1 Chronicles 9
1ဒီးအံၣ်စရ့လးခဲလၢာ်အမံၤဆဲးလီၤအသးလၢလံာ်ထူလံာ်ထံးအပူၤ,ဒီးကွၢ်ကွၢ်,ကွဲးအသးလၢအံၣ်စရ့လးအစီၤပၤအလံာ်ပူၤလီၤ.ဒီးယူဒၤဘၣ်တၢ်စိာ်မၢကဲကုၢ်အီၤလၢဘၤဘူၤလိၣ်အပူၤ,လၢအတၢ်ကမၣ်အဃိလီၤ.
2ဒီးပှၤလၢအအိၣ်အဆိးဆိလၢအတၢ်ဟံးဃာ်အပူၤ,လၢအဝ့ၢ်တဖၣ်အပူၤန့ၣ်မ့ၢ်ပှၤအံၣ်စရ့လးဖိ,ဒီးပှၤလုၢ်တၢ်အဒိၣ်,ပှၤလ့ၤဝံဖိ,ဒီးပှၤနသံနးဖိလီၤ.
3ဒီးလၢယရူၤၡလ့ၣ်အပူၤန့ၣ်ပှၤအိၣ်ဝဲဆိးဝဲလၢပှၤယူဒၤဖိအကျါ,ဒီးလၢပှၤဘံၣ်ယၤမံၣ်အကျါ,ဒီးလၢပှၤအ့ဖရဲၣ်ဖိ,ဒီးပှၤမနၤရှ့ၤဖိအကျါ,
4စီၤဧူသဲၤ,စီၤဧးမံၤဟူးအဖိခွါ,စီၤဧိၣ်ရံၤအဖိခွါ,စီၤအံၤမရံအဖိခွါ,စီၤဘၤနံအဖိခွါလၢစီၤယူဒၤအဖိခွါစီၤဖ့ၤရ့းအဖိအကျါလီၤ.
5ဒီးလၢပှၤၡံၤလိနးဖိအကျါ,စီၤဧစံယၤပှၤဝဲၢ်ကိ,ဒီးအဖိခွါတဖၣ်,
6ဒီးလၢစီၤစ့ရၤအဖိခွါတဖၣ်အကျါစီၤယူၤအ့လး,ဒီးအဒီပုၢ်ဝဲၢ်တဖၣ်,ပှၤဃုကယၤခွံဆံလီၤ.
7ဒီးလၢဘံၣ်ယၤမံၣ်အဖိခွါတဖၣ်အကျါန့ၣ်စီၤစၤလူ,စီၤမရှူလၣ်အဖိခွါ,စီၤဟိဒၤဝယၤအဖိခွါ,စီၤဟးစနူအၤအဖိခွါ,
8ဒီးစီၤယရိဃၣ်အဖိခွါ,စီၤယံးဘနံယၤ,ဒီးစီၤအ့လၤ,ဒီးစီၤဧူးစံအဖိခွါ,စီၤမံးကြံၤအဖိခွါ,ဒီးစီၤမရှူလၣ်,စီၤၡဖးတယၤအဖိခွါ,စီၤရဧူၤအ့လးအဖိခွါ,စီၤယံးဘနံယၤအဖိခွါ,
9ဒီးအဒီပုၢ်ဝဲၢ်တဖၣ်ဒ်အစၢၤအသွဲၣ်အသိးန့ၣ်,ပှၤခွံကယၤယဲၢ်ဆံဃုဂၤလီၤ.အဝဲသ့ၣ်တဖၣ်ခဲလၢာ်န့ၣ်မ့ၢ်ပၢ်တဖၣ်အခိၣ်လၢအပၢ်အပှၤဟံၣ်ဖိအကျါလီၤ.
10ဒီးလၢပှၤလုၢ်တၢ်အဒိၣ်အကျါန့ၣ်စီၤယဒါယၤ,ဒီးစီၤယဟိယၤရံာ်,ဒီးစီၤယၤကံၣ်,
11ဒီးစီၤဧစၤရယၤ,စီၤဃံးလကံယၤအဖိခွါ,စီၤမရှူလၣ်အဖိခွါ,စီၤစၤဒိးအဖိခွါစီၤမရၤယိးအဖိခွါ,စီၤအဃံးတူာ်အဖိခွါ,ပှၤပၢယွၤအဟံၣ်,
12ဒီးစီၤဧဒါယၤ,စီၤယရိဃၣ်အဖိခွါ,စီၤပၤၡဃူၢ်အဖိခွါ,စီၤမၤလကံယၤအဖိခွါ,ဒီးစီၤဧၤဒံၤအ့လးအဖိခွါ,စီၤမၤစဲ,စီၤယၤကစ့ရၤအဖိခွါ,စီၤမရှူလၣ်အဖိခွါ,စီၤမၡံးလ့မံးအဖိခွါ,စီၤအံးမ့ၢ်အဖိခွါ,
13ဒီးအဒီပုၢ်ဝဲၢ်အပၢ်အပှၤဟံၣ်ဖိအခိၣ်တဖၣ်,ပှၤတကထိနွံကယၤဃုဆံ,ပှၤလၢအဒိၣ်အဆူၣ်လၢတၢ်မၤဘၣ်ဃးဒီးယွၤအဟံၣ်အတၢ်မၤအဂီၢ်လီၤ.
