Psalms 83
1ယွၤဧၢ,မ်နသုတအိၣ်တအုၣ်တဂ့ၤ,အိၣ်ဃိကလာ်တဂ့ၤ,အိၣ်ဘှီၣ်ကလာ်တဂ့ၤ,ယွၤဧၢ.
2အဂ့ၢ်ဒ်အံၤ,နဒုၣ်နဒါတဖၣ်မၤတၢထီၣ်တၢလီၤတၢ်,ဒီးပှၤလၢအသးဟ့နၤတဖၣ်န့ၣ်မိာ်ထီၣ်အခိၣ်လီၤ.
3ကူၣ်ထီၣ်ဒီးလီတၢ်,ကူၣ်ထီဒါနပှၤဂီၢ်မုၢ်,ဒီးကူၣ်ထီၣ်ဖးလီၤတၢ်ထီဒါပှၤလၢနပၢၤအီၤလီၤ.
4စံးဝဲ,ဟဲ,ထဲးထီၣ်ကွံာ်သကိးအီၤတက့ၢ်.ဒ်သိးအသုတကဲလၢၤပှၤတကလုာ်တဂ့ၤ,ဒီးဒ်သိးပှၤအသုတပှ့ၤလၢၤဘၣ်အံၣ်စရ့လးအမံၤတဂ့ၤန့ၣ်လီၤ.
5အဂ့ၢ်ဒ်အံၤ,ကူၣ်လိာ်အသးဒီးအသးတဖျၢၣ်ဃီ,အၢၣ်လီၤအီလီၤတၢ်ထီဒါနၤ,
6ဒဲတဖၣ်ဘၣ်ဃးဒီးအဒိၣ်,ဒီးပှၤယံးၡမၤဧ့လးဖိ,ဒီးမိၤအး,ဒီးပှၤဟၤကၢ်ဖိ,
7ကံးဘလး,ဒီးဧၣ်မိၣ်,ဒီးဧမၤလ့း,ဒီးပှၤဖလ့ၡသးဖိ,ဒီးပှၤစိၢ်ဖိန့ၣ်လီၤ.
8အၤရှူၣ်စဲဘူးစ့ၢ်ကီးအသးဒီးအီၤလီၤ.မ့ၢ်ဝဲလၢစီၤလိာ်အဖိတဖၣ်အစုလီၤ. စ့လၤ.
9မၤအီၤဒ်ပှၤမံးဒယၣ်ဖိအသိး,ဒ်စီၤစံစရၤအသိး,ဒ်စီၤယၤဘံၣ်လၢထံကျိကံၡိၣ်တက့ၢ်.
10အဝဲသ့ၣ်ဟးဂီၤလၢဧ့ၣ်ဒိၢ်အပူၤလီၤ.ကဲထီၣ်ဝဲလၢတၢ်အ့ၣ်လၢဟီၣ်ခိၣ်အဂီၢ်လီၤ.
11မၤအပဒိၣ်ဖးဒိၣ်ဒ်စီၤဧိၤရ့ာ်အသိး,ဒီးဒ်စီၤစအ့ာ်အသိး,ဒီးအခိၣ်တဖၣ်ခဲလၢာ်ဒ်စီၤစ့ဘၤအသိး,ဒီးဒ်စီၤစးလမူနၤအသိး,
12လၢအစံး,ဟံးန့ၢ်သကိးယွၤအဟံၣ်လၢပဂီၢ်ဒၣ်ဝဲန့ၣ်တက့ၢ်.
13အိ,ယကစၢ်ဧၢ,မၤအီၤဒ်ဖ့အသိး,ဒ်လီၢ်အကမူၣ်လၢကလံၤအမဲာ်ညါအသိးန့ၣ်တက့ၢ်.
14ဒ်မ့ၣ်အူအီၣ်ပှၢ်အသိး,ဒီးဒ်မ့ၣ်အူလၣ်ဆူးထီၣ်ကစၢၢ်ကလိအသိးန့ၣ်,
15လူၤအီၤလၢနကလံၤမုၢ်တွၤဒ်န့ၣ်အသိး,ဒီးမၤပျံၤအီၤလၢနကလံၤသဝံးန့ၣ်ဒ်န့ၣ်အသိးတက့ၢ်.
16မၤပှဲၤအမဲာ်ဒီးတၢ်မဲာ်ဆှး,ဒ်သိးအကဃုနမံၤတက့ၢ်,ယွၤဧၢ.
17မ်အမဲာ်ဆှး,ဒီးပျံၤတၢ်ဖုးတၢ်လီၤထူလီၤယိာ်တက့ၢ်.ဒီးမ်အဘၣ်တၢ်မဲာ်ဆှး,ဒီးဟးဂီၤတက့ၢ်.
18ဒီးကသ့ၣ်ညါလၢနဲဒၣ်တဂၤဃီလၢနမံၤမ့ၢ်ယဟိဝၤန့ၣ်မ့ၢ်တၢ်ထီကတၢၢ်တဂၤလၢဟီၣ်ခိၣ်ဒီဘ့ၣ်ညါအဖီခိၣ်လီၤ.