Psalms 36
1ပှၤတတီတလိၤအတၢ်ကမၣ်စံးလၢယသးကံၢ်ပူၤ,တၢ်ပျံၤယွၤတအိၣ်ဘၣ်လၢအမဲာ်ညါဘၣ်.
2အဂ့ၢ်ဒ်အံၤ,လွဲကဒံလွဲကဒါလီၤအသးလၢအမဲာ်ဒၣ်ဝဲ,လၢတၢ်တထံၣ်န့ၢ်ဒီးသးဟ့အတၢ်အၢအဂ့ၢ်န့ၣ်လီၤ.
3အထးခိၣ်ကတိၤတၢ်န့ၣ်မ့ၢ်တၢ်အၢ,ဒီးလီတၢ်လီၤ.အိၣ်ဒီးတၢ်ကူၣ်သ့ဒီးမၤတၢ်ဂ့ၤန့ၣ်တုာ်ဝဲလီၤ.
4ဆိကမိၣ်တၢ်အၢလၢအလီၢ်မံပူၤ,ပာ်ဆၢထၢၣ်အသးလၢကျဲတဂ့ၤဘၣ်အပူၤ,တသးဟ့ဘၣ်တၢ်အၢဘၣ်.
5ယွၤဧၢ,နဘျုးနဖှိၣ်အိၣ်လၢမူခိၣ်,ဒီးနကလုၢ်တီန့ၣ်တုၤလၢမူကပိာ်လိၤန့ၣ်လီၤ.
6နတၢ်တီတၢ်လိၤမၤသးဒ်ကစၢ်အကစၢၢ်ကလိအသိးန့ၣ်,နစံၣ်ညီၣ်တၢ်တဖၣ်န့ၣ်မ့ၢ်တၢ်ယိာ်ပူၤဖးဒိၣ်လီၤ.ပှၤကညီဒီးဆၣ်ဖိကီၢ်ဖိန့ၣ်နအံးက့ၤကွၢ်က့ၤအီၤလီၤ,ယွၤဧၢ.
7နဘျုးနဖှိၣ်မ့ၢ်တၢ်လုၢ်ဒိၣ်ပှ့ၤဒိၣ်ဆံးဒိၣ်လဲၣ်,ကစၢ်ဧၢ.ဒီးပှၤကညီဖိသန့ၤအသးလၢနဒံးဆ့အကဒုပူၤလီၤ.
8ကဘျဲးအီၣ်လၢနဟံၣ်အသိအချါ,ဒီးနကဒုးအီအီၤလၢနတၢ်မုာ်လၤအထံကျိလီၤ.
9အဂ့ၢ်ဒ်အံၤ,တၢ်မူအထံထီၣ်ပၢၢ်န့ၣ်အိၣ်ဒီးနၤလီၤ.လၢနတၢ်ကပီၤအကျါန့ၣ်ပကထံၣ်ဘၣ်တၢ်ကပီၤလီၤ.
10မၤယံာ်ထီၣ်နဘျုးနဖှိၣ်လၢပှၤလၢအသ့ၣ်ညါနၤအဂီၢ်,ဒီးနတၢ်တီတၢ်လိၤလၢပှၤအသးလိၤအဂီၢ်န့ၣ်တက့ၢ်.
11တၢ်သးထီၣ်ထီအခီၣ်န့ၣ်မ်အသုတထီဒါယၤတဂ့ၤ,ဒီးပှၤတတီတလိၤအစုန့ၣ်မ်အသုတဟီထီၣ်ကွံာ်ယၤတဂ့ၤ.
12ဖဲန့ၣ်ပှၤမၤတၢ်အၢလီၤဃံၤလံ.ဘၣ်တၢ်တ့ၢ်လီၤကွံာ်အီၤ,ဒီးဂဲၤဆၢထၢၣ်တသ့ဘၣ်လီၤ.