14ဒီးလၢပှၤလ့ၤဝံဖိအကျါန့ၣ်စီၤၡမါယၤ,စီၤဃၤရှူာ်အဖိခွါ,စီၤဧးစရံကၣ်အဖိခွါ,စီၤဃၡၤဘယၤအဖိခွါန့ၣ်အိၣ်ဝဲလၢစီၤမရၤရံအဖိခွါတဖၣ်အကျါ,
15ဒီးစီၤဘးကဘးကၢ်,ဒီးစီၤဃ့ရ့ၣ်,ဒီးစီၤကၤလလး,ဒီးစီၤမးတၤနယၤ,စီၤမံၤကါအဖိခွါ,စီၤစံးကရံအဖိခွါ,စီၤအၤစာ်အဖိခွါ,
16ဒီးစီၤဧိၤဘါဒယၤ,စီၤၡမါယၤအဖိခွါ,စီၤကၤလလးအဖိခွါ,စီၤယဒူသူၣ်အဖိခွါ,စီၤဘ့ရ့ကံယၤ,စီၤအၤစာ်အဖိခွါ,စီၤအ့လကါနၤအဖိခွါလၢအအိၣ်ဝဲဆိးဝဲလၢပှၤနတိဖၤဖိအတဝီတဖၣ်အပူၤလီၤ.
17ဒီးပှၤပၢၤပဲတရီဖိမ့ၢ်စီၤၡၤလ့ၣ်,ဒီးစီၤဧးကူာ်,ဒီးစီၤတၤလမိၣ်,ဒီးစီၤဃံမ့ၣ်,ဒီးအဒီပုၢ်ဝဲၢ်တဖၣ်လီၤ.စီၤၡၤလူၣ်န့ၣ်မ့ၢ်အခိၣ်လီၤ.
18ဒီးတုၤဖဲအံၤအိၣ်ဝဲလၢစီၤပၤအပဲတရီလၢမုၢ်ထီၣ်တခီလီၤ.အဝဲသ့ၣ်တဖၣ်န့ၣ်မ့ၢ်ပှၤပၢၤပဲတရီဖိလၢပှၤလ့ၤဝံဖိအဖုတဖၣ်အကျါန့ၣ်လီၤ.
19ဒီးစီၤကိၤရ့အဖိခွါစီၤၡၤလူၣ်,စီၤအဘံယၤစာ်အဖိခွါ,စီၤကိၤရးအဖိခွါ,ဒီးအဒီပုၢ်ဝဲၢ်(လၢအပၢ်အပှၤဟံၣ်ဖိအကျါ)ပှၤကိၤရးဖိသ့ၣ်တဖၣ်န့ၣ်အိၣ်ဝဲလၢတၢ်အကုၢ်အပှၤအတၢ်မၤအဖီခိၣ်,ပှၤပၢၤဒဲအကျဲစၢၤဖိ,ဒီးအပၢ်တဖၣ်အိၣ်ဝဲလၢယွၤအသုးမုၢ်ဂီၢ်မုၢ်အဖီခိၣ်န့ၣ်မ့ၢ်ပှၤပၢၤတၢ်ဟဲနုာ်အလီၢ်လီၤ.
20ဒီးစီၤအလၤဧစၢ်အဖိခွါစီၤဖံၤနဃၣ်န့ၣ်မ့ၢ်ပှၤအခိၣ်တဂၤလၢအဖီခိၣ်လၢခံလၢပျၢၤ,ဒီးယွၤအိၣ်ဝဲဒီးအီၤလီၤ.
21ဒီးစီၤမရှ့လ့းမယၤအဖိခွါ,စီၤစကၤရယၤ,မ့ၢ်ပှၤပၢၤတၢ်အိၣ်ဖှိၣ်ရိဖှိၣ်အဒဲအကျဲစၢၤလီၤ.
22အဝဲသ့ၣ်ခဲလၢာ်န့ၣ်ဘၣ်တၢ်ဃုထၢအီၤ,ဒ်သိးအကကဲထီၣ်ပှၤပၢၤကျဲစၢၤ,ပှၤခံကယၤတဆံခံဂၤလီၤ.အဝဲသ့ၣ်တဖၣ်န့ၣ်အမံၤဆဲးလီၤအသးလၢလံာ်ထူလံာ်ထံးအပူၤလၢအတဝီတဖၣ်အပူၤ,ပှၤလၢစီၤဒၤဝံး,ဒီးဝံစီၤၡမူၤအ့လးပာ်ဝဲလၢအတၢ်မၤအလီၢ်န့ၣ်လီၤ.
