Psalms · S'gaw Karen Mason Bible 1853

Psalms 54

1ယွၤဧၢ,အုၣ်က့ၤခီၣ်က့ၤယၤလၢနမံၤ,ဒီးစံၣ်ညီၣ်န့ၢ်ယကွီၢ်လၢနစိနကမီၤတက့ၢ်.

2ယွၤဧၢ,ကနၣ်ယဘါထုကဖၣ်တၢ်,ဒီးဒိကနၣ်ယထးခိၣ်အတၢ်ကတိၤတက့ၢ်.

3အဂ့ၢ်ဒ်အံၤ,ပှၤတခီဘီမုၢ်ဖိဂဲၤဆၢထၢၣ်ထီဒါယၤ,ဒီးပှၤမၤအၢတၢ်ဃုယသးလီၤ.အဝဲသ့ၣ်တပာ်ဘၣ်ယွၤလၢအမဲာ်ညါဘၣ်. စ့လၤ.

4ကွၢ်ကွၢ်,ယွၤမၤစၢၤယၤ,ယွၤအိၣ်ဝဲလၢပှၤလၢအမၤစၢၤယသးတဖၣ်အကျါလီၤ.

5ကဟ့ၣ်ကၣ်တၢ်အၢလၢယဒုၣ်ယဒါတဖၣ်,မၤဟးဂီၤကွံာ်အီၤလၢနတၢ်မ့ၢ်တၢ်တီတက့ၢ်.

6ယကလုၢ်နၤလၢတၢ်လၢယမၤဘူၣ်ဒၣ်တၢ်,ယကစံးထီၣ်ပတြၢၤနမံၤ,ယွၤဧၢ,အဂ့ၢ်ဒ်အံၤ,မ့ၢ်အဂ့ၤလီၤ.

7အဂ့ၢ်ဒ်အံၤ,မၤပူၤမၤဖျဲးလံယၤလၢတၢ်ကိၢ်တၢ်ဂီၤခဲလၢာ်အပူၤ,ဒီးယမဲာ်ထံၣ်လံတၢ်ဘၣ်ယသးလၢယဒုၣ်ယဒါတဖၣ်အလိၤလီၤ.

Study Psalms 54