Psalms 32
1ပှၤလၢအတၢ်ကမၣ်ဘၣ်တၢ်ပျၢ်လံ,လၢအတၢ်ဒဲးဘးဘၣ်ကျၢၢ်ဘၢလံန့ၣ်ဘၣ်ဆိၣ်ဂ့ၤဝဲလီၤ.
2ပှၤလၢယွၤတပာ်ဘၣ်တၢ်အၢလၢအလိၤ,ဒီးလီတၢ်တအိၣ်ဘၣ်လၢအသးကံၢ်ပူၤန့ၣ်ဘၣ်ဆိၣ်ဂ့ၤဝဲလီၤ.
3ဖဲယအိၣ်ဘှီၣ်ကလာ်ဒီး,ယဃံလီၢ်လံၤဝဲလၢယကိးပသူထီၣ်သ့သ့တနံၤအဃိလီၤ.
4အဂ့ၢ်ဒ်အံၤ,လၢမုၢ်ဆါဆဲးလၢမုၢ်နၤန့ၣ်နစုအိၣ်ဃၢလၢယလိၤလီၤ.ယတၢ်သံကစဲာ်ကဲထီၣ်တၢ်ကိၢ်ခါအတၢ်ဃ့လီၤ. စ့လၤ.
5ယဘိးဘၣ်သ့ၣ်ညါနၤလၢယတၢ်ဒဲးဘး,ဒီးယတၢ်အၢန့ၣ်ယတပာ်ခူသူၣ်ဘၣ်.ယစံးယကတဲလီၤကျဲၤလီၤယတၢ်ကမၣ်လၢယွၤန့ၣ်,ဒီးနပျၢ်ကွံာ်ယတၢ်ဒဲးဘးလီၤ. စ့လၤ.
6မ့ၢ်လၢတၢ်န့ၣ်အဃိဒီး,လၢပှၤထံၣ်န့ၢ်နၤသ့အဆၢကတီၢ်န့ၣ်ကယဲၢ်ပှၤစီဆှံခဲလၢာ်ကဘါထုကဖၣ်နၤကိးဂၤဒဲးလီၤ.မ့ၢ်မးလၢထံအါလုၣ်ဘၢတၢ်န့ၣ်တချုးန့ၢ်ဘၣ်အီၤဘၣ်.
7နဲဒၣ်အံၤနမ့ၢ်ယအိၣ်ခူသူၣ်အလီၢ်လီၤ.နကမၤပူၤဖျဲးယၤဒီးတၢ်ကိၢ်တၢ်ဂီၤ,ဒီးနကဒုးအိၣ်ဝးတရံးယၤလၢတၢ်သးဝံၣ်ဘၣ်ဃးဒီးတၢ်မၤပူၤဖျဲးတၢ်လီၤ. စ့လၤ.
8ယကသိၣ်က့ၤသီက့ၤနၤ,ဒီးဒုးနဲၣ်နၤလၢကျဲလၢနဘၣ်လဲၤန့ၣ်လီၤ.ယကဟ့ၣ်ကူၣ်နၤလၢယမဲာ်လီၤ.
9ပာ်သုသးဒ်ကသ့ၣ်,ဒ်ကသ့ၣ်လၤလၢအတၢ်ကူၣ်တအိၣ်ဘၣ်အသိးန့ၣ်တဂ့ၤ.အကယၢကယဲမ့ၢ်နိာ်ထး,ဒီးနိာ်ပျံၤလၢတြီတၢ်အဂီၢ်,လၢအတဟဲဘူးဘၣ်ဒီးနၤအဃိလီၤ.
10တၢ်သူၣ်အုးသးအုးအါမံၤအိၣ်ဒီးပှၤတတီတလိၤလီၤ.မ့မ့ၢ်ပှၤလၢအသန့ၤအသးလၢယွၤန့ၣ်တၢ်ဘျုးတၢ်ဖှိၣ်ကအိၣ်ဝးတရံးအီၤလီၤ.
11သးခုလၢယွၤအပူၤ,ဒီးသူၣ်ဖှံသးညီ,ပှၤအတီအလိၤသ့ၣ်ဧၢ,ဒီးကိးပသူထီၣ်လၢတၢ်သးခုအဃိ,ကယဲၢ်ပှၤလၢအသးစၢၢ်ဆၢခဲလၢာ်သ့ၣ်ဧၢ.