23ဒီးအဝဲသ့ၣ်တဖၣ်,ဒီးအဖိအလံၤတဖၣ်,ပၢၤယွၤအဟံၣ်အကျဲစၢၤ,ဒဲအဟံၣ်,ဒ်အကွၢ်တၢ်အလီၢ်တဖၣ်အသိးန့ၣ်လီၤ.
24ပှၤပၢၤကျဲစၢၤအိၣ်ဝဲလၢတၢ်လွံၢ်ခီ,လၢမုၢ်ထီၣ်တခီ,လၢမုၢ်နုာ်တခီ,လၢကလံၤစိးတခီ,ဒီးလၢကလံၤထံးတခီလီၤ.
25ဒီးအဒီပုၢ်ဝဲၢ်အိၣ်ဝဲလၢအတဝီတဖၣ်အပူၤန့ၣ်ဟဲဝဲလၢအလီၢ်ခံဆူအလီၢ်န့ၣ်နွံနံၤတဘျီနွံနံၤတဘျီလီၤ.
26အဂ့ၢ်ဒ်အံၤ,အဝဲသ့ၣ်တဖၣ်န့ၣ်အိၣ်ဝဲလၢပှၤပၢၤကျဲစၢၤဖိလွံၢ်ဂၤအစုဖီလာ်လၢအမ့ၢ်ပှၤလ့ၤဝံဖိ,ဒီးအိၣ်ဝဲလၢဒၢးတဖၣ်အဖီခိၣ်,ဒီးလၢတၢ်ပာ်ဖှိၣ်စ့အလီၢ်အဖီခိၣ်လၢအအိၣ်ဝဲလၢယွၤအဟံၣ်ပူၤလီၤ.
27ဒီးအိၣ်ဝဲသီတနၤကျၢၤဝးတရံးယွၤအဟံၣ်န့ၣ်လီၤ.အဂ့ၢ်ဒ်အံၤ,တၢ်ပၢၤတၢ်န့ၣ်အိၣ်ဝဲလၢအစုဖီလာ်,ဒီးအဝဲသ့ၣ်အိးထီၣ်တၢ်တဂီၤဘၣ်တဂီၤ,တဂီၤဘၣ်တဂီၤလီၤ.
28ဒီးပှၤပၢၤတၢ်အကုၢ်အပှၤအတၢ်မၤအဃၢၤအဃိၢ်တဖၣ်အိၣ်ဝဲလၢအကျါ,ဒ်သိးအကဟဲစိာ်နုာ်အီၤဒ်အတၢ်ဂံၢ်အသိး,ဒီးလဲၤစိာ်ထီၣ်အီၤဒ်အတၢ်ဂံၢ်အသိးန့ၣ်လီၤ.
29ဒီးတၢ်ပာ်ပှၤလၢအကျါတဖၣ်လၢတၢ်အဃၢၤအဃိၢ်အဖီခိၣ်,ဒီးလၢကယဲၢ်တၢ်အလီၢ်စီဆှံအဃၢၤအဃိၢ်အဖီခိၣ်,ဒီးလၢကိၣ်ကမူၣ်,ဒီးစပံးထံ,ဒီးသိ,ဒီးလီၢ်ဘၣ်,ဒီးတၢ်နၢမူသ့ၣ်တဖၣ်အဖီခိၣ်လီၤ.
30မ့မ့ၢ်ပှၤအိၣ်ဝဲလၢပှၤလုၢ်တၢ်အဒိၣ်အဖိခွါတဖၣ်အကျါန့ၣ်တိၢ်မၤဃါဃုာ်တၢ်သိနၢမူ,ဒီးတၢ်နၢမူလီၤ.
31ဒီးပှၤလ့ၤဝံဖိတဂၤစီၤမးတံးသယၤ(အဝဲဒၣ်န့ၣ်မ့ၢ်ပှၤကိၤရးဖိစီၤၡၤလူၣ်အဖိခွါဝဲၢ်ကိ)ကွၢ်တၢ်လၢပှၤမၤဝဲလၢသပၢၤပူၤန့ၣ်လီၤ.
32ဒီးပှၤအိၣ်ဝဲလၢအဒီပုၢ်ဝဲၢ်အကျါ,လၢပှၤကဃးဖိအကျါန့ၣ်အိၣ်ဝဲလၢတၢ်ဂ့ၢ်အကိၣ်အဖီခိၣ်ဒ်သိးအကကတဲာ်ကတီၤဝဲလၢအိၣ်ဘှံးနံၤဘၣ်လၢအိၣ်ဘှံးနံၤန့ၣ်လီၤ.
