Psalms 2
1ဘၣ်မနုၤလၢပှၤအကလုာ်တဖၣ်ကလာ်ထီၣ်,ဒီးပှၤဂီၢ်မုၢ်တဖၣ်ကူၣ်ထီၣ်ဖးလီၤတၢ်ကလီကလီန့ၣ်လဲၣ်.
2ဟီၣ်ခိၣ်အစီၤပၤတဖၣ်ပာ်ဆၢထၢၣ်အသး,ဒီးပဒိၣ်ပပှၢ်တဖၣ်အိၣ်ဖှိၣ်ရိဖှိၣ်တပူၤဃီထီဒါယွၤဒီးခရံာ်န့ၣ်လီၤ.
3ဖ့ၣ်တဲာ်ကွံာ်သကိးအတၢ်စၢဃာ်,ဒီးကွံာ်တ့ၢ်ကွံာ်သကိးအပျံၤတက့ၢ်.
4ပှၤလၢအဆ့ၣ်နီၤလၢမူခိၣ်တဂၤန့ၣ်ကနံၤဝဲလီၤ.ယွၤကမၤတရီတပါအီၤလီၤ.
5တုၤနုၤတစုကကတိၤတၢ်ဒီးအီၤလၢအသးထီၣ်ဒီးလၢအသးကဲၤထီၣ်န့ၣ်ကမၤပျံၤမၤဖုးအီၤလီၤ.
6ဒီတၢ်လၢယၤအံၤယပာ်လီၤလံယစီၤပၤလၢယကစၢၢ်စီဆှံစံယိၣ်အလိၤလံ.
7ယကစံၣ်တဲၤတဲလီၤတၢ်မၤလိာ်န့ၣ်လီၤ.ယွၤစံးဘၣ်ယၤ,နဲဒၣ်အံၤနမ့ၢ်ယဖိခွါလီၤ.ယမၤလိၣ်ထီၣ်လံနၤလၢမုၢ်မဆါတနံၤအံၤလံ.
8ဃ့တၢ်လၢယၤတက့ၢ်,ဒီးယကဟ့ၣ်ပှၤကလုာ်တဖၣ်လၢနန့ၢ်ဘၣ်သါတၢ်အဂီၢ်,ဒီးဟီၣ်ခိၣ်အကတၢၢ်တဖၣ်လၢနစုလီၢ်နခီၣ်ခိၣ်အဂီၢ်လီၤ.
9နကတီၢ်ကၢ်အီၤလၢနီၢ်တီၢ်ထး,ဒီးဒ်ပှၤတ့သပၢၤဖိအသပၢၤအသိးန့ၣ်နကတီၢ်သဘှံးဆံးကွံာ်အီၤလီၤ.
10ဒီးခဲကနံၣ်အံၤစီၤပၤသ့ၣ်ဧၢ,အိၣ်ဒီးတၢ်ကူၣ်သ့တက့ၢ်.ဒိးတၢ်သိၣ်တၢ်သီ,ဟီၣ်ခိၣ်အပှၤစံၣ်ညီၣ်ကွီၢ်သ့ၣ်ဧၢ,
11မၤယွၤအတၢ်မၤလၢသုသူၣ်ပျံၤသးဖုးတက့ၢ်.သူၣ်ဖှံသးညီလၢသုသးကနိးတက့ၢ်.
12နၢမူဖိခွါန့ၣ်တက့ၢ်,ကသးထီၣ်ဘၣ်ဖုး,ဒီးသုကဟးဂီၤလၢကျဲန့ၣ်လီၤ.အဂ့ၢ်ဒ်အံၤ,အသးဒိၣ်ထီၣ်န့ၣ်ကဆိၣ်ကဲၤထီၣ်သတူၢ်ကလာ်လီၤ.ကယဲၢ်ပှၤလၢအသနံာ်သန့ၤအသးလၢအီၤန့ၣ်ဘၣ်ဆိၣ်ဂ့ၤဝဲခဲလၢာ်လီၤ.