Psalms 141
1ယွၤဧၢ,ယကိးထီၣ်နၤလီၤ.မၤချ့ချ့လၢယဂီၢ်တက့ၢ်.တုၤယကိးထီၣ်နၤဒီး,ကနၣ်ယကလုၢ်တက့ၢ်.
2မ်ယဘါထုကဖၣ်တၢ်အံၤကဲထီၣ်ဒ်တၢ်ဆိၣ်ကဲၤနၢမူအသိးလၢနမဲာ်ညါ,ယယူာ်ထီၣ်ယစုအံၤဒ်မၤဘူၣ်တၢ်လၢမုၢ်ဟါအသိးန့ၣ်တက့ၢ်.
3ယွၤဧၢ,ပာ်တၢ်ပၢၤလၢယထးခိၣ်တက့ၢ်.ပၢၤယပျုၤအတြဲၤတက့ၢ်.
4သုတဘိးဃၣ်ယသးဆူတၢ်အၢဒ်သိးအကလဲၤလၢတၢ်အၢအိၣ်ဒီးပှၤလၢအမၤအၢတၢ်န့ၣ်တဂ့ၤ.ဒီးမ်ယသုတအီၣ်အတၢ်ဝံၣ်တဖၣ်တဂ့ၤ.
5မ်ပှၤအတီန့ၣ်တီၢ်ယၤတက့ၢ်.ကကဲထီၣ်ဝဲလၢတၢ်အဘျုးအဖှိၣ်လီၤ.မ်အသိၣ်ဃီၣ်ယၤတက့ၢ်.ကမ့ၢ်သိလၢယခိၣ်လီၤ.မ်ယခိၣ်သုတတြီအီၤတဂ့ၤ.အဂ့ၢ်ဒ်အံၤ,ယဘါထုကဖၣ်ဒံးလၢအဝဲသ့ၣ်အတၢ်နးတၢ်ဖှီၣ်အဂ့ၢ်အကျိၤလီၤ.
6အပှၤစံၣ်ညီၣ်ကွီၢ်ဘၣ်တၢ်တ့ၢ်လီၤကွံာ်အီၤလၢလၢၢ်ခိၣ်,ဒီးကနၢ်ဟူယတၢ်ကတိၤလၢအမုာ်ဝဲလီၤ.
7ပဃံပကွဲလီၤပြံလီၤပြါလၢပျုၤပူၤအခိၣ်ထိးအဃၢၤဒ်ပှၤလၢအဒီၣ်တၢ်ဒီးပဲာ်တၢ်လၢဟီၣ်ခိၣ်ချၢအသိးန့ၣ်လီၤ.
8အဂ့ၢ်ဒ်အံၤ,ကစၢ်ယွၤဧၢ,ယမဲာ်အိၣ်ဆူနအိၣ်,ယသန့ၤယသးလၢနၤလီၤ.လဲၤသဒၣ်ယသးတဂ့ၤ.
9ပၢၤယၤလၢပျံၤသကွီၤလၢပှၤပာ်ဝဲလၢယဂီၢ်,ဒီးလၢပှၤမၤအၢတၢ်တဖၣ်အဝၣ်ခီန့ၣ်တက့ၢ်.
10မ်ပှၤတတီတလိၤလီၤဃံၤလၢအပှာ်ဒၣ်ဝဲအပူၤတက့ၢ်.မ့မ့ၢ်ယၤအံၤမ်ယထူၣ်ဖျဲးတက့ၢ်.