Psalmorum 110

1David. Dixit Dominus Domino meo: Sede a dextris meis, donec ponam inimicos tuos scabellum pedum tuorum.

2Virgam virtutis tuæ emittet Dominus ex Sion: dominare in medio inimicorum tuorum.

3Tecum principium in die virtutis tuæ in splendoribus sanctorum: ex utero, ante luciferum, genui te.

4Juravit Dominus, et non pœnitebit eum: Tu es sacerdos in æternum secundum ordinem Melchisedech.

5Dominus a dextris tuis; confregit in die iræ suæ reges.

6Judicabit in nationibus, implebit ruinas; conquassabit capita in terra multorum.

7De torrente in via bibet; propterea exaltabit caput.

Study Psalmorum 110

All Chapters