Psalms 103
1ယသးဧၢ,စံးထီၣ်ပတြၢၤယွၤတက့ၢ်,ဒီးကယဲၢ်တၢ်အိၣ်လၢယပူၤဧၢ,စံးထီၣ်ပတြၢၤအမံၤစီဆှံန့ၣ်တက့ၢ်.
2ယသးဧၢ,စံးထီၣ်ပတြၢၤယွၤတက့ၢ်,ဒီးအတၢ်မၤဂ့ၤတဖၣ်န့ၣ်မ်နသုတသးပ့ၤနီၣ်နီတမံၤတဂ့ၤ.
3မ့ၢ်ပှၤလၢအပျၢ်နတၢ်သရူးနတၢ်ကမၣ်ခဲလၢာ်,ဒီးမၤဘျါက့ၤနတၢ်ဆူးတၢ်ဆါကိးအမံၤဒဲး,
4ဒီးပှ့ၤက့ၤနသးသမူလၢတၢ်ဟးဂီၤ,ဒီးဒုးကုာ်ထီၣ်နၤလၢတၢ်ဘျုးတၢ်ဖှိၣ်,ဒီးတၢ်သူၣ်အိၣ်သးအိၣ်အခိၣ်သလုး,ဒီးဒုးမံသူၣ်မံသးနထးခိၣ်လၢတၢ်ဂ့ၤ,
5နဖိၣ်သၣ်ခွါထီၣ်က့ၤကဒီးဒ်လံာ်ဧိၤတြၤဧိၤအသိးန့ၣ်လီၤ.
6ယွၤမၤတၢ်တီတၢ်လိၤ,ဒီးတၢ်စံၣ်ညီၣ်လၢကယဲၢ်ပှၤလၢတၢ်မၤအၢမၤနးအီၤအဂီၢ်လီၤ.
7ဒီးဘိးဘၣ်သ့ၣ်ညါစီၤမိၤရှ့လၢအကျဲဧိၤကပူၤဧိၤ,ဒီးပှၤအံၣ်စရ့လးဖိလၢအဖံးတၢ်အမၤတၢ်တဖၣ်လီၤ.
8ယွၤသူၣ်အိၣ်သးအိၣ်တၢ်,ဒီးသူၣ်ကညီၤသးကညီၤတၢ်လီၤ.သးဒိၣ်ထီၣ်ကီ,ဒီးအဘျုးအဖှိၣ်အိၣ်အါမးလီၤ.
9တသိၣ်ဃီၣ်တၢ်တထံၣ်ဃီဘၣ်.တပာ်တၢ်လီၤထူလီၤယိာ်ဘၣ်.
10တမၤဘၣ်ပှၤဒ်ပတၢ်ဒဲးဘးအသိးဘၣ်.တဟ့ၣ်ကၣ်ပှၤဒ်ပတၢ်သရူးကမၣ်အသိးဘၣ်.
11အဂ့ၢ်ဒ်အံၤ,တုၤသိးမူခိၣ်ကစီၤထီၣ်ဝဲလၢဟီၣ်ခိၣ်အဖီခိၣ်အသိးန့ၣ်အဘျုးအဖှိၣ်ဒိၣ်ဝဲလၢပှၤလၢအပျံၤအီၤအဂီၢ်ဒ်န့ၣ်အသိးလီၤ.
12ဒ်မုၢ်ထီၣ်တခီယံၤဝဲဒီးမုၢ်နုာ်တခီအသိးန့ၣ်နဒုးယံၤထီၣ်ပတၢ်သရူးကမၣ်ဒီးပှၤလီၤ.
13ဒ်ပၢ်သးအိၣ်အဖိအလံၤအသိးန့ၣ်ယွၤသးအိၣ်ပှၤလၢအပျံၤအီၤလီၤ.
14အဂ့ၢ်ဒ်အံၤ,သ့ၣ်ညါပနီၢ်ခိလီၤ.သ့ၣ်နီၣ်ထီၣ်က့ၤဝဲလၢပမ့ၢ်ဟီၣ်ခိၣ်အကမူၣ်လီၤ.
15တၢ်လၢပှၤကညီအံၤ,အမုၢ်နံၤမၤအသးဒ်နီၣ်ဧိၤမံၤဧိၤအသိးလီၤ.ဒ်သံၣ်ဧိၤဖီဧိၤလၢပျီပူၤအသိးန့ၣ်ဟဲထီၣ်ဝဲဒ်န့ၣ်အသိးလီၤ.
16အဂ့ၢ်ဒ်အံၤ,ကလံၤအူပူၤကွံာ်အလိၤ,ဒီးအလီၢ်တသ့ၣ်ညါလၢၤဘၣ်အီၤဘၣ်.
17မ့မ့ၢ်ယွၤအဘျုးအဖှိၣ်ဘၣ်ပှၤလၢအပျံၤအီၤတဖၣ်န့ၣ်လၢပျၢၤလၢကစၢၤလီၤစိၤလီၤထီ,
18ဒီးအတၢ်တီတၢ်လိၤအိၣ်ဒီးဖိစိၤလံၤစိၤ,လဟၢပှၤလၢအတိၢ်န့ၢ်အတၢ်အၢၣ်လီၤအီလီၤ,ဒီးသ့ၣ်နီၣ်ထီၣ်က့ၤအတၢ်မၤလိာ်ဒ်သိးအကတိၢ်န့ၢ်ဖံးဃာ်အီၤလီၤ.
19ယွၤပာ်လီၤအလီၢ်ပစိာ်လၢမူခိၣ်,ဒီးအဘီအမုၢ်န့ၣ်ပၢတၢ်ခဲလၢာ်လီၤ.
20အကလူးလၢအဂံၢ်ဆူၣ်ဘါဆူၣ်,ဒီးမၤအတၢ်,ဒီးကနၣ်အတၢ်ကတိၤအသီၣ်သ့ၣ်ဧၢ,စံးထီၣ်ပတြၢၤယွၤတက့ၢ်.
21ကယဲၢ်အပှၤသုးမုၢ်,အခ့အပှၤလၢအမၤဖဲဒၣ်အသးသုဝဲသ့ၣ်ဧၢ,စံးထီၣ်ပတြၢၤယွၤတက့ၢ်.
22ကယဲၢ်တၢ်လၢယွၤတ့လီၤဝဲကိးမံၤဒဲးအိၣ်ဝဲလၢအဘီအမုၢ်အပူၤတမံၤလၢ်လၢ်သ့ၣ်ဧၢ,စံးထီၣ်ပတြၢၤယွၤတက့ၢ်. ယသးဧၢ,စံးထီၣ်ပတြၢၤယွၤတက့ၢ်.