love to pray standing in the synagogues and in the corners of the streets, that they may be seen of men. Verily I say unto you, They have their reward.

In Context

4ဒ်သိးနဟ့ၣ်သးကညီၤတၢ်ကအိၣ်ခူသူၣ်လီၤ.ဒီးနပၢ်လၢအထံၣ်တၢ်လၢတၢ်ခူသူၣ်န့ၣ်ကဟ့ၣ်လီၤတၢ်လၢနၤလီၤ.

6မ့မ့ၢ်နဲဒၣ်အံၤတုၤနဘါထုကဖၣ်တၢ်ဒီး,လဲၤနုာ်လၢနဒၢးပူၤ,ဒီးကးတံာ်ဃာ်နတြဲၤ,ဒီးဘါထုကဖၣ်တၢ်လၢနပၢ်လၢအအိၣ်လၢတၢ်ခူသူၣ်န့ၣ်တက့ၢ်.ဒီးနပၢ်လၢအထံၣ်တၢ်လၢတၢ်ခူသူၣ်န့ၣ်ကဟ့ၣ်လီၤတၢ်လၢနၤလီၤ.

Read all of Matthew 6

Cross References

Job 27:8အဂ့ၢ်ဒ်အံၤ,ပှၤလီတၢ်ဖိမ့ၢ်န့ၢ်ဘၣ်တၢ်ဘၣ်ဆၣ်ဒီး,တုၤယွၤဟံးန့ၢ်အသးဒီး,အမုၢ်လၢ်တၢ်မ့ၢ်မနုၤတမံၤလဲၣ်.

Psalms 55:17မုၢ်ဟါ,ဒီးမုၢ်ဂီၤ,ဒီးမုၢ်ထူၣ်န့ၣ်ယကဆိကမိၣ်တၢ်,ဒီးဘါထုကဖၣ်တၢ်,ဒီးကနၢ်ဟူယကလုၢ်လီၤ.

Proverbs 16:5ယွၤသးဘၣ်အၢကယဲၢ်ပှၤလၢအပာ်ထီၣ်ထီအသးကိးဂၤဒဲးလီၤ.စုဟံးဃာ်စုဘၣ်ဆၣ်ဒီးတပူၤဖျဲးဒီးတၢ်ဒဲးဘးဘၣ်.

Isaiah 55:6ဃုယွၤလၢပထံၣ်န့ၢ်ဘၣ်အီၤသ့အဖၢမုၢ်န့ၣ်တက့ၢ်.ကိးထီၣ်အီၤလၢအအိၣ်ဘူးအဖၢမုၢ်န့ၣ်တက့ၢ်.

Daniel 6:10တုၤစီၤဒၤနံးယ့လးသ့ၣ်ညါဝဲလၢတၢ်ကွဲးအသးဝံၤဒီး,လဲၤနုာ်လၢအဟံၣ်ပူၤ,ဒီးအတၢ်ထူၣ်ဖျိအိၣ်အိးထီၣ်အသးလၢအဒၢးထီၣ်ထီတတီၤဖျိထီၣ်ဝဲဆူယရူၤၡလ့ၣ်တခီ,ဒီးချံးလီၤအခီၣ်တနံၤသၢဘျီစုာ်စုာ်,ဒီးဃ့ဘါထုကဖၣ်တၢ်,ဒီးစံးထီၣ်ပတြၢၤတၢ်အဘျုးအဖှိၣ်လၢအကစၢ်အမဲာ်ညါ,ဒ်အမၤဝဲလၢအခီၣ်ထံးအသိးန့ၣ်လီၤ.

Matthew 6:2မၤသးဒ်န့ၣ်ဒီးတုၤနဟ့ၣ်သးကညီၤတၢ်ဒီး,သုတအူကွဲၤလၢနမဲာ်ညါ,ဒ်ပှၤလီတၢ်မၤဝဲလၢဘူၣ်ဘျီၣ်ပူၤ,ဒီးလၢကျဲပူၤ,ဒ်သိးပှၤကစံးထီၣ်ပတြၢၤအီၤအသိးန့ၣ်တဂ့ၤ.ယစံးဘၣ်တဲဘၣ်သုတီတီအံၤ,အဝဲသ့ၣ်တဖၣ်န့ၣ်န့ၢ်ဘၣ်အဘျုးလီၤ.

This Verse In Other Editions

Study Matthew 6:5