Jeremia 45
1DWoort dat Ieremias die prophete gesproken heeft tot Baruch Nerias sone doen hi dese woorden gescreuen hadde in eenen boec wt Ieremias mont, int vierde iaer Ioacim Iosias sone des conincs van Iuda segghende.
2Dit seyt die Heere Israels God tot v Baruch.
3Ghy hebt geseyt. Wee my allendige, want die Heere heeft noch pijne tot mijne pijne gedaen, ic heb gearbeyt in mijn suchten, ende ic en heb gheen ruste geuonden.
4Dit seyt die Heere. Ghi sult aldus tot hen seggen. Siet die ic getimmert hebbe die verderue ic, ende die ic geplant hebbe, die trecke ick wt, ende alle dit lant.
5Ende soect ghi voor v selven groote dinghen? en wiltse niet soecken, want siet ic sal een quaet ouer alle vleesch brengen, seyt die Heere, ende ic sal uwe ziele gheuen ter salicheyt in alle plaetsen tot die welcke ghy reysen sult.