Psalms 140
1ယွၤဧၢ,မၤပူၤမၤဖျဲးလၢ်ယၤလၢပှၤအအၢအသီ,ပၢၤယၤလၢပှၤမၤအၢမၤသီတၢ်တဂၤန့ၣ်တက့ၢ်.
2အဝဲသ့ၣ်တဖၣ်န့ၣ်ကူၣ်ထီၣ်တၢ်အအၢလၢအသးကံၢ်ပူၤလီၤ.အိၣ်ဖှိၣ်ရိဖှိၣ်ကိးမုၢ်နံၤမုၢ်နၤဒဲးဒ်သိးအကဒုးတၢ်လီၤ.
3ကျ့အပျ့ၤဒ်ဂုၢ်ဧိၤဒးဧိၤအသိးန့ၣ်လီၤ.ဂုၢ်သီအစုၣ်အိၣ်ဝဲလၢအပျ့ၤဖီလာ်လီၤ. စ့လၤ.
4ယွၤဧၢ,ကွၢ်ယၤဒီးမၤပူၤယၤလၢပှၤတတီတလိၤတက့ၢ်.ပၢၤယၤလၢပှၤမၤအၢမၤသီတၢ်,ပှၤလၢအကူၣ်ထီၣ်ဒ်သိးအကမၤဟးဂီၤယလဲၤတၢ်န့ၣ်လၢယၤတက့ၢ်.
5ပှၤလၢအပာ်အသးထီၣ်ထီန့ၣ်ပာ်လီၤပျံၤသကွီၤ,ဒီးပျံၤအိၣ်ခူသူၣ်လၢယဂီၢ်လီၤ.ဒါလီၤပှာ်တဆိလၢကျဲအဃၢၤ,ဆဲထီၣ်ဝၣ်ခီလၢယဂီၢ်လီၤ. စ့လၤ.
6ယစံးလၢယွၤ,နမ့ၢ်ယကစၢ်လီၤ.ယွၤဧၢ,ကနၣ်ယဃ့ကညးတၢ်အသီၣ်တက့ၢ်.
7ယွၤမ့ၢ်တၢ်အုၣ်က့ၤခီၣ်က့ၤယၤအစိအကမီၤလီၤ.လၢတၢ်ဒုးသုးအမုၢ်နံၤန့ၣ်နမၤကျၢၢ်ဘၢယခိၣ်လီၤ.
8ယွၤဧၢ,ပှၤတတီတလိၤအဆၢတၢ်န့ၣ်ဟ့ၣ်လီၤအီၤတဂ့ၤ.မ်အကူၣ်ထီၣ်တၢ်အၢန့ၣ်သုတကဲထီၣ်တၢ်တဂ့ၤ.ကပာ်ထီၣ်ထီအသးလီၤ. စ့လၤ.
9ပှၤလၢအအိၣ်ဝးတရံးယၤတဖၣ်အခိၣ်န့ၣ်မ်အပျုၤဒၣ်ဝဲအတၢ်အၢန့ၣ်ကမၤဘံၣ်မၤဘၢအီၤတက့ၢ်.
10မ်တၢ်ကကွံာ်အီၤလၢမ့ၣ်အူကဖး,မ်တၢ်တ့ၢ်လီၤကွံာ်အီၤဆူမ့ၣ်အူပူၤ,ဆူထံယိာ်ပူၤ,ဒ်သိးအသုတဂဲၤဆၢထၢၣ်လၢၤတဂ့ၤလီၤ.
11ပှၤကညီလၢအကတိၤတၢ်အၢန့ၣ်တအိၣ်ဂၢၢ်ဆိးကျၢၤဘၣ်လၢထံဧိၤကီၢ်ဧိၤအပူၤဘၣ်.ပှၤမၤဆူၣ်တၢ်န့ၣ်တၢ်အၢကလူၤမၤဟးဂီၤအီၤလီၤ.
12ယွၤကလိာ်ကွီၢ်လၢပှၤလၢအဘၣ်တၢ်နးတၢ်ဖှီၣ်အဂီၢ်,ဒီးကစံၣ်ညီၣ်ပှၤဖှီၣ်ဖိယာ်ဖိန့ၣ်ယသ့ၣ်ညါလီၤ.
13မ့ၢ်မးပှၤအတီအလိၤန့ၣ်ကစံးထီၣ်ပတြၢၤထီၣ်နမံၤ,ပှၤအတီအလိၤန့ၣ်ကအိၣ်ဝဲဆိးဝဲလၢနမဲာ်ညါလီၤ.