Psalms 96
1သးဝံၣ်ထီၣ်ယွၤလၢတၢ်သးဝံၣ်အသီ,သးဝံၣ်ထီၣ်ယွၤ,ဟီၣ်ခိၣ်ဖိခဲလၢာ်သ့ၣ်ဧၢ,
2သးဝံၣ်ထီၣ်ယွၤ,စံးထီၣ်ပတြၢၤအမံၤ,စံၣ်တဲၤတဲလီၤအတၢ်အုၣ်က့ၤခီၣ်က့ၤလၢတနံၤဘၣ်တနံၤတက့ၢ်.
3စံးဘၣ်တဲဘၣ်ပှၤကလုာ်တဖၣ်လၢအလၤအကပီၤအတၢ်လီၤလးလၢပှၤဂီၢ်မုၢ်ခဲလၢာ်အကျါတက့ၢ်.
4အဂ့ၢ်ဒ်အံၤ,ယွၤမ့ၢ်တၢ်အဒိၣ်,ဒီးတၢ်စံးထီၣ်ပတြၢၤအလီၢ်ဖးဒိၣ်လီၤ.အဝဲဒၣ်မ့ၢ်တၢ်ပျံၤအလီၢ်ဒိၣ်န့ၢ်ကစၢ်ခဲလၢာ်တက့ၢ်လီၤ.
5အဂ့ၢ်ဒ်အံၤ,ကယဲၢ်ပှၤအကလုာ်တဖၣ်အကစၢ်ခဲလၢာ်မ့ၢ်တၢ်ကလီကလီလီၤ.မ့မ့ၢ်ယွၤတ့လီၤမူခိၣ်လီၤ.
6တၢ်လၤကပီၤဒီးတၢ်ကဟုကညီၢ်အိၣ်ဝဲလၢအမဲာ်ညါ,ဒီးတၢ်အစိအကမီၤ,ဒီးတၢ်အဃံအလၤအိၣ်ဝဲလၢအလီၢ်စီဆှံအပူၤလီၤ.
7ဟ့ၣ်တၢ်လၢယွၤ,ပှၤဂီၢ်မုၢ်အဒူၣ်သ့ၣ်ဧၢ,ဟ့ၣ်တၢ်လၤကပီၤ,ဒီးတၢ်အစိအကမီၤလၢယွၤတက့ၢ်.
8ဟ့ၣ်အမံၤအလၤကပီၤလၢယွၤ,စိာ်တၢ်မၤဘူၣ်,ဒီးဟဲနုာ်ဆူအဂၢၤပူၤတက့ၢ်.
9ဘူၣ်ထီၣ်ဘါထီၣ်ယွၤလၢတၢ်စီဆှံအဃံအလၤတက့ၢ်.ကနိးကစုာ်လၢအမဲာ်ညါ,ပှၤဟီၣ်ခိၣ်ဖိခဲလၢာ်သ့ၣ်ဧၢ.
10စံးလၢပှၤကလုာ်တဖၣ်အကျါ,ယွၤကဲစီၤပၤ,မ့ၢ်မးဟီၣ်ခိၣ်အိၣ်ဂၢၢ်ဆိးကျၢၤ,တဟူးဝးဘၣ်လီၤ.ကစံၣ်ညီၣ်တီပှၤဂီၢ်မုၢ်လီၤ.
11မ်မူခိၣ်သူၣ်ခုသးခု,ဒီးဟီၣ်ခိၣ်သူၣ်ဖှံသးညီတက့ၢ်.မ်ပီၣ်လဲၣ်ဒီးတၢ်မၤပှဲၤအီၤန့ၣ်သီၣ်ထီၣ်တက့ၢ်.
12မ်စံာ်ဧိၤပှဲၤဧိၤ,ဒီးကယဲၢ်တၢ်အိၣ်လၢအပူၤသူၣ်ဖှံသးညီတက့ၢ်.တုၤနုၤတစုကယဲၢ်သ့ၣ်လၢပှၢ်လၢ်ကျါကသူၣ်ခုသးခု,
13လၢယွၤအမဲာ်ညါခဲလၢာ်လီၤ.အဂ့ၢ်ဒ်အံၤ,ဟဲဝဲဒ်သိးအကစံၣ်ညီၣ်ဟီၣ်ခိၣ်လီၤ.ကစံၣ်ညီၣ်ဟီၣ်ခိၣ်လၢတၢ်တီတၢ်လိၤဒီးပှၤဂီၢ်မုၢ်လၢတၢ်မ့ၢ်တၢ်တီလီၤ.