33ဒီးအအံၤမ့ၢ်ပှၤသးဝံၣ်တၢ်ဖိ,ပှၤလ့ၤဝံဖိအပၢ်တဖၣ်အခိၣ်,လၢအအိၣ်သဘျ့လၢဒၢးတဖၣ်အပူၤလီၤ.အဂ့ၢ်ဒ်အံၤ,မၤတၢ်န့ၣ်လၢမုၢ်ဆါဆဲးလၢမုၢ်နၤလီၤ.
34အဝဲသ့ၣ်တဖၣ်,ပှၤလ့ၤဝံဖိအပၢ်တဖၣ်အခိၣ်န့ၣ်မ့ၢ်အခိၣ်ဒ်အစၢၤအသွဲၣ်အသိးန့ၣ်လီၤ.အဝဲသ့ၣ်တဖၣ်န့ၣ်အိၣ်ဝဲဆိးဝဲလၢယရူၤၡလ့ၣ်အပူၤလီၤ.
35ဒီးစီၤကံးဘိၣ်အပၢ်စီၤယဧူၤအ့လးန့ၣ်အိၣ်ဝဲဆိးဝဲလၢကံးဘိၣ်အပူၤန့ၣ်လီၤ.ဒီးအမါအမံၤမ့ၢ်နီၢ်မၤကၤလီၤ.
36ဒီးအဖိဝဲၢ်ကိမ့ၢ်စီၤဧၤဘဒိၣ်,ဒီးစီၤစူၢ်,ဒီးစီၤကံၣ်,ဒီးစီၤဘဧၤလး,ဒီးစီၤန့ၢ်,ဒီးစီၤနၤဒး,
37ဒီးစီၤကဒိၢ်,ဒီးစီၤအဃံယိၤ,ဒီးစီၤစကၤရယၤ,ဒီးစီၤမံးကလိးလီၤ.
38ဒီးစီၤမံးကလိးထီၣ်ဖိစီၤၡံမၣ်လီၤ.ဒီးအဝဲသ့ၣ်တဖၣ်န့ၣ်အိၣ်ဝဲဆိးဝဲဒီးအဒီပုၢ်ဝဲၢ်လၢယရူၤၡလ့ၣ်အပူၤ,သဃီၤဒီးအဒီပုၢ်ဝဲၢ်လီၤ.
39ဒီးစီၤန့ၢ်ထီၣ်ဖိစီၤကံၣ်,ဒီးစီၤကံၣ်ထီၣ်ဖိစီၤစီလူး,ဒီးစီၤစီလူးထီၣ်ဖိစီၤယိနၤသၣ်,ဒီးစီၤမၤလကံရှူၤ,ဒီးစီၤအဘံနဒာ်,ဒီးစီၤအ့ၡဘဧၤလးလီၤ.
40ဒီးစီၤယိနၤသၣ်အဖိခွါန့ၣ်မ့ၢ်စီၤမရံးဘဧၤလး,ဒီးစီၤမရံးဘဧၤလးထီၣ်ဖိစီၤမံၤကါလီၤ.
41ဒီးစီၤမံၤကါအဖိခွါမ့ၢ်စီၤပံၤသိၣ်,စီၤမ့လ့း,ဒီးစီၤတၤဃရ့လီၤ.
42ဒီးစီၤအၤဃးထီၣ်ဖိစီၤယၤရ့ၤ,ဒီးစီၤယၤရ့ၤထီၣ်ဖိစီၤဧၤလ့မ့း,ဒီးစီၤဧၤစမၤဝ့း,ဒီးစီၤစံၣ်ရံၤလီၤ.ဒီးစီၤစံၣ်ရံၤထီၣ်ဖိစီၤမိစၤ,
43ဒီးစီၤမိစၤထီၣ်ဖိစီၤဘံးနၤ,ဒီးအဖိခွါစီၤရၤဖယၤ,အဖိခွါစီၤအ့လၤဧစၤ,အဖိခွါစီၤအၤစ့လးလီၤ.
44ဒီးစီၤအၤစ့လးအိၣ်ဒီးအဖိခွါဃုဂၤလီၤ.ဒီးအအံၤမ့ၢ်အမံၤ,စီၤဧးစရံကၣ်,ဒီးစီၤဘိကရူၤ,ဒီးစီၤယံးၡမၤဧ့လး,ဒီးစီၤၡၤရံယၤ,ဒီးစီၤဧိၤဘါဒယၤ,ဒီးစီၤဃၤနၣ်လီၤ.အဝဲသ့ၣ်တဖၣ်န့ၣ်မ့ၢ်စီၤအၤစ့လးအဖိခွါလီၤ.